Yilinga 10:11 - Mukanda Wa Zambi 1970

¹¹ lilu liakwazuluka, ni Chuma chalifwa ngwe hina linene, liakukasa ku mbango jiwana, chinahulumuka ndoo hashi.

MUKANDA USANDU WA ZAMBI 1975

¹¹ iye yamona lilu linazuluka, ni chikwachilo chimwe chinahulumuka, ngwe hina linene, kanalisunwisa ku mbango jiwana hashi:

Yilinga 10:11 Iomraidhean Croise

Ubutukilo 49:10

Lukanda wa wanangana kechi akatuka kuli Yuda, mbwechi ya mukwa kuyula keechi kayichiza ku vungu lienyi ndoo ni kuze mwenya yo makasoloka, yoze atu maakononokena.

Izaya 43:6

Mungwamba ku norde ngwami: ‘Echa’ ni ku sude ngwami: ‘Kanda waalalaminya.’ Tayiza atu jami atuhuke mu yifuchi kusuku, ku mambongo eswe a hashi.

Izaya 56:8

Mwene Zambi yoze wachijile Aisraele mu undungo ni kwakungila mu chifuchi cho, hanalakenya ngwenyi: “Mungukunga nawa mavungu akwo alichinge no.”

Ezekiel 1:1

Ha mwaka wa makumi atatu ha tangwa lia muchitano lia kakweji wa muchiwana, yami Ezekiel, mwana wa Buzi, nabwile mu undungo hamwe ni Ayuda ku mbumbulu ya lwiji Chebare mu chifuchi cha Babilonia. Lilu yiliazuluka, yingumona uswolwelo wa Zambi. (

Mateu 8:11

Ngunanwambe ngwami, anji maakeza ku chivumbuko ni ku chitokelo ni kutwama ku mesa mu Wanangana wa mwilu hamwe ni tata Abrahama ni tata Isake, ni tata Yakoba.

Luka 3:21

Muze hapapachisa atu eswe, Yoano yapapachisa nawa Yesu. Muze te analembe, lilu yiliazuluka,

Yoano 1:51

Yesu yawezaho ngwenyi: “Ngunanwambulwila ngwami, chamwenemwene, munukamona lilu linazuluka ni tunganda a Zambi kaanazezuka ni kuhulumuka hali Mwana Mutu!”

Yoano 11:52

hindu hi vungu lia Ayuda wika ko, alioze hanga akakungulwile nawa mu mbunga yimuwika atu ja Zambi eswe waze haanamwangana.)

Yoano 12:32

Mba yami, muze makanguzundula kwilu, mungukakoka atu eswe.”

Yilinga 10:12

Mu hina yimubwa tushitu eka ni eka, ni tututu a hashi, ni tujila.

Yilinga 11:5

Ngwenyi: “Nalembele mu limbo lia Jope. Yingubwa ngwe mu tulo mba yingumona Usolwelo. Chimwe Chuma ngwe hina linene liakukasa ku mbango jiwana yichihulumuka, yichiza ndoo kuli yami.

Yilinga 7:56

yamba ngwenyi: “Talenu, ngunamono lilu linazuluka, ni mwe Mwana Mutu kanamana ku chindume cha Zambi.”

A-ROMA 1:16

Mumu Chishi kwivwa sonyi ha Sango Jibema, mumu jili ndundo ja Zambi ha kulamwina eswe waze akufuliela, hatangu Ayuda, ni mavungu akwo nawa.

A-ROMA 9:4

Zambi yaapwisa ana jenyi. Hanaliendela no mu uhenya wenyi. Hanalingi no Usendo. Hanaahe Shimbi, ni uwayilo, ni yilakenyo yenyi.

Galashia 2:15

Yetwene tuli Ayuda ku chisemewa, hi yivulumunyi ko a ku mavungu akwo.

Galashia 3:28

Kulisa chakuhi mukachi ka Ayuda ni waze hi Ayuda ko, mukachi ka ndungo ni enyaho, mukachi ka malunga ni mapwo. Yenu eswe nuli umuwika mu kulinunga ni Kristu.

Efesu 1:10

Manyonga wano Zambi makaamanununa muze tangwa hiliaheta ha kubalakenya yeswe yize yili mwilu ni yize yili hano hashi mu chiyulo cha Mwene umuwika, iye Kristu.

Efesu 3:6

Chino che chijimbikilo: ku Sango Jibema, waze hi Ayuda ko haanahingi yiwape ya Zambi hamwe ni Ayuda. Eswe aali kaali yihanda ya mujimba umuwika. Ayo nawa kaali ni chilakenyo chimuwika chize Zambi hanalakenya mu kulinunga ni Kristu.

Kolosu 3:11

Ha chino, kunushi nawa yilambala ni Ayuda, chibwe ngalami ni yilima, chibwe waze kaalilongesele hanji waze keeshi mana, chibwe ndungo hanji enyaho, alioze hasala lume Kristu; mwe unakwata eswe.

Usolwelo 11:19

Zuwo lia Zambi mwilu yiliazuluka, mba mushete uze uli ni Usendo wa Zambi yiusoloka. Yikubwa mihenyo, ni kukulunguza cha vula, ni zungo likwo, ni kunyika cha hashi, ni chiwe chinji.

Usolwelo 19:11

Hohene yingumona lilu liakwazuluka, mba kavwalu mutoma yasoloka. Yoze te unatwama ho, jina lienyi Mukwa Kushishika ni Umwenemwene. Kakubatwila atu nikwasa jita ni ululi.

Usolwelo 4:1

Kulutwe lia yuma yino yingumona Usolwelo ukwo, chajilo chinazuluka mwilu. Liji lize te linahanjika ngwe chitavwi, lize nevwile hatangu, yilingulweza ngwo: “Zezuka kuno, mungukulweza yuma yize muyikabwa kulutwe.”