Yilinga 10:22 - Mukanda Wa Zambi 1970

²² No yaamukumbulula ngwo: “Mwata wa tujita Korneliu unakatutuma. Kali mukwa ululi, ni kakuwayila Zambi hamwe ni Ayuda. Ayo eswe kaakumushindakenya. Kanganda ka mwilu wamulwezele ha kwiza ni kukusaka, uye ku zuwo lienyi akevwe maliji kuli yena.”

MUKANDA USANDU WA ZAMBI 1975

²² O ambile ngwo, Koneliu, kapitau, mukwa ululi, mukwa kwivwa woma wa Zambi, kakumushindakenya ku vungu lieswe lia A-Yunda, kanakamwambulwila kuli mungelo musandu kukusaka, wize ku zuwo lienyi, akevwe maliji kuli yena.

Yilinga 10:22 Iomraidhean Croise

Hosea 14:9

Waze ali ni mana evwe kanawa yuma yize yinasonewa mu mukanda uno, ayifunge mu mbunge. Majila a Mwene Zambi kaali a ululi, akwa ululi kaakwenda mo. Alioze yivulumunyi kaakutalinga, kaakulimbuka, mumu keeshi kwaalula ngwe Chuma.

Habakuke 2:4

Lweza atu maliji wano ngwe: ‘Yingulungulu keechi kalinduluka, ni mwono, alioze akwa ululi kumaabwa ni mwono mumu kaakushachila hali Zambi.’ ”

Mateu 1:19

Josefe, lunga lienyi, te mukwa ululi. Kazangile kumuvwisa sonyi. Kashika, yanyonga kulituna ye ku tenga.

Mateu 2:12

Zambi yaatoweza mu chilota ngwenyi, kanda ahiluka maha Herode. Kashika, yaaya jila yeka nikuhiluka ku chifuchi cho.

Marku 6:20

mumu Herode yevwila Yoano woma, yanyingika ngwenyi, kali mukwa ululi kanda munangi. Kashika, yamufunga kanawa. Herode yakakashana kuhiana muze amuvwile, alioze yawahilila kumwivwa.

Marku 8:38

Mumu yoze manguvwila sonyi, yami ni longeso liami hakachi ka atu ja mwakono, yihulia kanda yivulumunyi, yami Mwana Mutu nawa mungukamuvwila sonyi muze mungukeza mu uhenya wa Tata hamwe ni tunganda a mwilu.”

Luka 2:25

Mu Yerusaleme yimubwa umwe lunga, jina lienyi te Simone, mukwa ululi, mukwa kuwayila Zambi. Te kakushimbwila ulamwino wa Israele. Mwiku wa Linanga yiubwa muli iye.

Luka 23:50

Yikubwa umwe lunga, jina lienyi Josefe, wa ku Arimatea, limwe limbo lia Ayuda. Mutu mubema ni mukwa ululi, te kakutwaminyina kwiza cha wanangana wa Zambi. Neye wa ku Mbunga ya Ngaji ja Ayuda, alioze katayijile ko ubatwilo wo ni yize alingile.

Luka 9:26

Nyi umwe manguvwila sonyi ni maliji jami, Mwana Mutu neye makamuvwila sonyi muze makeza mu uhenya wenyi, ni mu uhenya wa Tata, ni wa tunganda a mwilu a linanga.

Yoano 13:20

Chamwenemwene ngunanwambulwila ngwami, mutu yoze matambula yoze ngunatumu, mangutambula yami. Ni mutu yoze mangutambula, matambula yoze wangutumine.”

Yoano 17:20

“Chalembelele ayo wika, alioze ni waze maakangufuliela ku longeso lio.

Yoano 17:8

Mumu hingunaalongesa maliji waze wangwambile, haanaatayiza. Kaananyingika ngwo, kaali amwenemwene, ni kaanafuliela ngwo, yena wangutumine.

Yoano 5:24

“Chamwenemwene ngunanwambe ngwami, yoze wakwivwa maliji jami ni kufuliela yoze wangutumine, mwono wa miaka yeswe ali nawo. Kechi kamuhisa, alioze hahinduka kulu ku kufwa, habwa ni mwono.

Yoano 6:63

Mwiku wakupwisa atu ni mwono, alioze musunya kuushi kufumbula nichimwe. Maliji waze hinahanjika kuli yenu kaakuhana mwiku ni kupwisa atu ni mwono.

Yoano 6:68

Simone Petulu yamukumbulula ngwenyi: “Mwene, kuli iya mutuya? Yena uli ni maliji waze akupwisa atu ni mwono wa miaka yeswe.

