Yilinga 1:6 - Mukanda Wa Zambi 1970

⁶ Kashika muze tunganda alikungulwile ni Yesu, yaamuhula ngwo: “Mwene, haliabwila muuhilwisa Wanangana kuli Aisraele, nyi?”

MUKANDA USANDU WA ZAMBI 1975

⁶ O kashika, muze akungamine, amuhulile ngwo, Mwene, haliapwila muhilwisa wanangana kuli A-Izalele, nyi?

Yilinga 1:6 Iomraidhean Croise

Ubutukilo 49:10

Lukanda wa wanangana kechi akatuka kuli Yuda, mbwechi ya mukwa kuyula keechi kayichiza ku vungu lienyi ndoo ni kuze mwenya yo makasoloka, yoze atu maakononokena.

Izaya 1:26

Mungukanwaha miata ni akwa kuyula ngwe waze nwabwile no ku shakulu. Mba Yerusaleme maakamuvuluka ngwo: ‘Limbo lia ululi kanda lia kushishika.’ ”

Jeremia 33:26

Ngwe chize nalingile, mungukakolesa Usendo wami ni vungu lia Yakoba ni lia kavumbi kami David. Mungukatongola umwe mutu wa ku vungu lia David ayule mavungu ja Abrahama, ni Isake, ni Yakoba. Mungukevwila atu jami keke ni kwawahisa nawa.”

Daniel 7:27

Chiyulo ni ndundo ya mawanangana eswe a hashi maakayihana kuli atu ja Zambi Chitunda. Chiyulo cha wanangana wo kuchichi kusula, akwa kuyula eswe a hashi kumaakaalingila ni kwoononokena.”

Hosea 3:4

Kulumbunuka ngwo, Aisraele matangwa anji maakabalika, maakahona mianangana ni akwa kuyula, chibwe milambu, hanji tumenga a mawe, chibwe mahamba, hanji ngombo.

Amose 9:11

Mwene Zambi kanambe ngwenyi: “Tangwa mulikeza muze mungukahilwisa wanangana wa David, uze uli ngwe zuwo lize habuzuka. Mungukalulika mambango jalio ni kujibemesa. Wanangana uze mungukaubemesa ni kuupwisa ngwe hatangu.

Mika 5:2

Mwene Zambi ngwenyi: “Yena Betleheme Efrata, uli mukepe kuhiana mukachi ka membo ja Yuda, alioze muli yena mungukatuhwisa umwe mukwa kuyula wa Aisraele. Kwalula cha akwa jiko lienyi chinayi ndoo ku shakulu.”

Zakaria 9:9

Yenu akwa Zione, wahililenu, wahililenu! Yenu akwa Yerusaleme kololokenu ni uwahililo! Talenu, mwanangana wenu kaneza kuli yenu! Mukwa kukumba wakangana, hindu mukwa kulikehesa, kanendela hali chimbulu, hali mwana yoze wasemukine kuli chimbulu.

Mateu 17:11

Yesu ngwenyi: “Chenacho, Eliya chamutamba kwiza hatangu ni kululika yuma yeswe.

Mateu 20:21

Yesu yamuhula ngwenyi: “Yika unazange?” Neye ngwenyi: “Tayiza kama hanga ana jami wano atwame umuwika ku chindume che, mukwo ku chimeso mu Wanangana we.”

Mateu 24:3

Shimbu Yesu machitwama ha mulundu wa Olive, tumbaji yaamukundama ku tenga nikwamba ngwo: “Twambulwile kama mwiji muka yize yeswe muyikabwa ko. Chilayi chika muchikalweza kwiza che ni songo lia mwakono?”

Marku 9:12

Yesu ngwenyi: “Chenacho, Eliya chamutamba kwiza hatangu ni kululika yuma yeswe. Alioze kuchi mba hichinasonewa mu Mukanda wa Zambi ngwo: ‘Mwana Mutu chamutamba kwivwa lamba linji, mamupwisa wamokomoko’?

Luka 17:20

Amwe Afariseu yaahula Yesu ngwo: “Wanangana wa Zambi shimbu lika muukeza?” Neye ngwenyi: “Wanangana wa Zambi kuushi kwiza ni yinyingi yakuulayila.

Luka 19:11

Yesu yaatela chishima waze te anabanjika maliji wano, mumu wabwile hakamwihi ni Yerusaleme, ni atu yaanyonga ngwo, Wanangana wa Zambi himuusoloka shimbu lizeliene.

Luka 22:29

Ngwe Tata hanangusela Wanangana, chimuwika nawa ngunanusela Wanangana.

Yoano 21:21

Petulu yamumona, yahula Yesu ngwenyi: “Mwene, mba kuchi hali yono?”