Yilinga 1:16 - Mukanda Wa Zambi 1970

¹⁶ “Akwetu, chinalite chize maliji akamanunuke, waze Mukanda wa Zambi wambile shimbu kanda hakutwala kuli Yudase. Liji lize Mwiku wa Linanga wahanjikile kuli David, hakutwala kuli Yudase, kasongo ka waze ashihile Yesu.

MUKANDA USANDU WA ZAMBI 1975

¹⁶ Mandumbu, chinatambe chisoneko chikamanunuke, chize ahanjikile Spiritu Musandu Shimbu-kanda, ku kanwa lia David, ha kutwala kuli Yundase, yoze wapwile kasongo kuli waze akwachile Yesu.

Yilinga 1:16 Iomraidhean Croise

2 Samuel 23:2

Mwiku wa Mwene Zambi wakuhanjika muli yami. Maliji jenyi kaali mu kanwa liami.

1 MIANANGANA 15:12

Chenacho chamanunukine chilakenyo cha Mwene Zambi kuli Jehu ngwenyi: “Vungu lie, maakabwa mianangana mu Israele ndoo ku Chisemuko cha muchiwana.”

Miaso (Masamu) 41:9

Chibwe sepa liami yoze te nakusa mbunge, yoze te nakulia nenyi, neye hangwalumukina.

Mateu 26:14

Hohene umwe wa kuli tumbaji kumi ni aali, jina lienyi Yudase Kakeriote, yaya kuli mahako a lutwe a Zambi,

Mateu 26:47

Shimbu te Yesu machihanjika, Yudase, umwe wa kuli tumbaji kumi ni aali, yaheta hamwe ni mbunga yinene, te anambata mikwale ni kanda. Mahako a lutwe a Zambi ni makulwana ja Ayuda aatumine.

Mateu 26:54

Alioze, nyi chocho, ngwe kuchi Mukanda wa Zambi muumanunuka uze unambe ngwo, chatamba kubwa ngwe chino?”

Mateu 26:56

Alioze yino yeswe hiyabwa hanga yikamanunune maliji ja akwa munanyi waze asonekene mu Mukanda wa Zambi.” Shimbu lizeliene, tumbaji eswe yaamwehuka, yaachina kwo.

Marku 12:36

Mumu David iye mwene hanahanjika ni tachi ja Mwiku wa Linanga ngwenyi: ‘Mwene Zambi hanambila Mwene wami ngwenyi: Twama ku chindume chami ndoo mungukasa akwa kole je kushi lia molu je.’

Marku 14:43

Shimbu te Yesu machihanjika, Yudase, umwe wa kuli tumbaji kumi ni aali, yaheta hamwe ni mbunga yinene, te anambata mikwale ni kanda. Mahako a lutwe a Zambi, ni alongeshi a Shimbi, ni makulwana ja Ayuda aatumine.

Luka 22:47

Shimbu te Yesu machihanjika, mbunga yaaheta. Yudase, umwe wa kuli tumbaji kumi ni aali, yaatwala, yakundama kuli Yesu mu kumumbeja.

Yoano 10:35

Tunanyingika ngwetu, yuma yize Mukanda wa Zambi unambe yakulinduluka matangwa eswe, ni Zambi hanavuluka atu waze ahanyine liji lienyi ngwenyi: ‘mazambi’.

Yoano 13:18

“Chambile yenu eswe. Ngunanyingika waze natongwele. Alioze yuma yize yasonewene mu Mukanda wa Zambi chatamba kumanunuka. Ngwo: ‘Yoze wakulia mbolo hamwe ni yami, hangwalumukina.’

Yoano 17:12

Muze ngunakabwa hamwe no, ngunakaafunga mu chiyulo cha jina lie, jina lize wanguhele. Ngunakaafunga kanawa. Niumwe wa kuli ayo Watokele, shina yoze mukwa kutoka, hanga Mukanda wa Zambi umanunuke.

Yoano 19:36

Yino yabwile hanga Chisoneko cha mu Mukanda wa Zambi chikamanunuke ngwo: “Keechi kamakuna chifwaha chenyi nichimwe.”

