Yilinga 10:42 - Mukanda Wa Zambi 1970

⁴² Yatwaha Shimbi ya kwambujola kuli atu ni kushindakenya ngwetu, Yesu mwe asele ngaji ya amwono ni ya waze haanafu kulu.

MUKANDA USANDU WA ZAMBI 1975

⁴² Iye watuhele shimbi mukwambujola kuli atu, nikushindakenya chikolo ngwetu, Yono hanamusela kuli Zambi Sopi ya a mwono ni afu.

Yilinga 10:42 Iomraidhean Croise

Luka 16:28

kuli anakwetu atano. Aye hanga akaatoweze, kuchina ayo nawa maakeza muma muno mwa kubinda.’

Luka 22:22

Chamwenemwene Mwana Mutu kumafwa ngwe chize Zambi hanachibatula, alioze lamba lienyi mutu yoze unamukunjika!”

Yilinga 1:2

ndoo ku tangwa lize Zambi wamutambwile mwilu. Muze kanda achizezuka mwilu, ku tachi ja Mwiku wa Linanga, yaaha tumbaji waze atongwele Shimbi.

Yilinga 1:8

Alioze munukatambula tachi muze Mwiku wa Linanga hiwanuhulumukina. Mba munukabwa yela jami mu Yerusaleme, ni mweswe mu Yudea ni Samaria, ni ndoo ku songo lia hashi.”

Yilinga 17:31

Mumu te hanatongola kulu tangwa lize makabatwila akwa hashi ni ululi, kuli lunga yoze hanatongola. Hanahana chinyingi kuli atu eswe ha kumuhindwisa ku kufwa.”

Yilinga 24:25

Alioze muze Paulu ahanjekele hakutwala ku ululi, ni kulihumikiza, ni ku ubatwilo uze muukeza, Felix yevwa woma, yamba ngwenyi: “Haliabwila yako. Mungukutambika nawa muze mungubwa ni tangwa libema.”

Yilinga 5:20

“Yeenu numane mu zuwo lia Zambi nikulongesa atu eswe hakutwala ku mwono uze anehene Yesu.”

A-ROMA 2:16

Chenacho muchikabwa, nikulita ni Sango Jibema jize nakwambujola, ha tangwa lize Zambi makabatula yuma ya kuhengeka ya atu. Zambi makayibatula kuli Yesu Kristu.

2 Korintu 5:10

Mumu yetu eswe chatutamba kumana kulutwe ha chitwamo cha ubatwilo cha Kristu, hanga mutu mweswe akatambule chize chinamutela, nikulita ni chize alingile mu uutu wenyi, chibwe chibema chibwe chibi.

2 Timoteu 4:1

Ngunakwehe Shimbi ku meso ja Zambi ni ku meso ja Kristu Yesu, yoze makabatwila atu eswe, a mwono ni afu, muze makasoloka mu Wanangana wenyi. Ngwami,

2 Timoteu 4:8

Haliabwila hangutulikila chawana chize chinalweze ngwo, hinakumba. Chawana chize chili chipangula cha ululi chize Mwene, Ngaji yamwenemwene, makangwaha ha tangwa lize. Kechi kangwaha cho ukawami, alioze ni waze eswe akuzanga kusoloka chenyi.

1 Petulu 4:5

Alioze maakalilumbunwina yitanga yo kuli Zambi, yoze makabatwila a mwono ni afu.

Usolwelo 1:7

Talenu, kaneza mu malelwa! Mutu mweswe makamumona, chibwe waze amutuwile. Mavungu eswe a hashi maakalila mbimbi mumu hali iye. Ewa, Chenacho muchikabwa!

Usolwelo 22:12

Yesu ngwenyi: “Banjikenu! Mungwiza nikawashi! Mungwiza ni yawana yami, munguhana kuli mutu mweswe nikulita ni yize alingile.