Yilinga 10:43 - Mukanda Wa Zambi 1970

⁴³ Akwa munanyi eswe a Zambi haanamushindakenya ngwo, mweswawo wakumufuliela, Zambi kakumukonekena milonga yenyi ku tachi ja jina lia Yesu.”

MUKANDA USANDU WA ZAMBI 1975

⁴³ Kuli iye aprofeta eswe kakushindakenya ngwo, Ku jina lienyi mweswawo mamufuliela makatambula ukonekeno wa milonga.

Yilinga 10:43 Iomraidhean Croise

Izaya 53:11

Muze hamona lamba, makawahilila nawa; makanyingika ngwenyi, chamwene lamba chamokomoko. Kavumbi kami mukwa ululi, yoze nakuwahilila nenyi, makamubatwila hanga amone lamba lize te atu akwo chaatamba kumona. Mungukaakonekena mumu hali iye.

Jeremia 31:34

Niumwe kechi kalongesa mwenyembo wa mu chifuchi chenyi kunyingika Mwene Zambi, mumu eswe kumaakangunyingika, chize kuli twanuke ndoo kuli makulwana. Mungukakonekena milonga yo, chichi kewuluka nawa uhenge wo. Yami Mwene Zambi nachilinga.”

Daniel 9:24

“Atu je ni limbo lino lia chijila hanaabatwila miaka makumi shimbiali yisuho shimbiali aatusule ku yibi yo ni ungulungulu wo. Yibi yo makaakonekena yo. Ululi muukalinduluka ku miaka yeswe hanga Usolwelo ni maliji a munanyi yikamanunuke, zuwo lia Zambi lia chijila maakakunjika lio.

Mika 7:18

Aa Mwene Zambi, kukushi zambi mukwo walifwa ngwe yena. Wakukonekena milonga ya atu je waze asalile ni mwono. Kuushi kutenuka ku miaka yeswe, alioze wakuwahilila ni kutulweza zango lie lize kulishi kuhwa.

Zakaria 13:1

Mwene Zambi Mukwa Ndundo Jeswe kanambe ngwenyi: “Ha matangwa waze mungukajikula shima lia meya ngubemese vungu lia David ni akwa Yerusaleme ku shili yo ni ku mahamba jo.

Malaki 4:2

Alioze kuli yenu waze nwakungwononokena, tachi jami ja kulamwina mujikasoloka ngwe kuvumbuka cha tangwa, ni kunuwuka ngwe mitemite ya tangwa. Munukatusuka ni kuwahilila ngwe yimbembe ja ngombe waze anatuhuka ku tanga lio.

Marku 16:16

Yoze mafuliela ni maamupapachisa kumakamulamwina. Alioze yoze keshi kufuliela, kumakamuhisa.

Luka 24:47

Ni chatamba kwambujola mu jina lienyi sango jino kuli mavungu eswe butu ku Yerusaleme. Ngwenu: ‘Alumukenu ku mbunge, mba Zambi manukonekena milonga yenu.’

Yoano 1:45

Mba Filipe yawana Natanele, yamwamba ngwenyi: “Hitwamona mutu yoze asonekene Mose mu mukanda wa Shimbi, ni akwa munanyi ja Zambi mu mikanda yo ngwo, makeza. Kali Yesu, mwana wa Josefe wa ku Nazare.”

Yoano 20:31

Alioze yino yasonewene hanga nufuliele ngwenu, Yesu mwe Chilamwina yoze Zambi alakenyene, mwe Mwana Zambi, ni hanga, ku ufulielo uno, munuhasa kubwa ni mwono mumu ha jina lienyi.

Yoano 5:24

“Chamwenemwene ngunanwambe ngwami, yoze wakwivwa maliji jami ni kufuliela yoze wangutumine, mwono wa miaka yeswe ali nawo. Kechi kamuhisa, alioze hahinduka kulu ku kufwa, habwa ni mwono.

Yilinga 15:9

Kulisa chakuhi hakachi ko ni yetu. Zambi hanatomesa mbunge jo mumu haanafuliela.

Yilinga 2:38

Petulu ngwenyi: “Mutu ni mutu hakachi kenu alumuke ku mbunge, amupapachise mu jina lia Yesu Kristu ha ukonekeno wa milonga. Mba munutambula chawana cha Zambi, Mwiku wa Linanga.

