Yilinga 10:32 - Mukanda Wa Zambi 1970

³² Kashika tuma atu ku Jope hanga akasake Simone, jina lienyi likwo Petulu. Kakutwama mu zuwo lia Simone, mukwa kukotongola malambu, yoze watwama ku mbumbulu ya kalunga lwiji.’

MUKANDA USANDU WA ZAMBI 1975

³² Kashika tuma ku Yopa, Ukasake Semone, jina lienyi likwo Petulu; kanamuzeke mu zuwo lia Semone mukwa kukotongola ku sesa lia kalunga-lwiji, iye muze meza makahanjika ni yena.

Yilinga 10:32 Iomraidhean Croise

2 Sango Ja Mianangana 2:16

Mba yetu mutukanubatwila mitondo yeswayo munuzanga ha milundu ya Libano. Mutukayikasa yichita ni kuyihungumwina mu kalunga lwiji ku Jope, mba yenu nuyihetese ku Yerusaleme.”

Mika 4:2

mba maakamba ngwo: “Tukundamenu ha mulundu wa Mwene Zambi, ku zuwo lia Zambi ya Aisraele. Maakatulongesa chize anazange tulinge; mutukendangana mu majila jenyi. Mumu longeso lia Mwene Zambi liakukatuka ku Yerusaleme; ku Zione kakuhanjika ni atu jenyi.”

Yoano 18:28

Chichamene cheswe Ayuda yaamuchiza maha Kaifa, yaamutwala ku zuwo lia mukwa kuyula. Ayuda kaanjilile ko mu zuwo lia mukwa kuyula, kuchina maajilula chijila hakutwala ku kulia cha kwiwuluka Kubalika.

Yoano 4:9

Pwo, Kasamaria, yahula Yesu ngwenyi: “Mhmm! Ngwe kuchi yena Kayuda unangwichi yami Kasamaria meya a kunwa?” (Mumu Ayuda ni Asamaria te keeshi kulikata.)

Yilinga 10:31

Ngwenyi: ‘Korneliu, Zambi hevwa kuliumba che, hewuluka yawana ye yize wakuhana kuli yiswale.

Yilinga 10:33

Shimbu lizeliene, natumine atu ni kukusaka. Walinga kanawa ha kwiza. Haliabwila yetu eswe tuli kuno ku meso ja Zambi, mu kwivwa yuma yeswe yize Mwene akwambile ha kutulongesa.”

Yilinga 10:5

Haliabwila tuma malunga ku Jope akusakile umwe lunga, Simone, jina lienyi likwo Petulu.

Yilinga 11:14

Maliji waze makakwambulwila, maakakulamwina yena ni akwa zuwo lie eswe.’

Yilinga 11:3

“Yena wanjilile mu zuwo lia waze hi Ayuda ko, waze kanda achibwa ngalami, yiwulia hamwe no.”

Yilinga 15:7

Muze haalihamika shimbu lisuku, Petulu yakatuka, yaamba ngwenyi: “Akwetu, nunanyingika kanawa ngwenu, hasuku Zambi hanangutongola mukachi kenu, hanga waze hi Ayuda ko akevwe Sango Jibema kuli yami, akajifuliele.

Yilinga 16:9

Ha ufuku uzewene Paulu yamona mu Usolwelo umwe lunga wa ku chifuchi cha Masedonia, te kanamana nikumulembela ngwenyi: “Zauka, Wize kama kuno ku Masedonia utukwase.”

Yilinga 9:43

Petulu yatwama matangwa anji mu Jope hamwe ni Simone, mukwa kukotongola malambu.

Yilinga 9:6

Alioze katuka unjile mu limbo. Kwenako maakakwambulwila chize Chakutamba kulinga.”