Yilinga 10:27 - Mukanda Wa Zambi 1970

²⁷ Muze te anahanjika nenyi, yanjila mu zuwo, yawana mo atu anji te kanakunguluka,

MUKANDA USANDU WA ZAMBI 1975

²⁷ Iye wanjilile nikulishimwinya nenyi, wawanyine anji akungamine:

Yilinga 10:27 Iomraidhean Croise

Luka 24:14

Te kaanalihanjekesa ha yize yeswe yabwile.

Yoano 4:35

Nwakwamba ngwenu: ‘Kwasala tukweji awana, mba mwaka wa kubatula mihuko muuheta,’ nyi? Alioze ngunanwambe ngwami, talenu ku minda, mihuko hiyahia, mwaka hiwaheta kulu ni kuyibatula.

Yilinga 10:24

Tangwa lia muchaali yanjila mu limbo lia Sesarea. Korneliu yamutalila, te hakungulula usoko wenyi ni masepa jenyi.

Yilinga 14:27

Muze haaheta ko, yaakungulula akwa Chikungulwila eswe, yaalumbunwina yeswe yize Zambi alingile no, ni ngwe chize hanazulwila waze hi Ayuda ko chajilo, hanga no afuliele.

1 Korintu 16:9

Mumu hinawana chajilo chakwazulula ha kulinga milimo yinawaha muno, chibwe akwa kole kaanoko naye.

2 Korintu 2:12

Muze nahetele ku limbo lia Troa, mu kulongesa Sango Jibema ja Kristu, nawanyine ngwami, Mwene Yesu hanangwehe jila ya kulongesa atu.

Kolosu 4:3

Tulembelenu nawa yetu, hanga Zambi atwehe jila ha kulongesa maliji jenyi ni kwambujola chijimbikilo cha Kristu. Mumu ha chijimbikilo chino nguli mu zuwo lia lamba.