Yilinga 26:18

mu kwalawisa meso hanga akatuke ku milima atale ku Pangu, akatuke ku tachi ja Sakwonga eze kuli Zambi; hanga ku ufulielo, Zambi aakonekene milonga yo, mba abwe ni chihinga mukachi ka atu waze Zambi atongwele iye mwene.’ ”

Yilinga 26:22

Alioze Zambi hanangukwase ndoo musono uno. Kashika, ngunamana hano ni kushindakenya kuli eswe, alelu ni alemu. Chichi kwambulula yuma yikwo shina yizeyene ambulwile akwa munanyi a Zambi ni Mose ngwo:

Yilinga 3:16

Ndundo ja jina lia Yesu hijahindwisa mutu yono. Nunamumono, nunamunyingika. Habwa ni tachi mumu hafuliela jina lize. Jina lia Yesu hiliamwaha ufulielo, kushika habwa mungunu ngwe chize nunamono yenu eswe.

Yilinga 3:18

Alioze Zambi hanamanununa chize ahanjikile shimbu kanda kuli akwa munanyi jenyi ngwenyi, Chilamwina wa kuli Zambi, yoze iye mwene alakenyene, makamona lamba.

A-ROMA 10:11

Mumu Mukanda wa Zambi unambe ngwo: “Yoze mafuliela Mwene, kechi kevwa sonyi.”

A-ROMA 3:21

Alioze haliabwila Zambi hasolola chize akupwisa atu akwa ululi—ni chize hi cha ku Shimbi ko. Shimbi ni akwa munanyi a Zambi haanashindakenya kulu ha chikuma chino.

A-ROMA 5:1

Chenacho Zambi hanatupwisa akwa ululi mumu ha ufulielo. Kashika hitunawane ni Zambi mumu hali Mwene wetu Yesu Kristu.

A-ROMA 6:23

Mumu fweto yize akuhana shili yili kufwa. Alioze chawana chize akuhana Zambi mu utu wenyi, mwono wa miaka yeswe ha kulinunga ni Yesu Kristu, Mwene wetu.

A-ROMA 8:1

Alioze haliabwila waze haanalinungu ni Yesu Kristu keeshi ni uhiso.

A-ROMA 8:34

Iya mahasa kwahisa? Niumwe, mumu Yesu Kristu, yoze wafwile, yoze Zambi ahindwishile ku kufwa, kali ku kwoko lia chindume cha Zambi. Kakutuhakwila kuli Zambi.

Galashia 3:22

Alioze Mukanda wa Zambi unambe ngwo: “Akwa hashi eswe kaali mu chiyulo cha shili, hanga chawana chize alakenyene Zambi chikabwe cha waze akufuliela Yesu Kristu.”

Efesu 1:7

Ku manyinga ja Kristu hanatukula, kafwa hanatukonekena milonga yetu nikulita ni utu wenyi Wahiana,

Kolosu 1:14

Mwe Mwanenyi hanatukulu, hanatukonekena milonga yetu.

Hebreu 13:20

Zambi hanahindwisa Mwene wetu Yesu ku kufwa. Mumu ha kufwa chenyi Yesu hanalumuka Kafunga Munene wa mapanga ku manyinga ja Usendo wa miaka yeswe. Zambi ya uhwimino anukolese ni kulinga yuma yeswe yize yinatela ha kumanununa chize anapale. Alinge muli yetu ku tachi ja Yesu Kristu chize chakumuwahila. Uhenya wa Kristu usoloke ku miaka yeswe! Chibwe kama Chenacho.

1 Petulu 1:11

Mwiku wa Kristu, uze wabwile muli ayo, te wakwanyingikisa ngwo, Kristu makamona lamba hatangu, mba kulutwe makabwa ni uhenya. Te kaakuhengula hanga anyingike tangwa lika yuma yize muyikabwa ni ngwe kuchi muyikabwa ko.

Usolwelo 19:10

Yingufulamana ku molu jenyi ha kumuwayila. Alioze yangwamba ngwenyi: “Ka, kanda uchilinga! Nguli kavumbi ni mukwenu hamwe ni akwenu waze akwete umwenemwene uze asolwele Yesu. Wayila Zambi!” Mumu umwenemwene uze asolwele Yesu, wenawo te Wakukolesa akwa munanyi a Zambi ha kwambujola maliji jenyi.