Yilinga 11:23 - Mukanda Wa Zambi 1970

²³ Muze haheta ko, yamona chize Zambi awahishile akwa kufuliela. Neye yawahilila, yaatakamisa eswe ha kulalaminya Mwene Yesu ni mbunge yeswe.

MUKANDA USANDU WA ZAMBI 1975

²³ Iye, muze ahetele, ha kumona vumbi lia Zambi, wawahililile; waashinjile eswe hanga ni mbunge yeswe alalaminye kuli Mwene.

Yilinga 11:23 Iomraidhean Croise

1 MIANANGANA 18:6

Yabwa mukwa kushishika, kakolemene ko Mwene Zambi. Alioze yafunga Shimbi jeswe kanawa jize Mwene Zambi ahanyine kuli Mose.

Miaso (Masamu) 17:3

Unanyingika mbunge yami. Hiunanguhete ha ufuku, hiunangweseka liakulu, kuwawanyine chibi nichimwe muli yami.

Yishima 23:15

Mwana, nyi wabwa mukwa mana, munguwahilila.

Yishima 23:28

Kaakukujikinyina ngwe yikwata, kaakuvulumwisa malunga anji.

Daniel 1:8

Alioze Daniel yabatula ngwenyi, kechi kalichisa ha kulia ni kunwa yuma ya mu zuwo lia mwanangana, kashika yahula Ashpenaze amukwase.

Mateu 16:24

Yesu yambila tumbaji twenyi ngwenyi: “Nyi umwe mazanga kungukaula, alitwamine kulinyonga iye mwene; azundule kulusu yenyi, angukaule.

Marku 2:5

Muze hamona ufulielo wo, Yesu yambila mukwa kalepa ngwenyi: “Mwanami, milonga ye hiyakonekenewa.”

Yoano 15:4

Nyongononenu kulinunga ni yami, ngwe chize nakunyongonona kulinunga ni yenu. Mutango kuwahashile kwima mihuko ukawawo, shina muulinunga ni chibuta cha vinyu. Chimuwika nawa, yenu kunwahashile kwima mihuko nyi kunushi kunyongonona kulinunga ni yami.

Yilinga 13:43

Muze te waze ali mu zuwo lia kuwayila haamwangana, atu anji, Ayuda ni akwa kufuliela a ku mavungu akwo, yaakaula Paulu ni Barnaba. No yaashinjila amane nguu mu utu wa Zambi.

Yilinga 14:22

yaakolesa tumbaji, yaatakamisa amane nguu mu ufulielo, yaamba ngwo: “Chatutamba kunjila mu Wanangana wa Zambi ni lamba linji.”

Yilinga 14:26

Muze haakatuka ko, yaanjila mu ulungu, yazauka aye ku limbo lia Antiokia. Kwenako makulwana ja Chikungulwila akunjikile Paulu ni Barnaba ku utu wa Zambi, ni ku milimo yize te haamanununa.

Yilinga 15:40

Alioze Paulu yatongola Sila. Akwa Kristu yaakunjika ku utu wa Zambi, mba yaaya mu jila.

Yilinga 20:24

Alioze Chishi kwalula mwono wami ngwe Chuma chilemu. Nakuzanga kuhwisa kwenda chami ni milimo yami yize natambwile kuli Mwene Yesu. Milimo yino yenayi ayi: kushindakenya chikolo Sango Jibema ja utu wa Zambi.

Yilinga 20:32

“Haliabwila ngunanukunjika kuli Zambi ni ku liji lia utu wenyi. Kanahase kunukolesa ni kunuwahisa ni yiwape yize aswekelele atu jenyi.

Yilinga 4:36

Yikubwa mutu umuwika jina lienyi te Josefe, Kalevi, yoze wasemukine ku tungu lia Shipre. Tunganda twa Yesu yaamuluka jina likwo ngwo, Barnaba (kulumbunuka ngwo, mukwa kutakamisa atu.)

