Yilinga 11:27 - Mukanda Wa Zambi 1970

²⁷ Ha matangwa waze, amwe akwa munanyi a Zambi yaatuhuka mu Yerusaleme, yaaya ku Antiokia.

MUKANDA USANDU WA ZAMBI 1975

²⁷ Achi, ha matangwa ano aprofeta akatukile ku Yerusaleme nikupalumuka ku Andiakia.

Yilinga 11:27 Iomraidhean Croise

Mateu 23:34

Kashika, talenu, mungunutumina akwa munanyi a Zambi, ni akwa mana, ni alongeshi a Shimbi. Munukashiha amwe, munukahachila akwo ha makulusu, munukalamba amwe ni fimbo (shikote) mu mazuwo jenu a kuwayila ni kwahungumiona ku limbo ni limbo.

Luka 11:49

Kashika Mana a Zambi haanambe ngwo: ‘Mungukaatumina akwa Munanyi a Zambi ni tunganda. Maakashiha amwe, ni akwo maakahungumiona.’

Yilinga 11:20

Alioze hakachi ko habwile malunga akwo a ku tungu lia Shipre ni ku limbo lia Sirene, muze haaheta ku Antiokia, yambujola nawa kuli mavungu akwo, yaanyingikisa Sango Jibema ja Mwene Yesu.

Yilinga 11:22

Sango jino jahetele ku Chikungulwila cha Yerusaleme, mba yaatuma Barnaba ku Antiokia.

Yilinga 13:1

Mu Chikungulwila cha Antiokia, akwa munanyi a Zambi ni alongeshi te atwama mo: Barnaba, ni Simone (yoze te akuvuluka ngwo, mutu mulaa), ni Lusiu (Kasirene) ni Manaene (yoze alelele hamwe ni mukwa kuyula Herode), ni Saulu.

Yilinga 14:26

Muze haakatuka ko, yaanjila mu ulungu, yazauka aye ku limbo lia Antiokia. Kwenako makulwana ja Chikungulwila akunjikile Paulu ni Barnaba ku utu wa Zambi, ni ku milimo yize te haamanununa.

Yilinga 15:22

Hohene yichibemena tunganda twa Yesu, ni makulwana, hamwe ni Chikungulwila cheswe kutongola amwe hakachi ko ni kwatuma ku limbo lia Antiokia hamwe ni Paulu ni Barnaba. Yaatongola Yudase, jina lienyi likwo Barsaba, ni Sila, akwa lufuma hakachi ka akwa Kristu.

Yilinga 15:30

Kashika, muze akwa lutwe haashika, atu waze yaaya ku Antiokia. Kwenako yaakungulula mbunga yeswe ya akwa kufuliela, yaaha mukanda.

Yilinga 15:32

Yudase ni Sila ayo ene te kaali akwa munanyi a Zambi. Yaashinjila akwa Kristu ni maliji anji ha kwatakamisa ni kwakolesa.

Yilinga 18:22

Muze haheta ku limbo lia Sesarea, yaya ku Yerusaleme, yameneka Chikungulwila, mba yaya ku Antiokia.

Yilinga 2:17

‘Ha matangwa akusula mungukalinga chino. Mungukamwangina Mwiku wami wa Linanga muli atu eswe. Ana jenu a malunga ni a mapwo maakambujola yuma yize muyikeza ho. Akweze jenu maakamona Usolwelo; tushinakaji twenu maakalota yilota.

Yilinga 21:4

Yituwana tumbaji, mba yitutwama ko matangwa shimbiali. Ku tachi ja Mwiku wa Linanga, e tumbaji yaambila Paulu ngwo: “Kanda uya ku Yerusaleme.”

Yilinga 21:9

Lunga yono wabwile ni anenyi awana a mapwo waze kaayile ko ku malo, te akwa munanyi a Zambi.

Yilinga 6:5

Maliji wano yaawahisa mbunga yeswe. No yaasakula Estevau (Etienne), mutu yoze te unazala ni Mwiku wa Linanga, mukwa kufuliela wamwenemwene. Yaatongola nawa Filipe, ni Prokoru, ni Nikanore, ni Timone, ni Parmena, ni Nikalau, wa ku limbo lia Antiokia, mukwa vungu likwo yoze watayijile longeso lia Ayuda.

1 Korintu 12:10

Wakuhana kuli umwe tachi ja kulinga yipupu, kuli mukwo mana a kuhanjika munanyi. Kuli mutu mukwo, nawa, wakuhana mana a kunyingika Mwiku wamwenemwene ni uze wa mahuza. Kuli umwe, Mwiku wakuhana yinyingi ya kuhanjika maliji waze kaanyingikine ko, ni kuli mukwo yinyingi ya kulumbununa e maliji.

1 Korintu 12:28

Mu Chikungulwila, mutu mweswe Zambi hanamwehe milimo yenyi: hatangu tunganda twa Yesu, wa muchaali akwa munanyi, wa muchitatu alongeshi, mba akwo waze akulinga yipupu, mba waze Zambi hanaahe tachi ja kuwuka mieji, hanji kukwasa, hanji kusongwela atu, hanji kuhanjika maliji waze kaanyingikine ko.

1 Korintu 14:32

Yoze uli ni chawana cha kuhanjika munanyi, chamutamba kuyula chawana chize.

Galashia 2:11

Muze Petulu haheta ku limbo lia Antiokia, nalimikine nenyi ku meso ja atu, mumu te hahengesa.

Efesu 4:11

Iye wahanyine “yawana kuli atu”: amwe tunganda, akwo akwa munanyi ja Zambi, akwo akwa kwambujola, akwo tulayi, akwo alongeshi.