Yilinga 1:25 - Mukanda Wa Zambi 1970

²⁵ hanga asalakane Yudase mu milimo yino ya unganda, muhela uze Yudase ahichikile ha kuya kuma kwenyi mwene.”

MUKANDA USANDU WA ZAMBI 1975

²⁵ Hanga atambule chihanda cha uvumbiko uno ni upostolo, kuze alimbukilile Yundase, hanga akaye kuma kwenyi mwene.

Yilinga 1:25 Iomraidhean Croise

Miaso (Masamu) 109:7

Amubatwile kama ni kumuhisa; kulemba chenyi chalumuke milonga.

Mateu 25:41

“Hohene Mwanangana makambila waze ku chimeso ngwenyi: ‘Ngukatukenu, yenu hinunashingiwa! Yeenu ku kahia ka miaka yeswe, kaze alulikilile Sakwonga ni tunganda twenyi!

Mateu 25:46

Wano maakaya ku lamba lia miaka yeswe, alioze akwa ululi ku mwono wa miaka yeswe.”

Mateu 26:24

Mwana Mutu kumafwa ngwe hichinasonewa mu Mukanda wa Zambi, alioze lamba lienyi mutu yoze, kachi te kasemukine ko kwenyi!”

Yoano 13:27

Muze Yudase hatambula lupapa, hazehene Sakwonga yamunjila. Yesu yamwamba ngwenyi: “Chize unambe kulinga, Chilinge nikawashi!”

Yoano 17:12

Muze ngunakabwa hamwe no, ngunakaafunga mu chiyulo cha jina lie, jina lize wanguhele. Ngunakaafunga kanawa. Niumwe wa kuli ayo Watokele, shina yoze mukwa kutoka, hanga Mukanda wa Zambi umanunuke.

A-ROMA 1:5

Mu jina lia Yesu, Zambi hanangwehe vumbi ngukabwe kanganda ka Kristu, hanga ngukanehe atu a ku mavungu eswe akamufuliele ni kumwononokena.

1 Korintu 9:2

Chibwe amwe maanyonga ngwo, hi nguli kanganda ka Yesu ko, chamwenemwene yenu chanutamba kutayiza ngwenu, nguli kanganda ka Yesu. Yenwene, mu kuliendela chenu ni Mwene, nuli chinyingi chize chinalweze ngwo, nguli kanganda ka Yesu.

Galashia 2:8

Mumu Zambi yangupwisa kanganda kuli waze hi Ayuda ko, ngwe chize apwishile Petulu kanganda kuli Ayuda.