Yilinga 1:7 - Mukanda Wa Zambi 1970

⁷ Yesu ngwenyi: “Hi cha yenu ko kunyingika miaka ni mashimbu waze Tata asele mu chiyulo chenyi mwene.

MUKANDA USANDU WA ZAMBI 1975

⁷ Iye wambile kuli ayo ngwenyi, Hi kuli yenu ko kunyingika mashimbu ni miaka, yize asele mwe Tata mu chiyulo chenyi mwene.

Yilinga 1:7 Iomraidhean Croise

Jobe 24:1

Mumu yika Mukwa Ndundo Jeswe kasolo kusa matangwa a kubatwila atu? Mumu yika atu waze akumunyingika keeshi kumona matangwa waze?

Daniel 2:21

Kakuyula miaka ni tungonde; kakupwisa atu mianangana, kakuhana mana ni yinyingi.

Mateu 20:23

Yesu ngwenyi: “Kumunukanwa musenge wami, alioze hi cha yami ko kubatula yoze makatwama ku chindume chami hanji ku chimieso. Mihela yize yili ya waze Tata hanaalulikila yo.”

Mateu 24:36

“Alioze hakutwala ku tangwa lize ni ola yize, niumwe unayinyingika, chibwe tunganda a mwilu, chibwe Mwana ka, shina Tata wika unayinyingika.

Marku 10:40

alioze hi cha yami ko kubatula yoze makatwama ku chindume chami hanji chimeso. Mihela yize yili ya waze Tata hanaalulikila yo.”

Marku 13:32

“Alioze hakutwala ku tangwa lize ni ola yize, niumwe unayingyingika, chibwe tunganda a mwilu, chibwe Mwana ka, shina Tata wika Unanyingika.

Luka 21:24

Maakashiha ni mukwale, maakatwala funge mu yifuchi yeswe. Mavungu akwo nwakaliata Yerusaleme ndoo tangwa lio mulikamanunuka.”

Yilinga 17:26

Mwenawo watangile mavungu eswe a hashi kuli mutu umuwika. Neye yaamwanga hashi heswe, yaalulikila shimbu kanda, miaka ya kutwama cho ni ngiza ja yifuchi muze maakatwama.

Efesu 1:10

Manyonga wano Zambi makaamanununa muze tangwa hiliaheta ha kubalakenya yeswe yize yili mwilu ni yize yili hano hashi mu chiyulo cha Mwene umuwika, iye Kristu.

Shimbi 29:29

“Kuli yimwe yuma yize Mwene Zambi anasweke; alioze hanasolola Shimbi jenyi, hanga yetu ni vungu lietu tujononokene ndoo ku miaka yeswe.”

1 Timoteu 6:15

Zambi wika, mukwa kuyula, mukwa kuwaha, Mwanangana wa mianangana, Mwene wa ene, mwenawo makamusolola.

2 Timoteu 3:1

Chakutamba kunyingika chino ngwe, ha matangwa akusula lamba linji mulikabwa ko.