Yilinga 1:3 - Mukanda Wa Zambi 1970

³ Kulutwe lia kufwa chenyi, yaasolokela ni mwono ni yinyingi yinji matangwa makumi awana. Yaalongesa yikuma ya Wanangana wa Zambi.

MUKANDA USANDU WA ZAMBI 1975

³ kuli ayo nawa, walisolwele ni mwono ni yinyingi yinji, kulutwe lia lamba lienyi, nikumoneka kuli ayo makumi awana a matangwa, nikuhanjika yuma ya kutwala ku wanangana wa Zambi.

Yilinga 1:3 Iomraidhean Croise

1 Yitanga Ya Mianangana 19:8

Eliya yahinduka, yalia, yanwa. Mba ku tachi ja yakulia yize, yenda matangwa makumi awana ndoo yaheta ku Sinai we mulundu wa Zambi.

Mateu 21:43

“Kashika, ngwami, Zambi makanuchiza Wanangana wenyi ni kuuhana kuli atu waze maakema mihuko yawo. [

Mateu 28:9

Susumuku Yesu yatakana no, yamba ngwenyi: “Mwoyo wenu.” No yaamukundama, yaamukwata ku molu, yaamuwayila.

Mateu 3:2

“Alumukenu ku mbunge, mumu Wanangana wa mwilu hiwakundama.”

Mateu 4:2

Muze matangwa makumi awana haabalika Yesu kalile nichimwe, yevwa zala.

Marku 16:19

Muze Mwene Yesu hahanjika maliji wano, Zambi yamutambula mwilu, yatwama ku chindume cha Zambi.

Yoano 20:26

Lumingu umuwika kulutwe, tumbaji twa Yesu yaalikungulula nawa mu zuwo. Tomase yabwa hamwe no. Yajilo te yakukasa ni sapi. Alioze Yesu yeza, yamana mukachi ko, yamba ngwenyi: “Uhwimino kuli yenu!”

Yoano 21:1

Kulutwe lia yuma yino, Yesu yasolokela nawa tumbaji twenyi ku mbumbulu ya chitende cha Tiberiade. Yalisolola ngwe chino.

Yoano 21:14

Chino che chisuho cha muchitatu Yesu asolokelele tumbaji twenyi, chize kuze ahindukile ku kufwa.

Yilinga 13:31

Yesu yalisolola matangwa anji ku meso ja waze te akwenda nenyi, chize ku Galilea ndoo ku Yerusaleme. Enoo e yela jenyi kuli Aisraele.

Yilinga 19:8

Paulu yanjila mu zuwo lia kuwayila lia Ayuda. Ha shimbu lia tukweji atatu yahanjika ni hamu, yeseka kwakununa hakutwala ku Wanangana wa Zambi.

Yilinga 28:23

No yaatongola tangwa lia kuhanjika ni Paulu. Mba mbunga yinene yeezaza ni kumunangisa ku zuwo lize te atwama. Chize ku chichamene ndoo ku chingoloshi Paulu yaalumbunwina nikushindakenya hakutwala ku Wanangana wa Zambi, yeeseka kwakununa ha chikuma cha Yesu. E maliji waze alongesele te a mu mukanda wa Shimbi ja Mose ni mu mikanda ya akwa munanyi a Zambi.

Yilinga 28:31

yambujola Wanangana wa Zambi nikulongesa yikuma yakutwala kuli Mwene Yesu Kristu ni hamu heswe. Kukwabwile chikwiko nichimwe.

Yilinga 8:12

Alioze muze malunga ni mapwo haafuliela Sango Jibema jize alongesele Filipe, yaapapachisa. Te kanalongesa hakutwala ku Wanangana wa Zambi ni jina lia Yesu Kristu.

A-ROMA 14:17

Mumu Wanangana wa Zambi hi chikuma cha kulia ni kunwa ko, alioze cha ululi, ni uhwimino, ni uwahililo uze akuhana Mwiku wa Linanga.

Shimbi 9:18

Hohene yingufulamana nawa ku meso ja Mwene Zambi matangwa makumi awana, chalile, ni chanwine Chuma nichimwe. Nalingile chino mumu yenu nwavulumwine Mwene Zambi, nwamuvwishile ufwatulo.

Shimbi 9:9

Yami yingukanduka ha mulundu ni kutambula mawe haze Zambi asonekene maliji a Usendo uze akolesele ni yenu. Yingutwama ko matangwa makumi awana, chalile chibwe chanwine ko Chuma nichimwe.

Kolosu 1:13

Mwenawo hanatupulula ku tachi ja milima, hanatututulwila mu Wanangana wa Mwanenyi wa zango.

1 Tesalonika 2:12

Twanutakamishine, twanulembejekele, twaliumbile kuli yenu hanga nubwe ni ndako yibema ngwe chize azangile Zambi. Mwenawo wanutambikile ha kubwa ni Chihanda mu Wanangana wenyi ni kamwe ka uhenya wenyi.

1 Yoano 1:1

Tunanusonekena hakutwala ku liji lia mwono, lize liabwile chize ku Ubutukilo wa yuma yeswe. Yitulivwa, yitulimona ni meso jetu, yitulitala, yitulivwavwata.