Yilinga 11:1 - Mukanda Wa Zambi 1970

¹ Tunganda twa Yesu ni akwa kufuliela a mu Yerusaleme yeevwa ngwo, waze hi Ayuda ko nawa haatambula liji lia Zambi.

MUKANDA USANDU WA ZAMBI 1975

¹ Achi, apostolo ni mandumbu waze apwile mu Yundeya evwile ngwo, Akwa mavungu nawa hatambula Liji lia Zambi.

Yilinga 11:1 Iomraidhean Croise

Ubutukilo 49:10

Lukanda wa wanangana kechi akatuka kuli Yuda, mbwechi ya mukwa kuyula keechi kayichiza ku vungu lienyi ndoo ni kuze mwenya yo makasoloka, yoze atu maakononokena.

Miaso (Masamu) 22:27

Mavungu eswe kumeewuluka Zambi, kumaatewuluka kuli iye; Mavungu eswe kumaamuwayila.

Izaya 11:10

Tangwa mulikeza lize mwanangana mwaha wa ku vungu lia wanangana wa David makabwa ngwe chilayi hakachi ka mavungu. Atu eswe maakalikungulula mu limbo lienyi lia wanangana ni kumulemesa.

Izaya 32:15

Alioze ha chisuho chimuwika nawa Zambi makatutumina Mwiku wenyi. Mba chifuchi chize te kuchishi chinuno muchalumuka cha, chinuno, ni minda muyikema mihuko yinji.

Izaya 42:1

Mwene Zambi kanambe ngwenyi: “Talenu kavumbi kami yoze ngunatakamisa yoze natongwele, yoze nakuwahilila nenyi. Hingunamuzalisa ni Mwiku wami, makakolesa atu hanga akaliendele ni ululi.

Izaya 42:6

“Yami, Mwene Zambi, nakutambikile, yingukutakamisa ukakolese atu hanga akaliendele ni ululi. Ni yena mungukolesa Usendo ni atu eswe; ni yena mungutwala pangu kuli mavungu.

Izaya 49:6

Mwene Zambi yangwamba ngwenyi; “Yena kavumbi kami, nguli ni milimo yikwo yinene yahiana. Hi ya kuhilwisa wika ko ulemu wa masalila ja atu jami Aisraele, alioze ya kukupwisa nawa pangu lia mavungu hanga akwa hashi eswe akaalamwine.”

Izaya 52:10

Mwene Zambi ni kwoko lienyi lia linanga, kumaakalamwina atu jenyi; akwa hashi eswe kumaakachimona.

Izaya 60:3

Mavungu akwo maakeza ku pangu lie; ni mianangana ku kuvumbuka cha tangwa lie.

Izaya 62:2

Yerusaleme, mavungu maamona kukumba che! Mianangana jo eswe maakamona uhenya we. Kumaakakuluka jina liaha, jina lize makuluka Mwene Zambi iye mwene.

Jeremia 16:19

Mwene Zambi, yena wika wakungufunga ni kungutakamisa; wakungukwasa ha matangwa a lamba. Mavungu maakakatuka ku mbango jeswe ja hashi ni kwamba ngwo: “Tushakulu twetu abwile ni mazambi amokomoko lume, kaafumbwile ko nichimwe.

Hosea 2:23

Mungukatumbika atu jami mu chifuchi ni kwawahisa. Mungukazanga waze akwamba ngwo: “Keshi kwazanga.” Kuli waze akwamba ngwo: “Kulikanza,” mungukamba ngwami: “Nuli atu jami.” No maakangwamba ngwo: “Yena uli Zambi yetu.”

Mika 5:7

Aisraele waze maakasala ni mwono maakabwa ngwe mume uze Mwene Zambi hatuma hali mavungu anji, ngwe vula ku yibuta. Maakashachila hali Zambi, hi hali atu ko.

Zefania 2:11

Mwene Zambi meevwisa mwongo. Mwene Zambi mapwisa mazambi a hano hashi amokomoko. Mba mavungu eswe maamuwayila, mutu mweswe mu chifuchi chenyi mwene.

Zefania 3:9

“Mba mungwalumuna mbunge ja akwa mavungu. No maalemba kuli yami wika, hi kuli mazambi eka ko. Eswe maangwononokena.

Zakaria 2:11

Mavungu anji maakalinunga ni Mwene Zambi ha tangwa lize, ni maakabwa atu jenyi. Neye makatwama mukachi kenu. Mba munukanyingika ngwenu, kuma iye mwe wangutuma kuli yenu.

Malaki 1:11

Chize ku mbango yimuwika ya hashi ndoo ku mbango yikwo atu kaakungulemesa. Kweswe kaakungwochela yuma ya vumba libema ni kungulambula milambu yize yinalite. Eswe kaakungufumanyisa!

Mateu 2:1

Yesu yasemuka mu Betleheme, limbo lia mu Yudea, muze te Herode abwile mwanangana. Muze Yesu hasemuka, akwa mana waze te akuhengula matongonoshi, yaakatuka ku chivumbuko, yeeza ku Yerusaleme.

Mateu 8:11

Ngunanwambe ngwami, anji maakeza ku chivumbuko ni ku chitokelo ni kutwama ku mesa mu Wanangana wa mwilu hamwe ni tata Abrahama ni tata Isake, ni tata Yakoba.

Marku 16:5

Muze haanjila mu fuka, yaamona mukweze kanatwama ku chindume, te kanazala hina litoma. No yeevwa woma unji.

Luka 2:32

Ulamwino uno lie pangu lia kutemwina waze hi Ayuda ko, we ulemu wa atu je Aisraele.”

Yilinga 1:15

Ha matangwa waze, Petulu yamana hakachi ka akwa kufuliela. Ayo eswe te ngwe kulakaji ni makumi aali. Neye yamba ngwenyi:

Yilinga 11:29

Tumbaji yaalitesa ngwo, mutu ni mutu ahane nikulita ni kuhasa chenyi, ha kutumina akwa kufuliela waze atwama mu Yudea akalikwase najo.

Yilinga 14:27

Muze haaheta ko, yaakungulula akwa Chikungulwila eswe, yaalumbunwina yeswe yize Zambi alingile no, ni ngwe chize hanazulwila waze hi Ayuda ko chajilo, hanga no afuliele.

Yilinga 15:3

Chikungulwila yaashinjikila mu jila. No yaabalika ndusu mu chifuchi cha Fenishia ni cha Samaria. Muze te anabalika yaambujola ngwe chize waze hi Ayuda ko haanatewulukila kuli Zambi. Yuma yize yiiwahisa akwa Kristu kuhiana.

Yilinga 28:15

Akwetu akwa Kristu a ku Roma yeevwa sango jetu, mba yeeza ndoo ku Chitanda cha Apiu ni ku limbo lia Mazuwo Atatu a Ngeji ni kutubatwiza. Muze Paulu haamona, yaasakwila Zambi, yalikoleza mu mbunge.