Yilinga 11:29 - Mukanda Wa Zambi 1970

²⁹ Tumbaji yaalitesa ngwo, mutu ni mutu ahane nikulita ni kuhasa chenyi, ha kutumina akwa kufuliela waze atwama mu Yudea akalikwase najo.

MUKANDA USANDU WA ZAMBI 1975

²⁹ Ni tumbaji aliselele, mutu ni mutu nikulita ni upite wenyi, kutumisa kuli mandumbu waze atwamine mu Yundeya yimwe ya kulikwasa nayo:

Yilinga 11:29 Iomraidhean Croise

Ezra 2:69

Yaahana nikulita ni kuhasa cho mumu ha milimo yize. Kwoka cha yuma yeswe, oru kilo 500, ni prata kilo 2,800, ni mahina ja mahako 100.

Nehemia 5:8

yingwamba ngwami: “Ni tachi jeswe jize twabwile najo hitunakulu usoko wetu Ayuda waze abichiwile kuli yilambala. Kuma nunashinjika nawa akwenu alilanjise kuli usoko wo Ayuda, nyi?” Miata yaahola kuluu, kaanyingikine chize maamba.

Mateu 25:17

Yoze watambwile tununu aali a mbongo, neye yalinga chizechene, yafumbula tununu akwo aali.

Yoano 2:2

Mukwa ulungi yalakenya nawa Yesu ni tumbaji twenyi ku umbachiso uze.

Yilinga 1:15

Ha matangwa waze, Petulu yamana hakachi ka akwa kufuliela. Ayo eswe te ngwe kulakaji ni makumi aali. Neye yamba ngwenyi:

Yilinga 11:1

Tunganda twa Yesu ni akwa kufuliela a mu Yerusaleme yeevwa ngwo, waze hi Ayuda ko nawa haatambula liji lia Zambi.

Yilinga 11:26

Muze hamumona, yamutwala ku Antiokia. Mwaka wa muundu yaakunguluka hamwe ni akwa Chikungulwila, yaalongesa mbunga yinene. Ku Antiokia, kwenako aliangile kuluka tumbaji ngwo, akwa Kristu.

Yilinga 13:52

Alioze tumbaji a ku Antiokia yaawahilila kuhiana, yaazala ni Mwiku wa Linanga.

Yilinga 14:20

Alioze muze tumbaji haamukunguluka, Paulu yakatuka, yanjila mu limbo. Muze hikwacha, yaya ni Barnaba ku limbo lia Derbe.

Yilinga 14:22

yaakolesa tumbaji, yaatakamisa amane nguu mu ufulielo, yaamba ngwo: “Chatutamba kunjila mu Wanangana wa Zambi ni lamba linji.”

Yilinga 24:17

“Miaka yinji yabalikile yize chabwile ko ku Yerusaleme. Mba yinguya ko nikwaha vungu liami yawana ni kulambula Zambi milambu.

Yilinga 4:34

Mutu niumwe hakachi ko wahonene Chuma, mumu eswe waze abwile ni minda hanji mazuwo, yaayilanjisa. Yaaneha mbongo ja yuma yize alanjishile,

Yilinga 6:1

Ha matangwa waze, muze tumbaji hooka kuhiana, Ayuda waze te akuhanjika liji lia greke yaaketeka waze te akuhanjika hebreu mumu mapwo jo, waze haanafwisa malunga, te keeshi kwakwasa ha kupangila cha tangwa ha tangwa.

Yilinga 9:19

Hohene Saulu yalia, yalitakamisa, yatambula nawa tachi. Saulu yatwama amwe matangwa hamwe ni tumbaji mu limbo lia Damasku.

Yilinga 9:25

Alioze ha ufuku amwe tumbaji yaamutwala, yaamuzeza mu chituwa cha mu chipanga, ni kumusunwisa hashi mu chisoka.

1 Korintu 13:5

Mukwa zango keshi kulinga chize kuchalitele, keshi kufupa yuma yenyi mwene, keshi kutenuka nikawashi, keshi kufunga kole.

Galashia 2:10

Yaatulweza shina kwiwuluka yiswale a mu Chikungulwila cho mu limbo lia Yerusaleme. Chuma chino ni yami nasele tachi kuchilinga.