Yilinga 10:2 - Mukanda Wa Zambi 1970

² Te mukwa vumbi ku meso ja Zambi. Iye ni akwa zuwo lienyi te kaakuwayila hamwe ni Ayuda. Neye te kakuhana yawana kuli Ayuda nikulemba Zambi matangwa eswe.

MUKANDA USANDU WA ZAMBI 1975

² mukwa kuwayila, iye mukwa kwivwa woma wa Zambi hamwe ni akwa zuwo lienyi eswe, iye wahanyine yawana kuli atu, waliumbile kuli Zambi matangwa eswe.

Yilinga 10:2 Iomraidhean Croise

Ubutukilo 18:19

Hinatongola Abrahama hanga akalweze ana jenyi ni vungu lienyi ngwenyi, chaatamba kufunga Shimbi jami, ni kulinga yuma yibema ni ya ululi. Nyi maachilinga mungumanununa yeswe yize namwambile.”

1 Yitanga Ya Mianangana 8:43

yena muze mwilu watwama hibanjika kama kulemba chenyi hanga umulingile yeswe yize anakwichi. Mba akwa hashi eswe akunyingike ni kukwononokena, ngwe chize akulinga atu je Aisraele. Mba maakanyingika ngwo, zuwo lino hinatunga muli muma muze atu chaatamba kukuwayila.

2 Sango Ja Mianangana 6:33

yena muze mwilu watwama hibanjika kama kulemba chenyi, hanga umulingile yeswe yize anakuhula. Mba akwa hashi eswe akunyingike ni kukwononokena, ngwe chize akulinga atu je Aisraele. Mba maakanyingika ngwo, zuwo lino hinatunga lili muma muze atu chaatamba kukuwayila.

Jobe 1:1

Yikubwa umwe lunga wa ku chifuchi cha Uze, jina lienyi Jobe. Te mutu mubema, mukwa ululi, yoze walemesene Zambi, walifungile ku yibi.

Jobe 1:5

Muze matangwa a yiteleka haamanunuka, Jobe malimeneka ni kulambula milambu yakwocha hali mwana mweswe ni kwaabemesa, mumu Jobe yanyonga ngwenyi: “Hanji ana jami haavulumuna, hanji haatuka Zambi, te kaachizangile.” Chino te kakuchilinga matangwa eswe.

Miaso (Masamu) 102:15

Mavungu meevwila Mwene Zambi woma; mianangana eswe a hashi meevwila ndundo jenyi mwongo.

Miaso (Masamu) 119:2

Kawaha waze akwononokena Shimbi jenyi, waze akumwononokena ni mbunge jo jeswe.

Miaso (Masamu) 25:5

Ngusongwele mu umwenemwene we, mumu yena uli Zambi chilamwina chami! Nakushachila hali yena matangwa eswe.

Miaso (Masamu) 41:1

Kawaha yoze wakukwasa yiswale, Mwene Zambi mamukwasa muze iye mwene mamona lamba.

Miaso (Masamu) 55:17

Ha chichamene, ni ha mwalwa, ni ha ufuku mungulinyenga ni kutwa mikuma, neye kumevwa liji liami.

Miaso (Masamu) 86:3

Yena uli Zambi yami, kashika nguvwile kama keke; nakulemba kuli yena tangwa heswe.

Miaso (Masamu) 88:1

Mwene Zambi, chilamwina chami, nakuteta kuli yena mwalwa ni ufuku.

Longeshi 7:18

Chibema kubwa mukachi ka yeswe yaali. Nyi muulemesa Zambi, muuyuka.

Izaya 59:19

Ku chivumbuko ni ku chitokelo atu eswe maakamuvwila woma mumu ha ndundo jenyi jahiana. Makeza ngwe muhuji wa tachi, ngwe chijimbi.

Daniel 6:10

Muze Daniel hevwa ngwo, mwanangana hasoneka jina lienyi mu mukanda wa Shimbi, yaya ku mahienyi. Mu chibatulo cha zuwo lienyi cha kwilu yimubwa tupenda waze te atala ku Yerusaleme. Kwenako asele makungunwa hashi ni kulemba Mwene Zambi yisuho yitatu tangwa ha tangwa, nikulita ni ndako yenyi.

Daniel 6:16

Mba mwanangana yahana Shimbi hanga akwate Daniel, yamwamba ngwenyi: “Zambi ye, yoze wakulingila ni mbunge yibema, akulamwine kama.” Hohene atu yaamumbila mu wina wa tambwe.

Daniel 6:20

Muze haheta ko, yatambika ni kunenganyana ngwenyi: “Daniel, kavumbi ka Zambi ya mwono! Zambi yoze wakulingila matangwa eswe ni mbunge yimuwika hakulamwina kama kuli tambwe, nyi?”

Daniel 6:26

Ngunase Shimbi ngwami, mu wanangana wami weswe atu eswe evwe woma, alemese Zambi ya Daniel. “Iye kali Zambi ya mwono, mayula ndoo ku miaka yeswe. Wanangana wenyi kuuchi kasula, ndundo jenyi kujichi kahwa nichimwe.

Mateu 25:17

Yoze watambwile tununu aali a mbongo, neye yalinga chizechene, yafumbula tununu akwo aali.

