Yilinga 10:9 - Mukanda Wa Zambi 1970

⁹ Muze hikwacha, shimbu te achili mu jila hakamwihi ni Jope, ngwe tangwa ha muchima, Petulu yakanduka ha fulumba lia zuwo mu kulemba.

MUKANDA USANDU WA ZAMBI 1975

⁹ Muze hikwacha shimbu wano apwile mu jila, machikundama ku limbo, Petulu wakandukile helu lia zuwo mukulemba, ngwe ha ola amuchisambano:

Yilinga 10:9 Iomraidhean Croise

2 Samuel 11:2

Limwe tangwa ha chingoloshi, mwanangana yakatuka ha muhela wenyi, yakanduka ha fulumba. Muze te anendangana ho, yamona umwe pwo kanasane. Te mubema kuhiana.

Miaso (Masamu) 55:17

Ha chichamene, ni ha mwalwa, ni ha ufuku mungulinyenga ni kutwa mikuma, neye kumevwa liji liami.

Jeremia 19:13

Mazuwo ja Yerusaleme ni ja Ayuda, ni mazuwo eswe haze akwochela yitumbo ya vumba libema ku matongonoshi ni haze akuzujila vinyu ya milambu kuli mazambi eka, ayo eswe kumaakabwa ngwe Tofete.”

Jeremia 32:29

ni kuliocha kahia. Kumaaliocha hamwe ni mazuwo ja waze haanangwihi ha kwochela Bale yuma ya vumba libema ha mafulumba, ni kuzujila vinyu kuli mazambi eka.

Daniel 6:10

Muze Daniel hevwa ngwo, mwanangana hasoneka jina lienyi mu mukanda wa Shimbi, yaya ku mahienyi. Mu chibatulo cha zuwo lienyi cha kwilu yimubwa tupenda waze te atala ku Yerusaleme. Kwenako asele makungunwa hashi ni kulemba Mwene Zambi yisuho yitatu tangwa ha tangwa, nikulita ni ndako yenyi.

Zefania 1:5

Mungunongesa mweswawo wakunyina ha fulumba ni kuwayila tangwa, ni kakweji, ni matongonoshi. Mungunongesa waze akunguwayila ni kulishinga ni jina liami, alioze kuma kaakulishinga nawa mu jina lia zambi Milkome.

Mateu 20:5

Atu waze yaaya. Mwenya munda yatuhuka nawa tangwa ha muchima, ni ha ola ya muchitatu ya chingoloshi yalinga nawa chizechene.

Mateu 24:17

Yoze makabwa ha fulumba lia zuwo lienyi akasunuke, alioze kanda akanjila mu zuwo akande yuma yize yili mo.

Mateu 27:45

Tangwa ha muchima, chifuchi cheswe yichibwa ni milima bwii, yiitwama ndoo ola jitatu.

Mateu 6:6

Alioze yena, muze muulemba, njila mu chibatulo che cha muchima. Nyi muze hiwajila chajilo, lemba kuli Tatenu yoze uli ku tenga. Mba Tatenu, yoze Wakumona yize wakulinga ku tenga, makakukundulula.

Marku 1:35

Chichamene cheswe, shimbu kuchili milima, Yesu yahinduka, yatuhuka, yaya ha ukawenyi, yalembela ko.

Marku 6:46

Muze haashika, yakanduka ha mulundu mu kulemba.

Yilinga 10:3

Limwe tangwa chingoloshi, ngwe ha ola ya muchitatu, yamona zwalala mu Usolwelo kanganda ka mwilu kananjila ku mahienyi nikwamba ngwenyi: “Korneliu!”

Yilinga 6:4

Alioze yetu mutunyongonona mu kulemba ni kulongesa liji lia Zambi.”

Efesu 6:18

Lembenu matangwa eswe ni kuliumba kuli Zambi. Lembenu hakutwala ku yuma yeswe, nikulita ni kusongwela cha Mwiku wa Linanga. Ha chikuma chino, laulenu, nyongononenu. Lembelenu akwa Kristu eswe.

1 Timoteu 2:8

Ngunazange ngwami, malunga kweswe abwe ni kulemba, nikuzundwola moko ni kulemba ni mbunge ya kulinanga, hi ni utenu ko hanji hi ni mbunge ya kuyambashana ko.

1 Samuel 9:25

Muze haakatuka homa ha kuwayila ha mulundu, yaapalumuka ku limbo, yaalulikila Saulu muhela helu lia zuwo,