Yilinga 1:14 - Mukanda Wa Zambi 1970

¹⁴ Wano eswe hamwe ni Maria, naye ya Yesu, ni mapwo akwo, ni anakwo ja Yesu yaanyongonona nikuwayila Zambi ni mbunge yimuwika.

MUKANDA USANDU WA ZAMBI 1975

¹⁴ Wano eswe anyongonwene ni mbunge yimuwika ni kulemba ni kuliumba, hamwe ni mapwo, ni Maria, naye ya Yesu, ni hamwe ni anakwo.

Yilinga 1:14 Iomraidhean Croise

Mateu 12:46

Shimbu te Yesu machihanjika ni mbunga, kuma naye ni anakwo yaaheta, yaamana haze, yaafupa kuhanjika nenyi.

Mateu 21:22

Nyi munufuliela, munukatambula yeswe yize munwita ha kulemba.”

Mateu 27:55

Mapwo anji yaamana kusuku nikutala. Enoo akatukile ku chifuchi cha Galilea, te kaakukaula Yesu ni kumukwasa.

Marku 15:40

Amwe mapwo, te kaanamana kusuku ni kutala. Hakachi ko te haali Maria Kamandala, ni Salome, ni Maria naye ya Josefe ni Tiangu (Jake) mukweze.

Marku 16:1

Muze te tangwa lia kuhwima hiliabalika, Maria Kamandala, ni Salome, ni Maria naye ya Tiangu (Jake) yaalanda maji a vumba libema, hanga akaye akawayise mujimba wa Yesu.

Luka 11:13

Nyi yenu abi nunanyingika kwaha ana jenu yuma yibema, kuhiana chikolo Tatenu wa mwilu maha waze maamwita Mwiku wa Linanga.”

Luka 18:1

Yesu yaatela chishima chino ha kwalweza ngwenyi: chaatamba kulemba matangwa eswe, kanda ahonga.

Luka 23:49

Masepa ja Yesu eswe, ni mapwo waze te akumukaula chize ku Galilea yaamana kusuku, yaamona yize yeswe.

Luka 23:55

Mapwo waze akawile Yesu chize ku chifuchi cha Galilea, yeeza hamwe ni Josefe ni kutala fuka, yaamona chize afunjile Yesu.

Luka 24:10

Mapwo waze majina jo: Maria Kamandala, ni Yoana, ni Maria naye ya Tiangu (Jake). Wano hamwe ni mapwo akwo yaambulwila tunganda twa Yesu.

Luka 24:33

No yaakatuka hazehene, yaahiluka ku Yerusaleme, yaawana kumi ni kashi kaanalikungulula hamwe ni akwo,

Luka 24:53

Matangwa eswe yaabwabwa mu zuwo lia Zambi ni kuchichimieka Zambi.

Luka 8:20

Yaachambulwila Yesu: “Ngwowe, noko ni anakwenu kaanamana haze. Kaanazange kukumona.”

Yilinga 2:1

Muze tangwa lia chiwanyino cha Pentekoste hiliaheta, ayo eswe yaabwa hamuwika, muma mumuwika.

Yilinga 2:42

Yaalihanahana ha kwivwa longeso lia tunganda twa Yesu, ni kuliendela, ni kulia hamuwika, ni kulemba.

Yilinga 2:46

Tangwa ha tangwa yaalikungulula mu zuwo lia Zambi lia Ayuda, yaalia yakulia yo hamuwika mu mazuwo jo ni kutuwika cha mbunge,

Yilinga 6:4

Alioze yetu mutunyongonona mu kulemba ni kulongesa liji lia Zambi.”

A-ROMA 12:12

Wahililenu mumu ha yuma yize nwakusa mbunge, lihumikizenu mu lamba, nyongononenu mu kulemba.

1 Korintu 14:13

Kashika, yoze unahanjika maliji waze atu kaanyingikine, alembe Zambi anwehe chawana cha ulumbunwiso wa maliji waze.

Efesu 6:18

Lembenu matangwa eswe ni kuliumba kuli Zambi. Lembenu hakutwala ku yuma yeswe, nikulita ni kusongwela cha Mwiku wa Linanga. Ha chikuma chino, laulenu, nyongononenu. Lembelenu akwa Kristu eswe.

Kolosu 4:2

Lembenu ni kunyongonona, ni kulayilila mu yilemba, ni kusakwilila Zambi.