Yilinga 1:8 - Mukanda Wa Zambi 1970

⁸ Alioze munukatambula tachi muze Mwiku wa Linanga hiwanuhulumukina. Mba munukabwa yela jami mu Yerusaleme, ni mweswe mu Yudea ni Samaria, ni ndoo ku songo lia hashi.”

MUKANDA USANDU WA ZAMBI 1975

⁸ Alioze kumunukatambula tachi, muze Spiritu Musandu heza hali yenu: kumunukapwa yela jami, ni mu Yerusaleme, ni mweswe mu Yundeya, ni Samaria, ni ndo ku kasula-songo lia hashi.

Yilinga 1:8 Iomraidhean Croise

Miaso (Masamu) 22:27

Mavungu eswe kumeewuluka Zambi, kumaatewuluka kuli iye; Mavungu eswe kumaamuwayila.

Miaso (Masamu) 98:3

Hamanununa chilakenyo chenyi kuli Aisraele, mumu ha umwenemwene wenyi ni zango lienyi lize kulishi kuhwa. Atu eswe a hashi haamona kukumba cha Zambi yetu.

Izaya 42:10

Imbilenu Mwene Zambi mwaso Waha; imbenu uhaliso wenyi, akwa hashi heswe! Yenu waze nwakwendangana ha kalunga lwiji, muchichimiekenu; yenu eswe waze nwatwama mu kalunga lwiji, muhalisenu! Akwa yifuchi ya kusuku, ni waze eswe atwama ko, imbenu!

Izaya 49:6

Mwene Zambi yangwamba ngwenyi; “Yena kavumbi kami, nguli ni milimo yikwo yinene yahiana. Hi ya kuhilwisa wika ko ulemu wa masalila ja atu jami Aisraele, alioze ya kukupwisa nawa pangu lia mavungu hanga akwa hashi eswe akaalamwine.”

Izaya 52:10

Mwene Zambi ni kwoko lienyi lia linanga, kumaakalamwina atu jenyi; akwa hashi eswe kumaakachimona.

Izaya 66:19

Mba maakanyingika ngwo, yami nakwamwesa lamba. “Alioze mungukahandununa amwe a kuli ayo ni kwatuma kuli mavungu, ni ku yifuchi kusuku, kuli atu waze kanda evwa kama lufuma wami, ni kanda amona unene wami ni ndundo jami: akwa Espanya, ni akwa Libia, ni akwa Lidia, mukachi ko muli akwa mana ni mata akwasa, ni akwa Tubale ni akwa Gresia. Mukachi ka mavungu wano maakambujola unene wami.

Jeremia 16:19

Mwene Zambi, yena wika wakungufunga ni kungutakamisa; wakungukwasa ha matangwa a lamba. Mavungu maakakatuka ku mbango jeswe ja hashi ni kwamba ngwo: “Tushakulu twetu abwile ni mazambi amokomoko lume, kaafumbwile ko nichimwe.

Mika 3:8

Alioze hakutwala kuli yami, Mika, Mwene Zambi kakunguzalisa ni Mwiku wenyi wa tachi. Hangwaha yinyingi ya ululi ni hamu lia kulweza Aisraele milonga yo.

Zakaria 4:6

Kanganda ka mwilu yangwaha maliji wano a kuli Mwene Zambi ha kulweza Zerubabele ngwenyi: “Kumuukumba, alioze hi ku tachi ja tujita ko, hanji ja yena mwene, alioze ku tachi ja mwiku wami.

Mateu 24:14

Sango jino Jipema ja Wanangana kumaakajambujola hashi heswe hanga ajishindakenye kuli atu eswe, mba songo mulikabwa.”

Mateu 28:19

Kashika, yeenu ku mavungu eswe, nukaapwise tumbaji twami, ni kwapapachisa mu jina lia Tata, ni lia Mwana, ni lia Mwiku wa Linanga,

Marku 16:15

Yesu yaamba ngwenyi: “Yeenu hashi heswe, nukambujolele atu eswe Sango Jibema.

Luka 1:35

Kanganda ngwenyi: “Mwiku wa Linanga muukuhulumukina, ndundo ja Zambi, Mukwa Mwilu Mwahiana, mujikuzulamina ngwe chizulie. Kashika, mwana yoze munangi maakamuvuluka ngwo, mwe Mwana Zambi.

Luka 10:19

Achivwenu! Hingunanwehe chiyulo cha kuliata tupela ni tuvwanda, ni chiyulo cha kukumba tachi jeswe ja Mukwa Kole. Nichimwe muchihasa kunulinga chibi.

Luka 24:29

Alioze yaamushinjila ngwo: “Tweya ubombe, mumu tangwa hiliaya ni ufuku hiweza.” Neye yanjila no.

Yoano 15:27

Ni yenu nawa, munukashindakenya hali yami, mumu nwabwile hamwe ni yami chize ku kabutu.”

Yilinga 1:5

Yoano te kakupapachisa ni meya, alioze kulutwe lia matangwa akepe, mungukanupapachisa ni Mwiku wa Linanga.”

Yilinga 13:31

Yesu yalisolola matangwa anji ku meso ja waze te akwenda nenyi, chize ku Galilea ndoo ku Yerusaleme. Enoo e yela jenyi kuli Aisraele.

Yilinga 2:32

Yono Yesu, Zambi hanamuhindwisa ku kufwa. Yetu eswe tuli yela ja chikuma chino.

Yilinga 22:15

Mumu muukabwa chela chenyi kuli atu eswe ha yeswe yize hiwamona ni yize hiwevwa.

Yilinga 3:15

nwashihile Kabutu ka mwono, alioze Zambi hanamuhindwisa ku kufwa. Yetu tuli kwetu yela ja yuma yino.

Yilinga 4:33

Ni tachi jinji tumbaji twa Yesu yaashindakenya uhindukilo wa Mwene Yesu. Zambi yaawahisa eswe.

Yilinga 5:32

Yetu tuli yela ja yuma yino, yetu ni Mwiku wa Linanga uze Zambi ahanyine kuli waze akumwononokena.”

Yilinga 6:8

Estevau (Etienne) yalinga yipupu yinene ni yikomokeso mukachi ka atu, mumu Zambi yamwaha tachi, yamuwahisa kuhiana.

Yilinga 8:1

Saulu neye te kanatayiza ngwenyi, amushihe. Ha tangwa lizeliene, yaabutuka kuhungumiona chikolo Chikungulwila cha Yerusaleme. Akwa Kristu eswe yaamwangana mwamwaa mu yifuchi ya Yudea ni Samaria, alioze tunganda twa Yesu kaamwanganyine ko.

A-ROMA 10:18

Alioze ngunahula ngwami, keevwile ko sango jize, nyi? Chamwenemwene haanajivu! Ngwe Mukanda wa Zambi unambe ngwo: “Liji lio haanalivu hashi heswe. Maliji jo haanahete ku masongo ja yifuchi yeswe ya hashi.”

Kolosu 1:23

Alioze, chanutamba kumana nguu mu ufulielo wenu, akwa kujikiza kanawa. Atu kanda anwonga ha kwehuka yuma yize te nwakusa mbunge, chize kuze nwevwile Sango Jibema. Yami, Paulu, nguli kavumbi ka Sango jino Jibema—Sango jize ambujolele kuli akwa hashi eswe.