Yilinga 11:18 - Mukanda Wa Zambi 1970

¹⁸ Muze heevwa maliji wano, kaahamikine ko nawa. Yaachichimieka Zambi nikwamba ngwo: “Chamwenemwene Zambi hahana nawa kuli waze hi Ayuda ko kwalumuka cha mbunge hanga abwe ni mwono.”

MUKANDA USANDU WA ZAMBI 1975

¹⁸ O muze evwile yino yuma, aholele kulungunga, achichimiekene Zambi, ngwo, Kashika Zambi hanahana kuli akwa mavungu nawa kulikonyekena akatambule mwono.

Yilinga 11:18 Iomraidhean Croise

Izaya 11:10

Tangwa mulikeza lize mwanangana mwaha wa ku vungu lia wanangana wa David makabwa ngwe chilayi hakachi ka mavungu. Atu eswe maakalikungulula mu limbo lienyi lia wanangana ni kumulemesa.

Izaya 60:21

Atu je eswe maakabwa akwa ululi, maakahinga che chifuchi ku miaka yeswe. Hingunatange, hingunatumbu, ni kusolola uhenya wami kuli eswe.

Izaya 61:3

ni kuhana kuli waze ananenganyana mu Zione chiseke ni uwahililo ha kusalakana yinyengo, mwaso wa uhaliso kusalakana kubihilila. Kumaakabwa ngwe mitondo yize Mwene Zambi atumbile iye mwene. Eswe maakalinga chize chinalite, atu maakachichimieka Zambi ha yize hanalingi.

Ezekiel 36:26

Mungukanwaha mbunge yaha ni manyonga aha. Mungukanuchiza mbunge jikalu ngwe mawe ni kunwaha mbunge jinovula.

Ezekiel 47:22

muchibwa chihinga chenu ndoo ku miaka yeswe. Yilambala waze atwama mukachi kenu, waze haanasemena ana mukachi kenu, no nawa nwaaha Chipinji cha chifuchi muze munuchiteta. Chaatamba kwaalula ngwe Aisraele, chaatamba kubwa ni chihinga cho hamwe ni mavungu ja Aisraele.

Zakaria 12:10

“Vungu lie David ni akwa Yerusaleme akwo, mungukaaha mbunge ya keke ni zango ya kulemba. Kumaakatala yoze atuwile kunga, yoze ashihile. Kumaakalinyenga hali iye ngwe waze analinyenge hali mwana wa wika. Maakamulila mbimbi chikolo, ngwe waze haatokesa mwano mutangu wa lunga.

Mateu 9:8

Muze mbunga achimwene, yevwa woma unji, yaalemesa Zambi ha kuhana chiyulo chibwa haha kuli atu.

Yilinga 11:1

Tunganda twa Yesu ni akwa kufuliela a mu Yerusaleme yeevwa ngwo, waze hi Ayuda ko nawa haatambula liji lia Zambi.

Yilinga 14:27

Muze haaheta ko, yaakungulula akwa Chikungulwila eswe, yaalumbunwina yeswe yize Zambi alingile no, ni ngwe chize hanazulwila waze hi Ayuda ko chajilo, hanga no afuliele.

Yilinga 15:3

Chikungulwila yaashinjikila mu jila. No yaabalika ndusu mu chifuchi cha Fenishia ni cha Samaria. Muze te anabalika yaambujola ngwe chize waze hi Ayuda ko haanatewulukila kuli Zambi. Yuma yize yiiwahisa akwa Kristu kuhiana.

Yilinga 20:21

Hingunashindakenya kuli Ayuda ni kuli waze hi Ayuda ko, ngwe chize chaatamba kwalumuna mbunge jo kuli Zambi ni kufuliela Mwene wetu Yesu.

Yilinga 21:20

No, muze haachivwa, yaachichimieka Zambi, yamwamba ngwo: “Mukwetu, unamono tununu twa atu hakachi ka Ayuda haafuliela. Eswe kaakulisela ku Shimbi.

Yilinga 3:19

Kashika alumukenu ku mbunge, nuhiluke kuli Zambi, hanga anukonekene milonga yenu,

Yilinga 3:26

Ha chino, Zambi hanahindwisa Kavumbi kenyi, hanamutumu hatangu kuli yenu, mu kunuwahisa nikutewulula mutu mweswe hakachi kenu ku shili yenyi.”

Yilinga 5:31

Zambi hanamuzundula ha kubwa ku kwoko lienyi lia chindume, hanga abwe Tetekeli ni Chilamwina. Chenacho Aisraele maahasa kwalumuka ku mbunge jo, ni Zambi maakonekena milonga yo.

A-ROMA 9:30

Mba twambe kuchi ha chikuma chino? Tunambe ngwetu, atu waze hi Ayuda ko, waze kaasele ko tachi ja kubwa akwa ululi, enoo Zambi hanaapwisa akwa ululi mumu ha ufulielo wo.

2 Korintu 3:18

Yetu eswe kutushi Wanda ha meso; uhenya wa Mwene unasoloka muli yetu. Uhenya uze wakukatuka kuli Mwene yoze kali Mwiku. Kakutupwisa ngwe iye mwene. Chenacho twakubwa ni uhenya uze unalise tangwa ha tangwa.

2 Korintu 7:10

Mumu chinyengo cha uzambi chakwalumuna mbunge ya mutu, chakumulamwina. Kashika kuchatambile kulinyenga ha chiyo. Alioze chinyengo cha hano hashi chakukoka kufwa.

Galashia 1:24

Mba yaachichimieka Zambi hakutwala kuli yami.

Yoshua 22:30

Finehase ni akwa lutwe kumi a Chikungulwila waze abwile hamwe nenyi, miata ja majiko ja mavungu ja Aisraele a ku chitokelo, muze heevwa chize ambile mavungu ja Rubene, ni Gade, ni mbunga yimuwika ya Manase, yaahwima mbunge.