Yilinga 11:16 - Mukanda Wa Zambi 1970

¹⁶ Mba yingwiwuluka liji lize ambile Mwene Yesu ngwenyi. ‘Yoano wapapachishile ni meya, alioze yenu makanupapachisa ni Mwiku wa Linanga.’

MUKANDA USANDU WA ZAMBI 1975

¹⁶ Mba newulukile liji lia Mwene, ngwe ambile ngwenyi, Yoano chamwenemwene wapapachishile mu meya; alioze kumakanupapachisa muli Spiritu Musandu.

Yilinga 11:16 Iomraidhean Croise

Yishima 1:23

Banjikenu muze mungunukanjisa; mungunwaha mana abema ni kunulweza yinyingi yami.

Ezekiel 36:25

Mungukanusapwila meya abema ni kunubemesa ku mahamba jenu ni ku yuma yeswe yize nwalichishile nayo.

Joele 2:28

“Kulutwe mungukamwangina Mwiku wami wa linanga muli atu eswe: ana jenu a malunga ni a mapwo maakambujola yuma yize muyikeza ho. Tushinakaji twenu maakalota yilota, akweze jenu maakamona Usolwelo.

Joele 3:18

“Ha matangwa waze milundu muyikabwa ni vinyu yinji, ha mindundena yeswe muhakasoloka ngombe; yitwetwe yeswe ya Yuda muyikazala ni meya. Ku zuwo lia Mwene Zambi mukukapukumuka shima lia meya, waze maakatuchikisa chikulo cha Akasia.

Mateu 3:11

Yami ngunanupapachisa ni meya mu kulweza ngwo, hinwalumuka ku mbunge. Alioze yoze meza kunyima liami makanupapachisa ni Mwiku wa Linanga ni kahia. Kananguhiana yami. Chatelele nichimwe kujitula sapato jenyi.

Mateu 3:6

Yaashikisa milonga yo, mba Yoano yaapapachisa papachisa mu lwiji Yordau.

Marku 1:8

Yami hinanupapachisa ni meya, alioze iye makanupapachisa ni Mwiku wa Linanga.”

Luka 24:8

Hohene yeewuluka maliji ja Yesu,

Luka 3:16

Kashika Yoano yambila eswe ngwenyi: “Yami, ngunanupapachisa ni meya, alioze umwe unanguhiana yami kumeza. Yami, chatelele nichimwe kujitula sapato jenyi. Iye makanupapachisa ni Mwiku wa Linanga ni kahia.

Yoano 1:26

Yoano ngwenyi: “Yami ngunapapachisa ni meya, alioze umuwika uli mukachi kenu yoze kunwanyingikine.

Yoano 1:33

Hatangu te chamunyingikine, alioze Zambi, yoze wangutumine kupapachisa ni meya, yangwamba ngwenyi: ‘Muumona Mwiku wa Linanga nikuhulumuka ni kutwama hali umwe mutu. Mwenawo makapapachisa atu ni Mwiku wa Linanga.’ ”

Yoano 14:26

Mwe Chikwashi, Mwiku wa Linanga, yoze Tata makatuma mu jina liami, makanulongesa yeswe, makanwiwulula yuma yeswe yize hinanwambulwila.

Yoano 16:4

Alioze hingunanwambulwila yuma yino hanga, muze mwaka wakuyilinga muukeza, munukewuluka ngwenu, hingunanwambulwila cho kulu.” “Yuma yino chanwambulwile yo ha kabutu, mumu yami nabwile hamwe ni yenu.

Yilinga 1:5

Yoano te kakupapachisa ni meya, alioze kulutwe lia matangwa akepe, mungukanupapachisa ni Mwiku wa Linanga.”

Yilinga 20:35

Mu yuma yeswe nanuhele chilweza cha kuhondangana ha kukwasa waze keeshi tachi, nikwiwuluka liji lize ambile Yesu ngwenyi: ‘Chinawaha kutambula, alioze Shinaho kulialia.’ ”

1 Korintu 12:13

Chimuwika nawa, yetu eswe, Ayuda ni waze hi Ayuda ko, ndungo ni enyaho, hanatupapachisa ni Mwiku umuwika hanga tubwe mujimba umuwika. Yetu eswe hanatunwisa kuli Mwiku umuwika.

2 Petulu 3:1

Akwetu, ngunanusonekena mukanda uno wa muchaali. Mu mikanda yino yeswe yaali ngunakeseka kunuhetula manyonga abema a mbunge jenu ha kunwiwulula.