Yilinga 11:21 - Mukanda Wa Zambi 1970

²¹ Ndundo ja Mwene jabwile hamwe no, ni atu anji yaafuliela, yaatewuluka kuli Mwene.

MUKANDA USANDU WA ZAMBI 1975

²¹ Kwoko lia Mwene liapwile hamwe no: anji afulielele, atewulukilile kuli Mwehe.

Yilinga 11:21 Iomraidhean Croise

2 Sango Ja Mianangana 30:12

Zambi yalinga nawa milimo mu Yuda. Yaaha atu mbunge yimuwika ni kulinga upale wenyi ha kufunga Shimbi ja mwanangana ni akwa kuyula jenyi.

Ezra 8:18

Mba nikulita ni utu wa Zambi, yaatutumina umwe mukwa mana, Sherebia, Kalevi wa ku jimo lia Mali, hamwe ni ana jenyi ni usoko wenyi kumi ni nake.

Nehemia 2:18

Yingwalweza chize Mwene Zambi ali hamwe ni yami, ni chize hangukwasa, ni maliji waze mwanangana hangulweza. No yaangukumbulula ngwo: “Tukatukenu, tutungulule lie limbo.” Mba yaalitakamisa ni kubutula milimo.

Nehemia 2:8

Yingumuhula nawa mukanda wa kuhana kuli Asafe, kafunga ka usaki wa wanangana, hanga angwehe mitondo mumu ha yajilo ya chipanga cha zuwo lia Zambi, ni chipanga cha limbo, ni zuwo lize te mungutwama. Mwanangana yangwaha yeswe yize namwichile, mumu Zambi wabwile hamwe ni yami.

Izaya 53:1

Mavungu maakumbulula ngwo: Iya te mahasa kufuliela kama sango jetu? Iya te mahasa kumona kama ndundo ja Mwene Zambi mu yuma yino?

Izaya 59:1

Kanda nunyonga ngwenu, kwoko lia Mwene Zambi hiliahiha ha kunulamwina, hanji hafwa matwi kahashile kubanjika ku kuliumba chenu!

Luka 1:66

Waze eswe achivwile yaanyonga ni kulihula ngwo: “Mwana yono kuchi makabwa?” Chamwenemwene kuma te kali ni tachi ja Mwene Zambi.

Yilinga 11:24

Barnaba te mutu mubema ni ufulielo unji, yazala ni Mwiku wa Linanga. Mbunga yinene yaafuliela nikutewuluka kuli Mwene.

Yilinga 15:19

Tiangu (Jake) yaweza ngwenyi: “Kashika, ngunanyongo ngwami, kuchalitele kusa yilemu hali mavungu akwo waze haatewulukila kuli Zambi.

Yilinga 2:47

yaachichimieka Zambi. Atu eswe yaasa vumbi. Tangwa ha tangwa Mwene yawezela ku mbunga yo waze te Zambi analamwina.

Yilinga 4:4

Alioze anji a kuli waze evwile liji, yaafuliela; malunga abwile ngwe tununu atano.

Yilinga 5:14

Kwoka cha waze afulielele Mwene Yesu, malunga ni mapwo, te chakuliweza tangwa ha tangwa.

Yilinga 6:7

Mba maliji a Zambi yaafumana. Tumbaji yooka kuhiana mu limbo lia Yerusaleme. Mbunga yinene ya mahako a Zambi yoononokena e maliji.

Yilinga 9:35

Eswe waze te atwama ku Lida ni mu chana cha Sarone yaamumona, no yaatewuluka kuli Mwene Yesu.

1 Tesalonika 1:5

Mumu twanwambujolele Sango Jibema, hi ni maliji wika ko, alioze ni tachi, ni chiyulo cha Mwiku wa Linanga, nikunyingika pundu ngwetu, kaali maliji amwenemwene. Nunanyingika chize twabwile hakachi kenu ha kunuwahisa.