A-ROMA 12:8

Yoze uli ni mana akutakamisa akwo, chamutamba kuchilinga. Yoze wakuhana yikumba yenyi, ayihane ya kulumbama. Yoze wakuyula, alihane ku kuyula. Yoze wakukwasa akwa lamba, achilinge ni chiseke.

1 Korintu 15:58

Kashika, akwetu akwa Kristu, manenu nguu, kanda nukokoloka. Takamenu matangwa eswe mu milimo ya Mwene Yesu, mumu nunanyingika ngwenu, Chuma nichimwe chize nwakulinga mu milimo ya Mwene muchikabwa chamokomoko.

2 Korintu 1:17

Muze nanyongene chino, kafwa ngwe nachilingile ni lwelia, nyi? Hanji kunyonga chami chili cha uutu, nyi? Hanji nguli ngwe yoze wakwamba ngwenyi: “Ewa, ewa” hanji “Ka, ka” chisuho chimuwika, nyi?

2 Korintu 6:1

Kashika yetu, waze twakulinga hamwe ni Zambi, tunaliumbu kuli yenu ngwetu, kanda nulelesa utu uze Zambi hananulweze.

Shimbi 10:20

Ononokenenu Mwene Zambi, Zambi yenu, muwayilenu iye wika. Bwenu akwa kushishika, lishingenu ni jina lienyi wika.

Shimbi 30:20

Zangenu Mwene Zambi, Zambi yenu, ni kumwononokena. Bwenu akwa kushishika, mba yenu ni ana jenu munutwama miaka yinji mu chifuchi chize hanalakenya kuhana kuli tushakulu twenu, Abrahama, ni Isake, ni Yakoba.”

Kolosu 1:6

Sango Jibema jinamwangana ni jinatwala yiwape yajo hashi heswe. Jalingile nawa mukachi kenu chize ku tangwa lize nwevwile chisuho chitangu hakutwala ku utu wa Zambi, ni kuunyingika pundu chize ubwa.

2 Timoteu 3:10

Alioze yena hiunanyingika longeso liami, ni ndako jami, ni upale wami, ni ufulielo wami, ni uhomboloji wami, ni zango liami, ni kunyongonona chami.

Yoshua 22:5

Fungenu kanawa Shimbi jize anuhele Mose ngwenyi: ‘Zangenu Mwene Zambi. Zambi yenu, lingenu chize anazange, fungenu Shimbi jenyi, bwenu akwa kushishika, mulingilenu ni mbunge jenu Jeswe, ni mwono wenu weswe.’ ”

Yoshua 23:8

Alioze lalaminyenu kuli Mwene Zambi, Zambi yenu, ngwe chize nwakulinga ndoo ni musono,

1 Petulu 5:12

Silvanu unangukwase kunusonekena mukanda uno ukepe. Kali mukwetu mukwa kushishika. Ngunazange kunutakamisa ni kushindakenya ngwami, uno we utu wamwenemwene wa Zambi. Manenu mo nguu.

1 Yoano 2:28

Ana jami, haliabwila nwakulinunga ni Kristu; twamenu chizechene hanga tukajikize, ni kutuchi kevwa sonyi ku meso jenyi ha tangwa lia kwiza chenyi.

3 Yoano 1:4

Yuma yize yakunguwahisa kuhiana yenayi ayi: kwivwa ngwo, ana jami kaakulinga umwenemwene.

Yuda 1:4

Mumu amwe atu abi aliombele ni kunjila mukachi ketu, alioze te kutwanyingikine ngwetu, haananjila. Kaakwalumuna liji liakutwala ku utu wa Zambi yetu hanga alisambise ku utanji wo. Kaakwehuka Yesu Kristu, Mwata wetu umuwika, kanda Mwene wetu. Mukanda wa Zambi hiunahanjika munanyi shimbu kanda ngwo, maakamona lamba, ni haalimona kulu.