Yilinga 11:26 - Mukanda Wa Zambi 1970

²⁶ Muze hamumona, yamutwala ku Antiokia. Mwaka wa muundu yaakunguluka hamwe ni akwa Chikungulwila, yaalongesa mbunga yinene. Ku Antiokia, kwenako aliangile kuluka tumbaji ngwo, akwa Kristu.

MUKANDA USANDU WA ZAMBI 1975

²⁶ muze te hamuwana, wamutwalile ku Andiakia. Mba ha mwaka wa muwundu akungulukile hamwe ni akwa chikungulwila, nikulongesa mbunga yinene; ni ku Andiakia hatangu alukile tumbaji ngwo, Akwa Kristu.

Yilinga 11:26 Iomraidhean Croise

Izaya 65:15

Jina lienu mulishingiwa kuli atu jami waze natongwele. Yami Mwene Zambi mungukanushiha. Alioze atu waze akungwononokena mungukaluka jina haha.

Mateu 28:19

Kashika, yeenu ku mavungu eswe, nukaapwise tumbaji twami, ni kwapapachisa mu jina lia Tata, ni lia Mwana, ni lia Mwiku wa Linanga,

Yoano 2:2

Mukwa ulungi yalakenya nawa Yesu ni tumbaji twenyi ku umbachiso uze.

Yilinga 1:15

Ha matangwa waze, Petulu yamana hakachi ka akwa kufuliela. Ayo eswe te ngwe kulakaji ni makumi aali. Neye yamba ngwenyi:

Yilinga 11:20

Alioze hakachi ko habwile malunga akwo a ku tungu lia Shipre ni ku limbo lia Sirene, muze haaheta ku Antiokia, yambujola nawa kuli mavungu akwo, yaanyingikisa Sango Jibema ja Mwene Yesu.

Yilinga 11:22

Sango jino jahetele ku Chikungulwila cha Yerusaleme, mba yaatuma Barnaba ku Antiokia.

Yilinga 11:27

Ha matangwa waze, amwe akwa munanyi a Zambi yaatuhuka mu Yerusaleme, yaaya ku Antiokia.

Yilinga 11:29

Tumbaji yaalitesa ngwo, mutu ni mutu ahane nikulita ni kuhasa chenyi, ha kutumina akwa kufuliela waze atwama mu Yudea akalikwase najo.

Yilinga 14:20

Alioze muze tumbaji haamukunguluka, Paulu yakatuka, yanjila mu limbo. Muze hikwacha, yaya ni Barnaba ku limbo lia Derbe.

Yilinga 14:22

yaakolesa tumbaji, yaatakamisa amane nguu mu ufulielo, yaamba ngwo: “Chatutamba kunjila mu Wanangana wa Zambi ni lamba linji.”

Yilinga 14:23

Mu Chikungulwila ni Chikungulwila yaatongola makulwana. Ha kulemba ni kulitwamina kulia, yaakunjika makulwana waze kuli Mwene Yesu yoze haafuliela.

Yilinga 14:27

Muze haaheta ko, yaakungulula akwa Chikungulwila eswe, yaalumbunwina yeswe yize Zambi alingile no, ni ngwe chize hanazulwila waze hi Ayuda ko chajilo, hanga no afuliele.

Yilinga 14:28

No yaatwama ko shimbu lisuku hamwe ni tumbaji.

Yilinga 18:27

Muze Apolo ambile kuya ku chifuchi cha Gresia, akwetu akwa Kristu yaamukwasa nikusoneka mukanda kuli tumbaji a mu chifuchi chize ha kumutambula kanawa. Muze haheta ko, yakwasa kuhiana eswe waze afulielele ku utu wa Zambi.

Yilinga 19:9

Alioze akwo yaakala mbunge, yaalituna kufuliela, yaalelesa ku meso ja atu eswe longeso hakutwala kuli Mwene Yesu. Kashika Paulu yakatuka, yatwala tumbaji hamwe nenyi nikwalongesa tangwa ha tangwa mu shikola ya Tiranu.

Yilinga 20:1

Muze te zungo hiliahola, Paulu yatambika tumbaji, yaashinjila maliji, yalishika no, yakatuka ni kuya ku Masedonia.

Yilinga 20:30

Hakachi ka yenwene nawa malunga maakakatuka ni kuhanjika mahuza, ni kukoka tumbaji ha kwakaula.