Luka 18:1

Yesu yaatela chishima chino ha kwalweza ngwenyi: chaatamba kulemba matangwa eswe, kanda ahonga.

Luka 2:25

Mu Yerusaleme yimubwa umwe lunga, jina lienyi te Simone, mukwa ululi, mukwa kuwayila Zambi. Te kakushimbwila ulamwino wa Israele. Mwiku wa Linanga yiubwa muli iye.

Yilinga 10:22

No yaamukumbulula ngwo: “Mwata wa tujita Korneliu unakatutuma. Kali mukwa ululi, ni kakuwayila Zambi hamwe ni Ayuda. Ayo eswe kaakumushindakenya. Kanganda ka mwilu wamulwezele ha kwiza ni kukusaka, uye ku zuwo lienyi akevwe maliji kuli yena.”

Yilinga 10:31

Ngwenyi: ‘Korneliu, Zambi hevwa kuliumba che, hewuluka yawana ye yize wakuhana kuli yiswale.

Yilinga 10:35

Mweswawo wakumusa vumbi ni wakulinga ululi, kakumutambula, chibwe wa ku vungu lieswaho.

Yilinga 10:4

Neye yamutala ni woma, yamuhula ngwenyi: “Mwene kuchi?” Kanganda ngwenyi: “Zambi hatayiza yilemba ye ni yawana yize wakuhana kuli yiswale, hakwiwuluka.

Yilinga 10:7

Muze kanganda ka mwilu haya, yoze te anahanjika nenyi, Korneliu yatambika ngamba aali a mu zuwo lienyi ni kajita umuwika, wa kuli waze akumulingila matangwa eswe, te mukwa kuwayila Zambi.

Yilinga 11:14

Maliji waze makakwambulwila, maakakulamwina yena ni akwa zuwo lie eswe.’

Yilinga 13:16

Petulu yakatuka, yalahula ni kwoko, yamba ngwenyi: “Akwetu Aisraele, ni yenu akwo waze nwakuwayila Zambi, banjikenu!

Yilinga 13:26

“Akwetu, ana ja Abrahama, Zambi hanatumu sango jino ja ulamwino kuli yetu, ni kuli yenu waze nwakuwayila Zambi hamwe ni Ayuda.

Yilinga 13:50

Alioze Ayuda yaavundula mapwo pichi waze te akuwayila hamwe no, ni atu ja lufuma mu limbo. No yaahungumiona Paulu ni Barnaba, yaahanga mu chifuchi cho.

Yilinga 18:8

Krispu, mukwa lutwe wa zuwo lia kuwayila lia Ayuda, yafuliela Mwene Yesu hamwe ni akwa zuwo lienyi eswe. Akwa Korintu akwo anji nawa, muze heevwa Paulu, yaafuliela. Mba yaapapachisa.

Yilinga 2:5

Ku Yerusaleme te Ayuda atwama ko, akwa kuwayila Zambi waze akatukile ku yifuchi yeswe ya hashi.

Yilinga 22:12

“Yikubwa umwe mutu, jina lienyi Anania, mukwa kuwayila Zambi, yoze wononokenene Shimbi jetu. Ayuda eswe a mu Damasku yaamushindakenya ngwo, kali mubema.

Yilinga 8:2

Amwe akwa kuwayila Zambi yaafunda Estevau (Etienne), yaamulila mbimbi chikolo.

Yilinga 9:11

Mwene ngwenyi: “Katuka, uye mu jila yize akuvuluka ngwo, Jila Yalulama. Yako ku zuwo lia umwe mutu, jina lienyi Yuda. Uhule mutu wa ku Tarsu, jina lienyi Saulu—kanalembe.

Yilinga 9:31

Mba Chikungulwila cheswe mu Yudea, ni mu Galilea, ni mu Samaria yaabwa ni uhwimino, yeenda ni woma ku meso ja Mwene Yesu, yooka ku tachi ja Mwiku wa Linanga.

Yilinga 9:36

Mu limbo lia Jope yimubwa umwe kambaji wa pwo, jina lienyi Tabita (Mu liji lia greke Dorkase, kulumbunuka ngwo, Kayi.) Te yitanga yenyi yibema, ni kakuhana yawana kuli yiswale.

Kolosu 4:2

Lembenu ni kunyongonona, ni kulayilila mu yilemba, ni kusakwilila Zambi.

1 Tesalonika 5:17

lembenu ni kulitwamina nichimwe,

Tiangu (Jake) 1:5

Alioze, nyi umwe hakachi kenu mahona malinjekela, akete kuli Zambi. Mba Zambi mamwaho, mumu Zambi kakuhana kuli eswe ni kuvungumuna, keshi kuchoka.

Yoshua 24:15

Nyi kunwazangile kumulingila, hitongolenu musono yoze munulingila, mazambi waze tushakulu twenu te akukombelela mu Mesopotamia hanji mazambi ja Aamore, a mu chifuchi chize nwatwama haliabwila. Alioze yami ni akwa jiko liami mutulingila Mwene Zambi.”

Usolwelo 15:4

Mwene, iya kechi kukuvwila woma? Iya kechi kulemesa jina lie? Mumu yena wika uli Munangi. Akwa hashi eswe meeza ni kuwayila ku meso je, mumu yitanga ye ya ululi yinasoloka kuli atu eswe.”