Biblia Todo Logo
Bìoball air-loidhne

- Sanasan -




Yilinga 11:19 - Mukanda Wa Zambi 1970

19 Lamba lize liakawile kushiha cha Estevau (Etienne) yilimwanga akwa k ufuliela mwamwaa. Akwo yaaya ndoo ku chifuchi cha Fenishia, ni ku tungu lia Shipre, ni ku limbo lia Antiokia. Kaambile ko maliji a Zambi kuli niumwe shina kuli Ayuda wika.

Faic an caibideil Dèan lethbhreac

MUKANDA USANDU WA ZAMBI 1975

19 Achi, waze amwanganyine ha luyinda yoze wapwile mumu hali Eshetevau, apalikile ndusu mu chifuchi ndo ku Fwenishia, ni Saipulu, ni Andiakia, kahanjikile liji kuli hiumwe shina kuli A-Yunda wika.

Faic an caibideil Dèan lethbhreac




Yilinga 11:19
22 Iomraidhean Croise  

Shinoho yeenu kuli mapanga akutoka a kuli Aisraele.


Ayuda yaalihula ngwo: “Kulihi maya kuze kutuchi kamuwana? Maya ku membo ja Agresia, kuze Ayuda haanamwangashana, ha kulongesa Agresia nyi?


Alioze hakachi ko habwile malunga akwo a ku tungu lia Shipre ni ku limbo lia Sirene, muze haaheta ku Antiokia, yambujola nawa kuli mavungu akwo, yaanyingikisa Sango Jibema ja Mwene Yesu.


Sango jino jahetele ku Chikungulwila cha Yerusaleme, mba yaatuma Barnaba ku Antiokia.


Mu Chikungulwila cha Antiokia, akwa munanyi a Zambi ni alongeshi te atwama mo: Barnaba, ni Simone (yoze te akuvuluka ngwo, mutu mulaa), ni Lusiu (Kasirene) ni Manaene (yoze alelele hamwe ni mukwa kuyula Herode), ni Saulu.


Mwiku wa Linanga yiutuma Barnaba ni Saulu. No yaaya ku limbo lia Selusia. Kwe kuze azaukile mu ulungu ndoo ku tungu lia Shipre.


Alioze Paulu ni Barnaba yaahanjika no ni hamu ngwo: “Chinalite kuhanjika maliji a Zambi kuli yenu hatangu. Alioze, mumu nunalituno ni nunabatula ngwenu, kunwatelele mwono wa miaka yeswe, haliabwila tunatewulukila kuli waze hi Ayuda ko.


Muze haakatuka ko, yaanjila mu ulungu, yazauka aye ku limbo lia Antiokia. Kwenako makulwana ja Chikungulwila akunjikile Paulu ni Barnaba ku utu wa Zambi, ni ku milimo yize te haamanununa.


Hohene yichibemena tunganda twa Yesu, ni makulwana, hamwe ni Chikungulwila cheswe kutongola amwe hakachi ko ni kwatuma ku limbo lia Antiokia hamwe ni Paulu ni Barnaba. Yaatongola Yudase, jina lienyi likwo Barsaba, ni Sila, akwa lufuma hakachi ka akwa Kristu.


Chikungulwila yaashinjikila mu jila. No yaabalika ndusu mu chifuchi cha Fenishia ni cha Samaria. Muze te anabalika yaambujola ngwe chize waze hi Ayuda ko haanatewulukila kuli Zambi. Yuma yize yiiwahisa akwa Kristu kuhiana.


Kashika, muze akwa lutwe haashika, atu waze yaaya ku Antiokia. Kwenako yaakungulula mbunga yeswe ya akwa kufuliela, yaaha mukanda.


Paulu ni Barnaba yaasala matangwa anji ku limbo lia Antiokia. Yaalongesa, yaambujola maliji a Mwene Yesu, hamwe ni akwo anji.


Yaalihamika kuhiana, kashika yaalihandununa. Barnaba yaya ni Marku, yaanjila mu ulungu, yaazauka ku tungu lia Shipre.


Muze haheta ku limbo lia Sesarea, yaya ku Yerusaleme, yameneka Chikungulwila, mba yaya ku Antiokia.


Amwe tumbaji a ku Sesarea yaaya hamwe ni yetu, yaatuhetesa ku zuwo lia Nasone, mutu wa ku tungu lia Shipre, hanga tukatwame ko. Mutu yono te kambaji mukulu.


Yituwana ko ulungu te unazauka nikuya ku chifuchi cha Fenishia, yitunjila mo, yituya.


Ha chino, Zambi hanahindwisa Kavumbi kenyi, hanamutumu hatangu kuli yenu, mu kunuwahisa nikutewulula mutu mweswe hakachi kenu ku shili yenyi.”


Yikubwa mutu umuwika jina lienyi te Josefe, Kalevi, yoze wasemukine ku tungu lia Shipre. Tunganda twa Yesu yaamuluka jina likwo ngwo, Barnaba (kulumbunuka ngwo, mukwa kutakamisa atu.)


Maliji wano yaawahisa mbunga yeswe. No yaasakula Estevau (Etienne), mutu yoze te unazala ni Mwiku wa Linanga, mukwa kufuliela wamwenemwene. Yaatongola nawa Filipe, ni Prokoru, ni Nikanore, ni Timone, ni Parmena, ni Nikalau, wa ku limbo lia Antiokia, mukwa vungu likwo yoze watayijile longeso lia Ayuda.


Muze Petulu haheta ku limbo lia Antiokia, nalimikine nenyi ku meso ja atu, mumu te hahengesa.


Lean sinn:

Sanasan


Sanasan