Yilinga 10:2

Te mukwa vumbi ku meso ja Zambi. Iye ni akwa zuwo lienyi te kaakuwayila hamwe ni Ayuda. Neye te kakuhana yawana kuli Ayuda nikulemba Zambi matangwa eswe.

Yilinga 10:21

Petulu yapalumuka, yambila malunga waze ngwenyi: “Yoze nunafupu yami. Yika nunakaula?”

Yilinga 10:30

Korneliu yakumbulula ngwenyi: “Ha ola ngwe yinoyene, matangwa atatu haabalika, te ngunalembe mu zuwo liami ha ola ya muchitatu ya chingoloshi. Susumuku mutu kanamana ku meso jami, te kanazala mahina abeyima.

Yilinga 10:33

Shimbu lizeliene, natumine atu ni kukusaka. Walinga kanawa ha kwiza. Haliabwila yetu eswe tuli kuno ku meso ja Zambi, mu kwivwa yuma yeswe yize Mwene akwambile ha kutulongesa.”

Yilinga 10:6

Kakutwama maha Simone, mukwa kukotongola malambu. Zuwo lienyi lili ku mbumbulu ya kalunga lwiji.”

Yilinga 11:14

Maliji waze makakwambulwila, maakakulamwina yena ni akwa zuwo lie eswe.’

Yilinga 22:12

“Yikubwa umwe mutu, jina lienyi Anania, mukwa kuwayila Zambi, yoze wononokenene Shimbi jetu. Ayuda eswe a mu Damasku yaamushindakenya ngwo, kali mubema.

Yilinga 24:15

Nakufuliela Zambi, ngwe ayo ene, ngwami, akwa ululi ni yihenge, eswe aali maakahinduka ku kufwa.

Yilinga 6:3

Ha chino, akwetu, Sakulenu a kuli yenwene malunga shimbiali a lufuma mubema, anazala ni Mwiku wa Linanga, akwa mana, hanga twaahe milimo yino.

A-ROMA 1:17

Mumu Sango Jibema jinasolola chize Zambi akupwisa atu akwa ululi. Kakuchilinga ku ufulielo wika, chize ku kabutu ndoo ku songo, ngwe chinasonewa mu Mukanda wa Zambi: “Yoze Zambi hapwisa mukwa ululi ku ufulielo, makabwa ni mwono.”

2 Korintu 5:18

Yize yeswe yakukatuka kuli Zambi. Hatangu twabwile akwa kole ni Zambi, alioze, mumu hali Kristu, Zambi hanatuwanyisa ni iye mwene. Ni Zambi hanatwehe milimo ya kukoka atu akwo akawane nenyi.

Shimbi 30:13

Kuyishi musali lia kalunga lwiji, mba hanga nuhule ngwenu: ‘Iya mazauka kama kalunga lwiji atunehene yo, hanga tuhase kuyivwa ni kuyononokena?’

1 Timoteu 3:7

Chamutamba kubwa ni shindakenyo yibema kuli waze hi akwa Kristu ko, hanga kechi kulimbuka mu milonga ya sonyi ni mu muheto wa Sakwonga.

Hebreu 10:38

Hindu mukwa ululi wami mabwa ni mwono ku ufulielo. Alioze, nyi mahiluka nawa kunyima, chichi kuwahilila nenyi.”

Hebreu 11:2

Zambi yatayiza tushakulu mumu ha ufulielo wo.

Hebreu 12:23

Hinunahete ku kukunguluka cha uwahililo wa ana atangu a Zambi, waze majina jo hanaasonewa mwilu. Hinunahete kuli Zambi, ngaji ya atu eswe, nawa hinunahete ku mwiku wa akwa ululi waze haanafu, waze Zambi hanapwisa atu angunu.

2 Petulu 3:2

Ngunazange nwiwuluke maliji waze anulongesele ha shakulu kuli akwa munanyi a kulinanga, nawa Shimbi ja Mwene kanda Chilamwina jize anulongesele tunganda twenu.

3 Yoano 1:12

Atu eswe kaakuchichimieka Demetriu, maliji waze kaali amwenemwene. Yetu tunamuchichimieka. Unanyingika ngwe, yize twakwamba yili yamwenemwene.

Usolwelo 14:10

kumakanwa vinyu ya ufwatulo wa Zambi, vinyu ya tachi yize Zambi asele mu musenge wa ufwatulo wenyi! Atu eswe waze akulinga yuma ngwe yize kumaakamona lamba ha kahia ni fundanga ku meso ja tunganda a mwilu a kulinanga ni ku meso ja Mwana Panga.