Yilinga 1:2 - Mukanda Wa Zambi 1970

² ndoo ku tangwa lize Zambi wamutambwile mwilu. Muze kanda achizezuka mwilu, ku tachi ja Mwiku wa Linanga, yaaha tumbaji waze atongwele Shimbi.

MUKANDA USANDU WA ZAMBI 1975

² ndo ku tangwa lize, amutambwile mwilu, muze te ku tachi ja Spiritu Musandu hahana shimbi kuli apostolo waze iye waatongwele:

Yilinga 1:2 Iomraidhean Croise

Izaya 42:1

Mwene Zambi kanambe ngwenyi: “Talenu kavumbi kami yoze ngunatakamisa yoze natongwele, yoze nakuwahilila nenyi. Hingunamuzalisa ni Mwiku wami, makakolesa atu hanga akaliendele ni ululi.

Izaya 48:16

“Haliabwila ngukundamenu, nubanjike chize ngunambe. Chize ku Ubutukilo nahanjikile mwazu, matangwa eswe maliji jami yaamanunuka.” (Haliabwila Mwene Zambi Mukwa Ndundo Jeswe hangwaha tachi jenyi, hangutuma.)

Izaya 61:1

Mwiku wa Mwene Zambi uli muli yami. Hananguwayisa mu kwambujolela yiswale sango jibema ni kuwuka waze ayiza yikola ya mbunge, ni kwambujola utuswilo kuli funge, ni kutusula waze ali mu zuwo lia lamba,

Mateu 12:28

Alioze, nyi ni tachi ja Mwiku wa Zambi nakutuhwisa najo mwiku wa luchisa, chinalumbunuka ngwo, Wanangana wa Zambi hiuneza kulu mukachi kenu.

Mateu 3:16

Muze Yoano hamupapachisa, Yesu yatutuka mu meya. Ha shimbu lizeliene mwilu yimwazulukila. Neye yamona Mwiku wa Zambi nikumuhulumukina ngwe liembe.

Marku 6:30

Tunganda yaahiluka, yaakunguluka kuli Yesu, yaamwambulwila yize yeswe alingile ni yize alongesele.

Luka 24:51

Shimbu te maachawahisa, yalihandununa no, yamuzundula kwilu.

Luka 9:51

Muze matangwa haakundama ha kutambula Yesu mwilu, yatalikisa ku Yerusaleme.

Yoano 1:16

Nikulita ni kulumbama cha utu wenyi, hanatuwahisa ni yiwape yeka ni yeka.

Yoano 13:1

Te hikwasala tangwa limuwika ni chiwanyino cha kwiwuluka Kubalika. Yesu yanyingika ngwenyi, ola yenyi hiyaheta yakukatuka hashi ni kuhiluka kuli Tato. Matangwa eswe yazanga atu jenyi waze te atwama hano hashi, yaazanga ndoo ku songo.

Yoano 13:18

“Chambile yenu eswe. Ngunanyingika waze natongwele. Alioze yuma yize yasonewene mu Mukanda wa Zambi chatamba kumanunuka. Ngwo: ‘Yoze wakulia mbolo hamwe ni yami, hangwalumukina.’

Yoano 13:3

Yesu yanyingika ngwenyi, Tato hanamwehe chiyulo cheswe, yanyingika ngwenyi, hanakatuka kuli Zambi ni mahiluka nawa kuli Zambi.

Yoano 16:28

Nakatukile kuli Tata, hinguneza hano hashi. Haliabwila, ngunakatuka hashi hano ha kuya kuli Tata.”

Yoano 17:13

Alioze haliabwila nguneza kuli yena. Chino hinamba hano hashi, hanga ayo abwe ni uwahililo wami, uwahililo Wahiana.

Yoano 20:17

Yesu yamwamba ngwenyi: “Kanda ungukwata, mumu kanda nguchizezuka kuli Tata. Alioze yako wambulwile akwetu ngwe: ‘Ngunazezuka kuli Tata kanda Tatenu, kuli Zambi yami kanda Zambi yenu.’ ”

Yoano 20:21

Yesu yaamba nawa ngwenyi: “Uhwimino kuli yenu! Ngwe chize Tata wangutumine ni yami nawa ngunanutumu.”

Yoano 3:34

Yoze atumine Zambi kakuhanjika maliji a Zambi, mumu Zambi keshi kuhana Mwiku wenyi ni njongo.

Yoano 6:62

Mba kuchi munukanyonga muze munukamona Mwana Mutu ni kuzezuka kuze abwile hatangu?

Yoano 6:70

Yesu ngwenyi: “Nanutongwele kumi ni aali, nyi? Alioze umuwika mukachi kenu kali wa Sakwonga!”

Yilinga 1:11

Yaamba ngwo: “Yenu malunga a ku Galilea, yika nunamanyina hano ni kuhulikila meso kwilu? Yono Yesu, hanutambula yo mwilu, makahiluka nawa chizechene ngwe hinwamumona nikuya mwilu.”

