Yilinga 10:36 - Mukanda Wa Zambi 1970

³⁶ Nunanyingika liji lize Zambi atumine kuli Aisraele muze ambujolele Sango Jibema ja uhwimino ku tachi ja Yesu Kristu, mwe Mwene wa atu eswe.

MUKANDA USANDU WA ZAMBI 1975

³⁶ Liji lize watumine kuli ana a Izalele, nikwambujola sambukila muli Yesu Kristu; (iye Mwene wa eswe),

Yilinga 10:36 Iomraidhean Croise

Miaso (Masamu) 45:11

Mwanangana kanakuzange mumu ha ubeme we; kali mwene we, kashika chatamba kumwononokena.

Miaso (Masamu) 45:6

Wanangana uze akuhele Zambi, muulinduluka ndoo ku miaka yeswe ni miaka yeswe. Wakuyula Wanangana we ni ululi.

Miaso (Masamu) 72:7

Atu abwe akwa ululi ha matangwa eswe a mwono wenyi, atu abwe ni yuma ya kulumbama ndoo ni muze kakweji kechi kasoloka nawa.

Izaya 55:12

“Munukatuhuka mu Babilone ni chiseke; makanutuhwisa mu limbo ni uhwimino. Milundu ni mindundena muyikabutuka kwimba; mitondo muyikakololoka ni uwahililo.

Izaya 57:19

Nakuhana uhwimino kuli eswe waze ali hehi, ni waze atwama kusuku! Munguwuka atu jami.

Izaya 7:14

Kashika Zambi iye mwene makwaha chilayi: umwe mwana pwo makasema mwana wa lunga ni kumuluka jina ngwo, Emanuele.

Izaya 9:6

Kuli yetu hikwasemuka mwana! Mwana lunga hatwaha yo! Kumakabwa mukwa kutuyula. Kumaakamuvuluka ngwo: “Mukwa Kukomwesa,” “Mukwa Kukanyamisa,” “Zambi Mukwa Ndundo,” “Tata wa Miaka Yeswe,” “Mwanangana wa Uhwimino.”

Hosea 1:7

Alioze Ayuda mungukeevwila keke. Yami Mwene Zambi, Zambi yo, mungukaalamwina. Alioze chichi kachilinga ni jita, chibwe ni mikwale, hanji ni mata a kwasa, chibwe ni tuvwalu, hanji ni waze akwendela ho.”

Mika 5:2

Mwene Zambi ngwenyi: “Yena Betleheme Efrata, uli mukepe kuhiana mukachi ka membo ja Yuda, alioze muli yena mungukatuhwisa umwe mukwa kuyula wa Aisraele. Kwalula cha akwa jiko lienyi chinayi ndoo ku shakulu.”

Malaki 3:1

Mwene Zambi Mukwa Ndundo Jeswe kanakumbulula ngwenyi: “Mungukatuma kanganda kami ni kungululikila jila. Hohene Mwene Zambi yoze nunatalatala kumeza susumuku ku zuwo lienyi. Kanganda yoze nunevwila usona kumeza akambujole Usendo wami.”

Mateu 10:6

Shinoho yeenu kuli mapanga akutoka a kuli Aisraele.

Mateu 11:27

“Tata hanangukunjika yuma yeswe. Niumwe wanyingika mwe Mwana shina Tata, chibwe niumwe wanyingika mwe Tata shina Mwana, ni waze Mwana akuzanga kumusolwela.

Mateu 28:18

Yesu yaakundama, ngwenyi: “Tata hanangwehe yiyulo yeswe mwilu ni hashi.

Luka 1:79

ha kutemwina waze ali mu milima ni mu chizulie cha kufwa, ha kutondekeza molu jetu mu jila ya uhwimino.”

Luka 24:47

Ni chatamba kwambujola mu jina lienyi sango jino kuli mavungu eswe butu ku Yerusaleme. Ngwenu: ‘Alumukenu ku mbunge, mba Zambi manukonekena milonga yenu.’

Yilinga 10:37

Nunanyingika yikuma yinene yize yafumanyine mu Yudea mweswe, butu ku Galilea, muze Yoano hamanyisa kwambujola chenyi hakutwala ku upapachiso.

Yilinga 11:19

Lamba lize liakawile kushiha cha Estevau (Etienne) yilimwanga akwa k ufuliela mwamwaa. Akwo yaaya ndoo ku chifuchi cha Fenishia, ni ku tungu lia Shipre, ni ku limbo lia Antiokia. Kaambile ko maliji a Zambi kuli niumwe shina kuli Ayuda wika.

