Yilinga 1:4 - Mukanda Wa Zambi 1970

⁴ Muze haalikungulula, yaaha koki ngwenyi: “Kanda nukatuka mu Yerusaleme, alioze twaminyinenu chawana chize Tata alakenyene, chize nanulwezele.

MUKANDA USANDU WA ZAMBI 1975

⁴ Iye, nikukunguluka hamwe no, waahele koki ngwenyi, Kanda nukakatuka ku Yerusaleme, alioze nukatwaminyine chilakenyo cha mwe Tata, chize ngwenyi, Nwevwile kuli yami:

Yilinga 1:4 Iomraidhean Croise

Kwalula 9:22

Heswaho te lelwa liakumana hanji matangwa aali, hanji kakweji umuwika, hanji mwaka umuwika, hanji mwaka ni Chipinji, ha shimbu lize te lelwa liakumana ha zuwo lia Zambi, te keeshi kukatuka ho. Alioze muze te liakuzunduka, no maakatuka.

Mateu 10:20

Maliji waze hi a yenwene ko, alioze Mwiku wa Tatenu muukahanjika muli yenu.

Luka 11:13

Nyi yenu abi nunanyingika kwaha ana jenu yuma yibema, kuhiana chikolo Tatenu wa mwilu maha waze maamwita Mwiku wa Linanga.”

Luka 12:12

Mumu Mwiku wa Linanga muukanusongwela ha ola yizeyene chize chanutamba kwamba.”

Luka 24:49

Mungukanutumina yami mwene chawana chize Tata hanalakenya. Alioze chanutamba kushimbwila ku limbo ndoo ndundo ja mwilu mujinuhulumukina.”

Yoano 14:16

Mungukaliumba kuli Tata hanga anwehe Chikwashi mukwo, hanga akabwe hamwe ni yenu miaka yeswe, we Mwiku wamwenemwene.

Yoano 15:26

“Chikwashi makeza, Mwiku wamenemwene, yoze unakatuka kuli Tata. Mungukanutumina yo wa kuli Tata. Makashindakenya hali yami.

Yoano 20:22

Muze te hamba maliji wano, yaahwimina mwiku ngwenyi: “Tambulenu Mwiku wa Linanga.

Yoano 7:39

(Yachamba hakutwala ku Mwiku wa Linanga uze akwa kufuliela maakatambula. Alioze shimbu lize Mwiku te kanda uchiza, mumu Yesu kanda achinjila mu uhenya wenyi.)

Yilinga 10:41

hi kuli Ayuda eswe ko, alioze kuli yetu waze Zambi atongwele hatangu ngwe yela. Twalile, twanwine hamwe nenyi muze te hahinduka ku kufwa.

Yilinga 2:33

Zambi hanamuzundula, hanamuse ku kwoko lienyi lia chindume. Ni Yesu hanatambula kuli Tata, Mwiku wa Linanga uze alakenyene, hanatumwangina wo. Yuma yize nunevu ni yize nunamono yili yitanga ya Mwiku uze.