Yilinga 11:13 - Mukanda Wa Zambi 1970

¹³ Neye yatulumbunwina ngwe chize amwene kanganda ka mwilu mu zuwo lienyi, te kanamana nikwamba ngwenyi: ‘Tuma atu ku Jope akusakile Simone, jina lienyi likwo Petulu.

MUKANDA USANDU WA ZAMBI 1975

¹³ Iye watwambulwilile ngwe amwene mungelo, nikumana mu zuwo lienyi, ngwenyi, Tuma ku Yopa, Ukasake Semone, jina lienyi likwo, Petulu;

Yilinga 11:13 Iomraidhean Croise

Yilinga 10:22

No yaamukumbulula ngwo: “Mwata wa tujita Korneliu unakatutuma. Kali mukwa ululi, ni kakuwayila Zambi hamwe ni Ayuda. Ayo eswe kaakumushindakenya. Kanganda ka mwilu wamulwezele ha kwiza ni kukusaka, uye ku zuwo lienyi akevwe maliji kuli yena.”

Yilinga 11:12

Mwiku wa Linanga yiungwamba hanga nguye no, kuyambashana ka. Akwetu wano asambano yeeza hamwe ni yami ku Sesarea. Yetu eswe yitunjila mu zuwo lia Korneliu.

Yilinga 11:14

Maliji waze makakwambulwila, maakakulamwina yena ni akwa zuwo lie eswe.’

Yilinga 12:11

Hohene Petulu yalinyingika, yamba ngwenyi: “Haliabwila, hinanyingika chamwenemwene ngwami, Mwene hatuma kanganda kenyi ka mwilu, ni hangupulula ku moko ja Herode ni ku yuma yeswe yize Ayuda ambile kungulinga.”

Yilinga 9:36

Mu limbo lia Jope yimubwa umwe kambaji wa pwo, jina lienyi Tabita (Mu liji lia greke Dorkase, kulumbunuka ngwo, Kayi.) Te yitanga yenyi yibema, ni kakuhana yawana kuli yiswale.

Yilinga 9:38

Lida kali hakamwihi ni Jope. Kashika muze tumbaji a mu Jope heevwa ngwo, Petulu ku Lida ali, yaamutumina malunga aali ni liji lino ngwo: “Tweya kama ku mahietu, kanda ushimbula.”

Yilinga 9:42

Yuma yino yaayinyingika mu limbo lieswe lia Jope, mba atu anji yaafuliela Mwene Yesu.

Yilinga 9:43

Petulu yatwama matangwa anji mu Jope hamwe ni Simone, mukwa kukotongola malambu.

Hebreu 1:14

E tunganda a mwilu aya? Eswe kaali mwiku uze wakulingila Zambi, uze Zambi akutuma ha kukwasa waze maazuka ulamwino.