Yilinga 1:13

Muze te haaheta mu limbo, yaanjila mu limwe zuwo, yaakanduka ku chibatulo cha kwilu, kwenako atwamine. Wano e abwile ko: Petulu, ni Yoano, ni Tiangu (Jake), ni Andre, ni Filipe, ni Toma, ni Bartolomeu, ni Mateu, ni Tiangu (Jake), mwana wa Alfeu, ni Simone, mukwa kuzanga utuswilo wa chifuchi chenyi, ni Yudase, mwana wa Tiangu (Jake).

Yilinga 1:9

Muze te hamba maliji wano, shimbu maachimutala, Zambi yamutambula mwilu, mba lelwa yilimusweka ku meso jo.

Yilinga 10:38

Ngwami, yikuma ya Yesu wa ku Nazare, ngwe chize Zambi hanamuwayisa ni Mwiku wa Linanga ni tachi. Yesu hanendangana kweswe ni kulinga yibema, ni kuwuka eswe waze amwesene lamba kuli Sakwonga, Yesu yabwa ni tachi ja kuchilinga mumu te Zambi kali hamwe nenyi.

Galashia 1:1

Yami, Paulu, ngunanusonekena mukanda uno. Yesu Kristu ni Tata Zambi, yoze wamuhindwishile ku kufwa, hanangupwisa kanganda. Hi atu ko angupwishile kanganda, chibwe hi nguli kanganda ko wa kutongola cha mutu.

Efesu 2:20

Ni yenu nawa, nuli ngwe zuwo liakutunga ha fundamentu yize asele tunganda twa Kristu ni akwa munanyi a Zambi. Liwe lia ha mbango lia fundamentu lili Kristu Yesu iye mwene.

1 Timoteu 3:16

Niumwe kahashile kulituna unene wa chijimbikilo cha ufulielo wetu! Yasoloka mu mujimba wa uutu, Mwiku wa Linanga yiumusambisa, Tunganda a mwilu yaamumona. Yaamwambujola hakachi ka waze hi Ayuda ko, Yaamufuliela hano hashi, Yaamutambula mwilu mu uhenya.

Hebreu 9:24

Mumu Kristu kanjilile ko Muma mwa Chijila Kuhiana mwakutunga ni moko ja atu, muma muze muli lume chizulie cha umwenemwene. Alioze yanjila lume mwe mwilu, muze akusoloka ku meso ja Zambi ha kutuhakwila.

1 Petulu 3:22

Yesu Kristu hanazezuke mwilu, hanayi ni kutwama ku chindume cha Zambi. Kwenako akuyula tunganda a mwilu, ni akwa kuyula, ni akwa tachi akwo a mwilu.

2 Petulu 3:2

Ngunazange nwiwuluke maliji waze anulongesele ha shakulu kuli akwa munanyi a kulinanga, nawa Shimbi ja Mwene kanda Chilamwina jize anulongesele tunganda twenu.

Usolwelo 1:1

Mukanda uno unalumbununa yuma yize Yesu Kristu angusolwelele yami Yoano. Zambi yayilweza Yesu hanga alweze tuvumbi twenyi yuma yize muyikeza kulutwe ha shimbu likepe. Kristu yatuma kanganda kenyi ha kungunyingikisa yo.

Usolwelo 2:11

“Yoze uli ni matwi, evwe yize Mwiku wa Linanga unambila Yikungulwila! “Yoze makumba kechi kafwa nawa ku kufwa cha muchaali.”

Usolwelo 2:17

“Yoze uli ni matwi, evwe yuma yize Mwiku wa Linanga unambila Yikungulwila. “Yoze makumba, mungukamulisa mana, yakulia yize Zambi ahengekele. Mutu mweswe hakachi ko, mungukamwaha liwe litoma, ni ha liwe jina liaha linasonewa, alioze mutu niumwe manyingika jina lize, shina yoze makalitambula.”

Usolwelo 2:29

“Yoze uli ni matwi, evwe chize Mwiku wa Linanga unambila Yikungulwila.”

Usolwelo 2:7

“Yoze uli ni matwi, evwe chize Mwiku wa Linanga unambila Yikungulwila! “Kuli yoze makakumba mungumutayiza ha kulia mihuko ya mutondo wa mwono uze uli mu chipanga cha Zambi.”

Usolwelo 21:14

Chipanga cha limbo lize yichitungiwa ha mawe kumi ni aali. Ha mawe waze yihasonewa majina kumi ni aali a tunganda twa Mwana Panga.

Usolwelo 3:13

“Yoze uli ni matwi, evwe chize Mwiku wa Linanga unambila Yikungulwila!”

Usolwelo 3:16

Alioze mumu unasaluka, kuushi kahia chibwe kukekema, kashika mungukuhalula mu kanwa liami!

Usolwelo 3:22

“Yoze uli ni matwi, evwe chize Mwiku wa Linanga unambila Yikungulwila!”