Yilinga 10:4 - Mukanda Wa Zambi 1970

⁴ Neye yamutala ni woma, yamuhula ngwenyi: “Mwene kuchi?” Kanganda ngwenyi: “Zambi hatayiza yilemba ye ni yawana yize wakuhana kuli yiswale, hakwiwuluka.

MUKANDA USANDU WA ZAMBI 1975

⁴ Iye, nikumuhulikila meso, wa tò ni woma, wambile ngwenyi, Kuchi Mwene? Wambile kuli iye ngwenyi, Kulemba che ni kuhana che hichinazezuka ngwe Chiwulwiso kumeso ja Zambi.

Yilinga 10:4 Iomraidhean Croise

2 Sango Ja Mianangana 32:24

Ha matangwa waze mwanangana Hezekia yayiza, te himafwa. Yalemba Mwene Zambi, neye yamulweza chilayi ngwenyi, kuuchi kufwa.

2 Sango Ja Mianangana 6:33

yena muze mwilu watwama hibanjika kama kulemba chenyi, hanga umulingile yeswe yize anakuhula. Mba akwa hashi eswe akunyingike ni kukwononokena, ngwe chize akulinga atu je Aisraele. Mba maakanyingika ngwo, zuwo lino hinatunga lili muma muze atu chaatamba kukuwayila.

Miaso (Masamu) 141:2

Tayiza kama kulemba chami ngwe mulambu wa yuma ya vumba libema, kuzunduka cha moko jami ngwe mulambu wa chingoloshi.

Miaso (Masamu) 20:3

Atambule kama yawana ye yeswe, awahilile ni milambu ye yeswe.

Izaya 43:26

“Tuyenu ku chota cha kusopela; lumbununenu kusuma chenu! Sololenu chikuma chenu chize muchilweza ngwo, nunasambe!

Izaya 45:19

Chahanjikilile ko ku tenga, hanji kusweka manyonga jami. Chalwezele ko Aisraele kungufupila mu puya. Yami nguli Mwene Zambi, nakuhanjika umwenemwene; nakunyingika ni kulinga yize yinalite.”

Daniel 10:11

Mwe kanganda ka mwilu yangwamba ngwenyi: “Daniel, Zambi kanakuzange. Katuka, ubanjike kanawa yeswe yize ngunakwambulwila. Hangutuma kuli yena.” Muze hamba chino, yingukatuka, te ngunachikima nganganga.

Alevi 2:2

ni kuuneha kuli mahako, ana ja Arone a malunga. Mwe hako makazomona ho kwoko lia wunga, ni maji, ni yuma yeswe ya vumba libema, ni kuyocha ha chilumbilo, yikaweme. Chili chiwulwiso ngwo, hayilambula kuli Mwene Zambi. Lupembo wa mulambu uno wa ya kulia kakumuwahila.

Malaki 3:16

Hohene atu waze te akuvwila Mwene Zambi woma yaalihanjikisa. Mwene Zambi neye yabanjika ku yize anambe. Ku meso jenyi yasoneka majina ja atu waze te akumuvwila woma ni kumulemesa.

Mateu 26:13

Chamwenemwene ngunanwambulwila ngwami, kweswako atu maakambujolela Sango jino Jibema hashi heswe, Chuma chize pwo yono halinga, maakachambulula ha kumwiwuluka.”

Luka 1:29

Maria yalibikala kuhiana ha maliji wano, yalihula ulumbumwiso wa kumeneka chenyi.

Luka 24:5

Mapwo waze yeevwa woma unji nikuhetama hashi. Malunga waze yaamba ngwo: “Kuchi mba nunafupu mukwa mwono mukachi ka afu?

Yilinga 10:31

Ngwenyi: ‘Korneliu, Zambi hevwa kuliumba che, hewuluka yawana ye yize wakuhana kuli yiswale.

Yilinga 14:9

Yabanjika yize ahanjekele Paulu. Mwenawo yamuhulikila meso nee. Paulu yamumona ngwe kali ni ufulielo wa kubwa mungunu,

Yilinga 22:10

Mba yinguhula ngwami: ‘Mwene, kuchi Changutamba kulinga?’ Mwene yangukumbulula ngwenyi: ‘Katuka uye ku Damasku. Kwe kuze maakakwambulwila yeswe yize Zambi hanakusela ha kulinga.’

Yilinga 3:4

No yaamuhulikila meso. Mba Petulu yamwamba ngwenyi: “Tutale!”

Filipu 4:18

Hingunatambula jeswe jize nwangutuminyine—jinazuku. Haliabwila, nguli ni yuma yinazuku, mumu Epafroditu hanangunehena yawana yenu. Yawana yino yili ngwe mulambu wa vumba libema, chitapo chize chinabemena ku meso ja Zambi ni chize chinamuwahila.

Filipu 4:6

Kanda nulibikala ha Chuma nichimwe, alioze ha yuma yeswe liumbenu kuli Zambi ha kumwita yize nunahono. Mwitenu ni mbunge yakusakwila.

Hebreu 13:16

Kanda nuvulama kulinga yibema ni kulikwasa ni akwenu, mumu yino ye milambu yakubemena ku meso ja Zambi.

Hebreu 6:10

Zambi hi chihenge ko. Kechi kavulama yitanga yenu, chibwe zango lize hinunamulweze ha kukwasa akwenu akwa Kristu, ni ndoo musono nwakwakwasa.

Usolwelo 8:4

Mwishi wa yuma ya vumba libema, yize te yinafindangana kahia, ni yilemba ya atu ja Zambi yinakanduka ku kwoko lia kanganda ka mwilu yoze te unamana ku meso ja Zambi.

1 Samuel 3:10

Mwene Zambi yeza, yamana, yatambika ngwe yisuho yikwo: “Samuel! Samuel!” Samuel yakumbulula ngwenyi: “Vulie mwane! Hanjikenu, yami kavumbi kenu ngunahanjika.”