Yilinga 1:20

“Mumu hichinasonewa mu Mukanda wa Miaso (Masamu) ngwo: “Zuwo lienyi akalihichike, mutu niumwe kanda akatwama mo.’ Hichinasonewa nawa ngwo: ‘Mukwo akatambule milimo yenyi.’

Yilinga 13:15

Muze te haatanga mikanda ya Shimbi ni ya akwa munanyi ja Zambi, akwa lutwe ja zuwo lia kuwayila yaatumina liji ngwo: “Akwetu, nyi nuli ni maliji a kutakamisa no atu, ahanjikenu.”

Yilinga 13:38

Akwetu, chinyingikenu ngwenu, mumu ha yize alingile Yesu, tunanwambulwila ukonekeno wa milonga. Mweswawo mafuliela matusuka ku shili yeswe ku yize Shimbi ja Mose kujahashile kunutusula.

Yilinga 15:13

Muze haalitwamina kuhanjika, Tiangu (Jake) yakumbulula ngwenyi: “Akwetu ngwivwenu.

Yilinga 15:7

Muze haalihamika shimbu lisuku, Petulu yakatuka, yaamba ngwenyi: “Akwetu, nunanyingika kanawa ngwenu, hasuku Zambi hanangutongola mukachi kenu, hanga waze hi Ayuda ko akevwe Sango Jibema kuli yami, akajifuliele.

Yilinga 2:23

Zambi, mu upale wenyi ni chinyingi chenyi, hanabatula kulu kunukunjika Yesu. Nwamushihile muze nwatayijile yivulumunyi amuhate ha kulusu.

Yilinga 2:37

Muze atu haachivwa, yaalibikala mu mbunge, yaahula Petulu ni tunganda twa Yesu ngwo: “Akwetu, kuchi kevwe mutulinga?”

Yilinga 22:1

“Akwetu ni atata, ivwenu haliabwila kulisambisa chami ku meso jenu.”

Yilinga 23:1

Paulu yahulikila meso ku Mbunga ya Ngaji ja Ayuda, yamba ngwenyi: “Akwetu, manyonga jami keeshi kunguhisa ku meso ja Zambi hakutwala ku mwono wami ndoo ku tangwa lino.”

Yilinga 23:6

Paulu, muze hamona Chihanda cha Asaduseu ni Chihanda cha Afariseu, yakololoka ni liji linene mukachi ka mbunga ngwenyi: “Akwetu, yami nguli Kafariseu, mwana Kafariseu. Nguli kuno ku usopelo mumu ngunase ko mbunge ngwami, afu kumaakahinduka nawa.”

Yilinga 28:17

Muze matangwa atatu haabalika, Paulu yatambika akwa lutwe ja Ayuda. Muze haalikungulula, yaamba ngwenyi: “Akwetu, chalingile chibi nichimwe kuli usoko wetu Ayuda, hanji hakutwala ku ndako ja tushakulu twetu. Hindu yaangukwata ku Yerusaleme, yaangukunjika kuli Aroma.

Yilinga 28:25

Muze kaalivwile ko, yaakatuka. Mba Paulu yamba liji lino ngwenyi: “Kanawa Mwiku wa Linanga wahanjikile kuli tushakulu twenu kuli Izaya, mukwa munanyi wa Zambi,

Yilinga 7:2

Neye yakumbulula ngwenyi: “Akwetu ni atata, achivwenu! Zambi ya uhenya waswekelele kashakulu ketu Abrahama muze atwamine mu chifuchi cha Mesopotamia, shimbu te kanda achiza ni kutwama mu limbo lia Harane.

1 Petulu 1:11

Mwiku wa Kristu, uze wabwile muli ayo, te wakwanyingikisa ngwo, Kristu makamona lamba hatangu, mba kulutwe makabwa ni uhenya. Te kaakuhengula hanga anyingike tangwa lika yuma yize muyikabwa ni ngwe kuchi muyikabwa ko.

2 Petulu 1:21

Mumu liji lia munanyi nilimwe liejile ku upale wa mutu iye mwene, alioze Mwiku wa Linanga yiushinjeka atu kuhanjika liji lize ambile Zambi.

2 Petulu 2:21

Te chibema kachi kaanyingikine jila ya ululi, alioze hi chibema ko kuyinyingika hatangu mba kwehuka nawa Shimbi ja kulinanga jize aalongesele.