Yilinga 1:13 - Mukanda Wa Zambi 1970

¹³ Muze te haaheta mu limbo, yaanjila mu limwe zuwo, yaakanduka ku chibatulo cha kwilu, kwenako atwamine. Wano e abwile ko: Petulu, ni Yoano, ni Tiangu (Jake), ni Andre, ni Filipe, ni Toma, ni Bartolomeu, ni Mateu, ni Tiangu (Jake), mwana wa Alfeu, ni Simone, mukwa kuzanga utuswilo wa chifuchi chenyi, ni Yudase, mwana wa Tiangu (Jake).

MUKANDA USANDU WA ZAMBI 1975

¹³ Muze te hanjila mu zuwo, akandukile ku chipatulo cha kwilu, muze atwamine; ni Petulu ni Tiangu, ni Yoano ni Andeleu, ni Fwilipe ni Tomase, ni Mbatolomeu ni Mateu, ni Tiangu, mwana Alfweu, ni Semone Zelote, ni Yundase, mwanakwo wa Tiangu.

Yilinga 1:13 Iomraidhean Croise

Mateu 9:9

Yesu yakatuka ko. Muze te anabalika, yamona Mateu, te kanatwama mu zuwo lia kulambwishila lijimu. Yesu yamwamba ngwenyi: “Ngukaule.” Mateu yakatuka, yamukaula.

Marku 14:15

Neye manulweza zuwo lia kwilu, chibatulo chinene hichinalulikiwa, ni yuma yeswe yinasu mo. Mwenamo munutululikila yakulia.”

Marku 14:33

Mba yaya ni Petulu, ni Tiangu (Jake), ni Yoano, yabutuka kwivwa chinyengo chinji ni kulema mu mbunge,

Marku 2:14

Muze te anendangana yamona Levi, mwana wa Alfeu, te kanatwama mu zuwo lia kulambwishila lijimu. Yesu yamwamba ngwenyi: “Ngukaule.” Levi yakatuka, yamukaula.

Marku 5:37

Yesu katayijile mutu niumwe kuya nenyi, shina Petulu, ni Tiangu (Jake), ni mwanakwo Yoano.

Marku 9:2

Muze matangwa asambano haabalika, Yesu yatwala hamwe nenyi Petulu, ni Tiangu (Jake), ni Yoano. Yaakandwisa ha mulundu usuku, haze yabwa ukawo. Kwenako kusoloka chenyi yichalumuka.

Luka 22:12

Neye manulweza zuwo lia kwilu, chibatulo chinene ni yuma yeswe yinasu mo. Mwenamo munutululikila yakulia.”

Yoano 11:16

Mba Tomase (yoze akuvuluka ngwo mwana wa pasa) yambila tumbaji akwo ngwenyi: “Ni yetu nawa, tuyenu ko, tukafwe hamwe ni Longeshi.”

Yoano 14:22

Yudase (hi Kakeriote ko) yamuhula ngwenyi: “Mwene, kuchi muulisolola kuli yetu, alioze hi kuli akwa hashi ko?”

Yoano 18:17

Mwana pwo, mukwa kufunga chikolo, yahula Petulu ngwenyi: “Ni yena uli kambaji ka mutu yoze, nyi?” Petulu ngwenyi: “Ahaa! Ka kwami.”

Yoano 21:2

Simone Petulu, ni Tomase (yoze akuvuluka ngwo, Pasa), ni Natanele (wa ku Kana mu chifuchi cha Galilea), ni ana malunga aali a Zebedeu, ni tumbaji aali akwo a Yesu, enoo eswe yaabwa hamuwika.

Yilinga 12:17

Petulu yaaholesa ni kwoko, yaalumbunwina ngwe chize Mwene wamutuhwishile mu zuwo lia lamba. Yamba nawa ngwenyi: “Chambulwilenu Tiangu (Jake) ni akwetu akwo.” Mba yakatuka, yaya kweka.

Yilinga 15:13

Muze haalitwamina kuhanjika, Tiangu (Jake) yakumbulula ngwenyi: “Akwetu ngwivwenu.

Yilinga 2:14

Mba Petulu yakatuka hamwe ni tumbaji akwo kumi ni kashi, yakololoka ngwenyi: “Akwetu Ayuda, ni yenu eswe waze nwatwama mu Yerusaleme, achivwenu, ngubanjikenu.

Yilinga 2:38

Petulu ngwenyi: “Mutu ni mutu hakachi kenu alumuke ku mbunge, amupapachise mu jina lia Yesu Kristu ha ukonekeno wa milonga. Mba munutambula chawana cha Zambi, Mwiku wa Linanga.

Yilinga 20:8

Ndeya jinji jabwile mu chibatulo cha kwilu muze yetu twakungulukile.

Yilinga 4:13

Ha kumona hamu lia Petulu ni Yoano, akwa lutwe yaalishimwoka, mumu te kaananyingika ngwo, kaali atu waze kaajaminyine ha kulilongesa. No yaasa chinyingi ngwo, wano e abwile hamwe ni Yesu.

Yilinga 4:19

Alioze Petulu ni Yoano yaakumbulula ngwo: “Batulenu yenwene, nyi chinalite ku meso ja Zambi kwononokena atu kuhiana Zambi.

1 Korintu 15:7

Mwabwamuze, yasolokela Tiangu (Jake), mba tunganda twenyi eswe.

Galashia 1:19

Chamwene kanganda mukwo niumwe shina Tiangu (Jake) wika, mwanakwo wa Mwene Yesu.

Galashia 2:9

Tiangu (Jake), ni Petulu, ni Yoano, waze abwile ngwe akwa lutwe, yaanyingika ngwo, Zambi hanangutayiza milimo yino. Kashika, yaatwaha, Barnaba ni yami moko a chindume ha kulikunda. Ngwe akwa milimo ni akwo yitulitesa hamuwika ngwetu, yetu mutulinga hakachi ka waze hi Ayuda ko, ni ayo hakachi ka Ayuda.

Tiangu (Jake) 1:1

Yami, Tiangu (Jake), kavumbi ka Zambi ni ka Mwene Yesu Kristu, ngunanumeneka yenu eswe, yenu atu ja Zambi waze hinunamwangashana hashi heswe.

2 Yoano 1:1

Mama yoze atongwele Zambi ni ana jenyi, yami mukulwana wa Chikungulwila, ngunanusonekena: chamwenemwene nakunuzanga kuhiana. Hi yami wika ko nakunuzanga, alioze ni waze eswe ananyingika umwenemwene.

Yuda 1:1

Yami Yuda, kavumbi ka Yesu Kristu, kanda mwanakwo ya Tiangu (Jake). Ngunanumeneka, yenu waze Tata Zambi atongwele ni akuzanga, waze Yesu Kristu akufunga.