Yilinga 21:4

Yituwana tumbaji, mba yitutwama ko matangwa shimbiali. Ku tachi ja Mwiku wa Linanga, e tumbaji yaambila Paulu ngwo: “Kanda uya ku Yerusaleme.”

Yilinga 26:28

Agripa yamwamba Paulu ngwenyi: “Hasala hakepe Unanyongo kungupwisa mukwa Kristu, nyi?”

Yilinga 6:1

Ha matangwa waze, muze tumbaji hooka kuhiana, Ayuda waze te akuhanjika liji lia greke yaaketeka waze te akuhanjika hebreu mumu mapwo jo, waze haanafwisa malunga, te keeshi kwakwasa ha kupangila cha tangwa ha tangwa.

Yilinga 6:5

Maliji wano yaawahisa mbunga yeswe. No yaasakula Estevau (Etienne), mutu yoze te unazala ni Mwiku wa Linanga, mukwa kufuliela wamwenemwene. Yaatongola nawa Filipe, ni Prokoru, ni Nikanore, ni Timone, ni Parmena, ni Nikalau, wa ku limbo lia Antiokia, mukwa vungu likwo yoze watayijile longeso lia Ayuda.

Yilinga 9:19

Hohene Saulu yalia, yalitakamisa, yatambula nawa tachi. Saulu yatwama amwe matangwa hamwe ni tumbaji mu limbo lia Damasku.

Yilinga 9:38

Lida kali hakamwihi ni Jope. Kashika muze tumbaji a mu Jope heevwa ngwo, Petulu ku Lida ali, yaamutumina malunga aali ni liji lino ngwo: “Tweya kama ku mahietu, kanda ushimbula.”

1 Korintu 11:18

Chikuma chitangu, hingunevu ngwo, muze nwakulikungulula hamuwika mu Chikungulwila, nwakulihandununa. Kota ni yami ngunachifuliela.

1 Korintu 12:12

Mumu Kristu kali ngwe mujimba umuwika uze ukwete yihanda yinji. Alioze chibwe ukwete yihanda yinji, hindu mujimba umuwika.

1 Korintu 14:23

Kashika, nyi Chikungulwila cheswe haalikungulula, ni eswe kaanahanjika maliji waze atu kaanyingikine, nyi mwanjila atu waze kaanyingikine hanji waze keeshi kufuliela, keechi kwamba ngwo: “Nunazaluka,” nyi?

1 Korintu 4:17

Ha kunukwasa ngunanutumina Timoteu. Kali mwanami mu ufulielo, mukwa kushishika mu kuliendela ni Mwene Yesu. Maka nwiwulula Shimbi jize nakukaula mu mwono Waha mu kulinunga ni Kristu, Shimbi jize nakulongesa kweswe mu Yikungulwila yeswe.

Efesu 3:15

Vungu lieswe lia mwilu ni hashi liakutambula kuli iye jina lialio liamwenemwene.

Tiangu (Jake) 2:7

Hi ayo ko waze akushililika jina libema lize anulukile Zambi, nyi?

1 Petulu 4:14

Kunwawaha muze atu maanuchoka mumu nuli akwa Kristu. Mumu chinalumbunuka ngwo, Mwiku wa uhenya wa Zambi kuwatwama muli yenu.

1 Petulu 4:16

Alioze nyi umwe mamona lamba mumu kali mukwa Kristu, kanda evwa sonyi, alioze chamutamba kuchichimieka Zambi mumu kakumuvuluka jina lize.

1 Yoano 2:27

Alioze hakutwala kuli yenu, Kristu hananuhinjila Mwiku wenyi. Shimbu te Mwiku wenyi watwama muli yenu, kunushi kufupa umwe kunulongesa. Mumu we Mwiku wakunulongesa yuma yeswe, ni yize wakulongesa yili ya umwenemwene, hi ya mahuza ko. Kashika liendelenu ni Kristu ngwe chize Mwiku wa Linanga wakunulongesa.

Usolwelo 3:18

Kashika, ngunakukanyamisa ngwami, Ulande kuli yami oru yize hanayisayisa mu kahia, hanga ubwe pichi. Ulande mahina atoma hanga Uzale. Chenacho kuuchi kwivwa sonyi. Ulande yitumbo ya kukwita ha meso je, hanga uhase kumona.