Yilinga 13:32

Mba yetu tunanwambulwila Sango jino Jibema, jize Zambi alakenyene tushakulu twetu.

Yilinga 13:46

Alioze Paulu ni Barnaba yaahanjika no ni hamu ngwo: “Chinalite kuhanjika maliji a Zambi kuli yenu hatangu. Alioze, mumu nunalituno ni nunabatula ngwenu, kunwatelele mwono wa miaka yeswe, haliabwila tunatewulukila kuli waze hi Ayuda ko.

Yilinga 2:36

“Aisraele eswe chaatamba kunyingika kanawa ngwo, Yesu yoze nwahachile ha kulusu, Zambi hanamupwisa Mwene kanda Chilamwina yoze iye mwene alakenyene.”

Yilinga 5:31

Zambi hanamuzundula ha kubwa ku kwoko lienyi lia chindume, hanga abwe Tetekeli ni Chilamwina. Chenacho Aisraele maahasa kwalumuka ku mbunge jo, ni Zambi maakonekena milonga yo.

A-ROMA 14:9

Mumu Kristu hanafu, hanahinduka nawa ha kuyula afu ni waze ali ni mwono.

A-ROMA 5:1

Chenacho Zambi hanatupwisa akwa ululi mumu ha ufulielo. Kashika hitunawane ni Zambi mumu hali Mwene wetu Yesu Kristu.

1 Korintu 15:27

Mumu hichinasonewa mu Mukanda wa Zambi ngwo: “Zambi hanazeyesa yuma yeswe kushi lia molu jenyi.” Alioze muze anambe ngwo: “yuma yeswe,” Zambi, yoze wakusa yuma yeswe kushi lia molu ja Kristu, iye mwene keshimo.

1 Korintu 15:47

Zambi yatanga Samutu mutangu ni fufuta ya hashi, Samutu wa muchaali wejile mwilu.

Filipu 2:11

ni eswe akatayize ngwo, Yesu Kristu mwe Mwene, ha kuhalisa Zambi Tata.

Kolosu 1:20

Zambi yabatula kuwanyisa yuma yeswe ni iye mwene ku yize alingile Mwanenyi. Chenacho awanyishine yuma yeswe ku upale wenyi, yuma ya hano hashi ni ya mwilu. Yachilinga muze ahanyine uhwimino ku kufwa cha Mwanenyi ha kulusu.

Hebreu 1:2

Alioze, ha matangwa wano akusula, Zambi yahanjika muli Mwanenyi. Zambi hanatange yuma yeswe ni kwoko lia Mwanenyi, hanamutongola nawa mu kuhinga yuma yeswe ha tangwa liakusula.

Hebreu 13:20

Zambi hanahindwisa Mwene wetu Yesu ku kufwa. Mumu ha kufwa chenyi Yesu hanalumuka Kafunga Munene wa mapanga ku manyinga ja Usendo wa miaka yeswe. Zambi ya uhwimino anukolese ni kulinga yuma yeswe yize yinatela ha kumanununa chize anapale. Alinge muli yetu ku tachi ja Yesu Kristu chize chakumuwahila. Uhenya wa Kristu usoloke ku miaka yeswe! Chibwe kama Chenacho.

1 Petulu 3:22

Yesu Kristu hanazezuke mwilu, hanayi ni kutwama ku chindume cha Zambi. Kwenako akuyula tunganda a mwilu, ni akwa kuyula, ni akwa tachi akwo a mwilu.

Usolwelo 1:18

Nguli mukwa mwono. Nafwile, alioze tala, haliabwila nguli ni mwono ndoo ku miaka yeswe ni miaka yeswe. Ngunayulu kufwa. Ngunayulu nawa chifuchi cha waze haanafu.

Usolwelo 17:14

Wano maakasa jita ni Mwana Panga. Alioze Mwana Panga, hamwe ni atu jenyi waze atambikile, waze atongwele, akwa kushishika, maakakumba. Mumu iye kali Mwene wa ene eswe ni Mwanangana wa mianangana eswe.”

Usolwelo 19:16

Ha hina lienyi ni ha kulu lienyi yasoneka ho jina ngwo: “Mwanangana wa mianangana eswe, ni Mwene wa ene eswe.”