Yilinga 11:14 - Mukanda Wa Zambi 1970

¹⁴ Maliji waze makakwambulwila, maakakulamwina yena ni akwa zuwo lie eswe.’

MUKANDA USANDU WA ZAMBI 1975

¹⁴ iye kumakakwaha maliji akulilamwina no, yena ni akwa zuwo lie eswe.

Yilinga 11:14 Iomraidhean Croise

Ubutukilo 17:7

“Usendo uno ngunakolesa ni yena ni vungu lie nawa ndoo ku miaka yeswe. Mungukabwa Zambi ye kanda Zambi yo.

Ubutukilo 18:19

Hinatongola Abrahama hanga akalweze ana jenyi ni vungu lienyi ngwenyi, chaatamba kufunga Shimbi jami, ni kulinga yuma yibema ni ya ululi. Nyi maachilinga mungumanununa yeswe yize namwambile.”

Miaso (Masamu) 103:17

Alioze kuli waze akulemesa Mwene Zambi, zango lienyi kulishi kuhwa ndoo ku miaka yeswe. Utu wenyi wakulinduluka ku yisemuko yeswe, kuli waze akwiwuluka Usendo wenyi, ni kufunga Shimbi jenyi.

Miaso (Masamu) 112:2

Ana jenyi maakabwa akwa tachi mu chifuchi cho, Zambi makaawahisa.

Yishima 20:7

Kaawaha ana waze ali ni tato wa tuwika mbunge, yoze wakulinga chize chinalite.

Jeremia 32:39

Mungukaaha nyonga limuwika lia kungulemesa matangwa eswe, mumu ha yibema yo ene ni ha yibema ya vungu lio.

Marku 16:16

Yoze mafuliela ni maamupapachisa kumakamulamwina. Alioze yoze keshi kufuliela, kumakamuhisa.

Luka 19:10

Mumu Mwana Mutu haneza mu kufupa ni kulamwina akwa kutoka.”

Yoano 12:50

Ngunanyingika ngwami, Shimbi jize Tata akuhana jikwete mwono wa miaka yeswe. Chize nakwamba, nakuchamba ngwe chize Tata anguhele Shimbi.”

Yoano 20:31

Alioze yino yasonewene hanga nufuliele ngwenu, Yesu mwe Chilamwina yoze Zambi alakenyene, mwe Mwana Zambi, ni hanga, ku ufulielo uno, munuhasa kubwa ni mwono mumu ha jina lienyi.

Yoano 4:53

Mba tato yewuluka ngwenyi, ha ola yizeyene Yesu anakamba ngwenyi: “Mwane kumahinduka.” Kashika iye ni akwa zuwo lienyi eswe yaafuliela.

Yoano 6:63

Mwiku wakupwisa atu ni mwono, alioze musunya kuushi kufumbula nichimwe. Maliji waze hinahanjika kuli yenu kaakuhana mwiku ni kupwisa atu ni mwono.

Yoano 6:68

Simone Petulu yamukumbulula ngwenyi: “Mwene, kuli iya mutuya? Yena uli ni maliji waze akupwisa atu ni mwono wa miaka yeswe.

Yilinga 10:2

Te mukwa vumbi ku meso ja Zambi. Iye ni akwa zuwo lienyi te kaakuwayila hamwe ni Ayuda. Neye te kakuhana yawana kuli Ayuda nikulemba Zambi matangwa eswe.

Yilinga 10:22

No yaamukumbulula ngwo: “Mwata wa tujita Korneliu unakatutuma. Kali mukwa ululi, ni kakuwayila Zambi hamwe ni Ayuda. Ayo eswe kaakumushindakenya. Kanganda ka mwilu wamulwezele ha kwiza ni kukusaka, uye ku zuwo lienyi akevwe maliji kuli yena.”

Yilinga 10:43

Akwa munanyi eswe a Zambi haanamushindakenya ngwo, mweswawo wakumufuliela, Zambi kakumukonekena milonga yenyi ku tachi ja jina lia Yesu.”

Yilinga 10:6

Kakutwama maha Simone, mukwa kukotongola malambu. Zuwo lienyi lili ku mbumbulu ya kalunga lwiji.”

Yilinga 11:13

Neye yatulumbunwina ngwe chize amwene kanganda ka mwilu mu zuwo lienyi, te kanamana nikwamba ngwenyi: ‘Tuma atu ku Jope akusakile Simone, jina lienyi likwo Petulu.

Yilinga 16:15

Muze te hamupapachisa ni akwa zuwo lienyi, yaliumba kuli yetu ngwenyi: “Nyi nunangumono ngwe ngunafuliela Mwene Yesu chamwenemwene, tweyenu nutwame mu zuwo liami.” Yatushinjila, yiutayiza.

Yilinga 18:8

Krispu, mukwa lutwe wa zuwo lia kuwayila lia Ayuda, yafuliela Mwene Yesu hamwe ni akwa zuwo lienyi eswe. Akwa Korintu akwo anji nawa, muze heevwa Paulu, yaafuliela. Mba yaapapachisa.

Yilinga 2:39

Mumu chilakenyo chino chili cha yenu, ni cha ana jenu, ni cha eswe waze ali kusuku, ni cha eswe waze Mwene Zambi yetu hanaatambika iye mwene.”

1 Korintu 1:16

(Ewa, napapachishile nawa Stefana ni akwa zuwo lienyi, alioze Chanyingikine nyi napapachishile nawa amwe akwo.)