Yilinga 10:34 - Mukanda Wa Zambi 1970

³⁴ Petulu yabutuka kuhanjika ngwenyi: “Mba hinanyingika chamwenemwene ngwami, Zambi keshi katonde.

MUKANDA USANDU WA ZAMBI 1975

³⁴ Mba Petulu Wapakwile kanwa lienyi, wambile ngwenyi, Chamwenemwene ngunamono Zambi keshi katonde:

Yilinga 10:34 Iomraidhean Croise

2 Sango Ja Mianangana 19:7

Vwilenu Mwene Zambi woma ni lingenu kanawa, mumu Mwene Zambi, Zambi yetu, keshi kutayiza ubatwilo wa katonde hanji ubatwilo wa mbongo ja mbenga.”

Jobe 34:19

Zambi keshi ni katonde kuli akwa kuyula, keshi kulemesa mianangana kuhiana yiswale, mumu yatanga atu eswe.

Mateu 22:16

Yaamutumina tumbaji two ni amwe a kuli Aherode, ngwo: “Longeshi, tunanyingika ngwetu, yena kuuli wamwenemwene, wakulongesa Shimbi ja Zambi ni umwenemwene. Kuushi woma ha chize akunyonga atu, kuushi kutala ulemu wo.

Mateu 5:2

Neye yabutuka kwalongese maliji wano ngwenyi:

Luka 20:21

yaamuhula chihula chino ngwo: “Longeshi, tunanyingika ngwetu, yize wakwamba ni yize wakulongesa yinalite. Kuushi woma ha yize akunyonga atu, alioze wakulongesa umwenemwene nikulita ni Shimbi ja Zambi.

Yilinga 10:33

Shimbu lizeliene, natumine atu ni kukusaka. Walinga kanawa ha kwiza. Haliabwila yetu eswe tuli kuno ku meso ja Zambi, mu kwivwa yuma yeswe yize Mwene akwambile ha kutulongesa.”

Yilinga 15:9

Kulisa chakuhi hakachi ko ni yetu. Zambi hanatomesa mbunge jo mumu haanafuliela.

Yilinga 8:35

Filipe yabutuka kuhanjika. Chize ku Chisoneko chize, yamulumbunwina Sango Jibema ja Yesu.

A-ROMA 2:11

Mumu Zambi keshi katonde.

A-ROMA 3:29

Zambi kali Zambi ya Ayuda wika, nyi? Hi Zambi ya mavungu akwo nawa ko, nyi? Chamwenemwene kali Zambi ya mavungu akwo nawa,

Galashia 2:6

Alioze waze amwenekene ngwe akwa lutwe, kaangulwezele Shimbi niyimwe yaha. (Akwa lutwe waze ngunambe, chaanyingikine chize abwa, mumu Zambi keshi kubatula nikulita ni kumona cha atu.)

Efesu 6:9

Ni yenu miata, lingenu nawa chizechene kuli ndungo jenu. Litwaminenu kwevwisa woma. Iwulukenu ngwenu, yenu ni ndungo jenu nuli ni Mwata umwika mwilu, yoze keshi katonde.

Shimbi 1:17

Kanda nukabatula ni katonde, batwilenu mutu mweswe ni ubatwilo wa ululi. Kanda nuvwila woma niumwe, mumu ubatwilo wa mbala wa Zambi. Nyi Chuma chikwo chanukalila, chinehenu kuli yami, ulunguchibatula.’

Shimbi 10:17

Mwene Zambi kanahiana mazambi eswe akwo ni akwa ndundo eswe. Kali munene, mukwa ndundo, kola woma. Keshi katonde, keshi kutambula ubite wa mbenga.

Shimbi 16:19

Mu ubatwilo wo kanda abwa akwa kuhengesa ha kubatula, kanda abatula ni katonde, kanda atambula mbongo ja mbenga, mumu mbongo ja mbenga kujakupupuchisa meso ja akwa mana ni chikuma cha mukwa ululi, kujakukoka ubatwilo wa uhenge.

Kolosu 3:11

Ha chino, kunushi nawa yilambala ni Ayuda, chibwe ngalami ni yilima, chibwe waze kaalilongesele hanji waze keeshi mana, chibwe ndungo hanji enyaho, alioze hasala lume Kristu; mwe unakwata eswe.

Kolosu 3:25

Alioze yoze wakulinga yibi, makatambula nikulita ni yize alingile, mumu Zambi keeshi katonde.

Tiangu (Jake) 2:1

Akwetu, yenu waze nwakufuliela Mwene wetu wa uhenya, Yesu Kristu, kanda nubwa ni katonde.

Tiangu (Jake) 2:4

nyi che nwakulinga, kunushi ni katonde, nyi? Kunushi kubatula ni manyonga abi, nyi?

Tiangu (Jake) 2:9

Alioze, nyi munubwa ni katonde, munuvulumuna, munuhia ku Shimbi, mba munubwa ni mulonga.

1 Petulu 1:17

Nwakuvuluka Zambi ngwenu: “Tata”, muze nwakumuwayila. Neye keshi katonde, kakubatwila mutu mweswe nikulita ni yitanga yenyi. Kashika, ha shimbu lize nuli hano hashi, musenu vumbi.