Yilinga 1:26 - Mukanda Wa Zambi 1970

²⁶ Mba yaata chela. Yichiholokela hali Mataya. Mwenawo alwile hamwe ni tunganda twa Yesu kumi ni kashi.

MUKANDA USANDU WA ZAMBI 1975

²⁶ Mba atele chela hali ayo; ni chela chaholokelele hali Mataya; o amwalwile hamwe ni apostolo kumi ni kashi.

Yilinga 1:26 Iomraidhean Croise

1 Sango Ja Mianangana 24:5

Yaateta milimo ya jiko ni jiko ni kuta chela, mumu yimubwa tuvumbi twa ku zuwo lia Zambi ni akwa lutwe ja uwayilo mu mavungu eswe aali, lia Eleazare ni lia Itamare.

Nehemia 10:34

Yetu eswe, ni mahako, ni Alevi, mutubwa nikuta chela mwaka ha mwaka tunyingike jimo lika maakaneha kunyi ja milambu ya kwocha kuli Mwene Zambi, Zambi yetu, nikulita ni mukanda wa Shimbi.

Nehemia 11:1

Miata te haatunga mu limbo lia Yerusaleme. Atu akwo yaata yela, yaatongola jiko limuwika mukachi ka majiko kumi waze maatunga mu Yerusaleme mu limbo lia Zambi, alioze atu akwo maatunga mu membo ni mu yihunda yikwo.

Yishima 16:22

Malinjekela kaali ngwe shima lia meya a mwono kuli mukwa mana, alioze kweseka kufumba yihepuke chili kutokesa tangwa.

Yishima 16:33

Atu kaakuta chela anyingike chize Zambi anazange, alioze Zambi iye mwene kaakubatula chize maakumbulula.

Alevi 16:8

Arone akata chela ha kusakula pembe aali, umuwika wa Mwene Zambi ni mukwo wa chikose.

Yona 1:7

Akwa ulungu yaalihanjikisa ngwo: “Tala, tutenu chela hanga tumone yoze unatukokela mulonga uno ni kutunjisa mu utoji.” Yaalinga Chenacho, yaatongola Yona.

Marku 6:30

Tunganda yaahiluka, yaakunguluka kuli Yesu, yaamwambulwila yize yeswe alingile ni yize alongesele.

Yilinga 1:23

No yaakatwisa atu aali: Josefe, yoze te akuvuluka ngwo, Barsaba (jina likwo Justu), ni mutu mukwo Mataya.

Yilinga 13:19

yonona mavungu shimbiali mu chifuchi cha Kanana, yakunjika chifuchi cho kuli atu jenyi ngwe chihinga,

Yilinga 2:14

Mba Petulu yakatuka hamwe ni tumbaji akwo kumi ni kashi, yakololoka ngwenyi: “Akwetu Ayuda, ni yenu eswe waze nwatwama mu Yerusaleme, achivwenu, ngubanjikenu.

Yoshua 14:2

Ngwe chize Mwene Zambi alwezele Mose, yaachitetela mavungu livwa ni mbunga yimuwika ya vungu lia Manase, nikulita ni kuta cha chela.

Yoshua 18:10

Yoshua yata chela, yaahulila kuli Mwene Zambi, mba vungu ni vungu lia Aisraele lize liasalile, yaaha chihinga cho cha chifuchi.

Usolwelo 21:14

Chipanga cha limbo lize yichitungiwa ha mawe kumi ni aali. Ha mawe waze yihasonewa majina kumi ni aali a tunganda twa Mwana Panga.