Yilinga 1:11 - Mukanda Wa Zambi 1970

¹¹ Yaamba ngwo: “Yenu malunga a ku Galilea, yika nunamanyina hano ni kuhulikila meso kwilu? Yono Yesu, hanutambula yo mwilu, makahiluka nawa chizechene ngwe hinwamumona nikuya mwilu.”

MUKANDA USANDU WA ZAMBI 1975

¹¹ aze nawa ambile ngwo, Malunga A-Ngalileya, kuchi te nunamana nikutala mwilu? Yono Yesu, hamuchiza kuli yenu amutambwile mwilu, chocho kumakeza chizechene ngwe hinwamumona nikuya mwilu.

Yilinga 1:11 Iomraidhean Croise

Mateu 16:27

Mumu Mwana Mutu makeza mu uhenya wa Tato hamwe ni tunganda twenyi a mwilu. Mba makalia mutu mweswe nikulita ni yitanga yenyi.

Mateu 16:28

Chamwenemwene ngunanwambulwila ngwami, amwe atu anamana hano keechi kafwa ndoo maakamona Mwana Mutu kaneza mwe Mwanangana.”

Mateu 24:30

Hohene chilayi cha mwe Mwana Mutu muchikasoloka kwilu. Mba mavungu eswe a hashi maakalila, maakamona Mwana Mutu kaneza ha malelwa ni ndundo jinji ni uhenya Wahiana.

Mateu 25:31

“Muze Mwana Mutu makeza mu uhenya wenyi, hamwe ni tunganda twenyi eswe a mwilu, makatwama ha chitwamo chenyi cha uhenya.

Marku 13:26

Hohene atu maakamona Mwana Mutu kaneza mu malelwa ni ndundo jinji ni uhenya Wahiana.

Marku 14:70

Alioze Petulu yalikala cho nawa. Shimbu likepe waze amanyine ko yaambila Petulu ngwo: “Chamwenemwene ni yena uli wa kuli ayo, mumu uli Kagalilea.”

Marku 16:19

Muze Mwene Yesu hahanjika maliji wano, Zambi yamutambula mwilu, yatwama ku chindume cha Zambi.

Luka 21:27

Hohene atu maakamona Mwana Mutu kaneza mu lelwa ni ndundo jinji ni uhenya Wahiana.

Luka 24:5

Mapwo waze yeevwa woma unji nikuhetama hashi. Malunga waze yaamba ngwo: “Kuchi mba nunafupu mukwa mwono mukachi ka afu?

Yoano 14:3

Muze hinanululikila muhela, mungukeza nawa. Mungukanwanda yami mwene, hanga ni yenu nukabwe kuze yami nguli.

Yilinga 1:2

ndoo ku tangwa lize Zambi wamutambwile mwilu. Muze kanda achizezuka mwilu, ku tachi ja Mwiku wa Linanga, yaaha tumbaji waze atongwele Shimbi.

Yilinga 1:9

Muze te hamba maliji wano, shimbu maachimutala, Zambi yamutambula mwilu, mba lelwa yilimusweka ku meso jo.

Yilinga 13:31

Yesu yalisolola matangwa anji ku meso ja waze te akwenda nenyi, chize ku Galilea ndoo ku Yerusaleme. Enoo e yela jenyi kuli Aisraele.

Yilinga 2:7

Yaatungumuka, yaalishimwoka kuhiana nikwamba ngwo: “Puu! Atu wano eswe anahanjika, hi akwa Galilea ko, nyi?

Yilinga 3:12

Ha kuchimona, Petulu yaamba ngwenyi: “Malunga Aisraele, kuchi nunatuhulikila meso ngwe ni tachi hanji ni kulinanga cha yetwene twamwendesanga?

Yilinga 3:21

Yesu makashimbula mwilu ndoo ni muze Zambi makalulika yuma yeswe, ngwe chize hanachambulula kuli akwa munanyi jenyi a kulinanga ku miaka yikulu.

1 Tesalonika 1:10

ni ha kushimbwila kuhulumuka cha Mwanenyi Yesu mwilu—Zambi wamuhindwishile ku kufwa. Mwe Yesu mwe unatupulula ku utenu wa Zambi uze muwiza ho.

1 Tesalonika 4:16

Mumu Mwene Yesu iye mwene makahulumuka ni kukololoka ni liji lia Shimbi, ni liji lia kanganda ka mwilu wa lutwe, ni liji lia chitavwi cha Zambi. Mba waze afwile kulu, te afuliela Yesu, maakalianga kuhinduka.

Hebreu 9:28

Chimuwika nawa, Kristu yalihana mulambu chisuho chimuwika ha kuchiza shili ya atu anji. Makasoloka kuli atu chisuho cha muchaali, hi kuchiza shili ya atu ko, alioze ha kulamwina waze akumushimbwila.

Usolwelo 1:7

Talenu, kaneza mu malelwa! Mutu mweswe makamumona, chibwe waze amutuwile. Mavungu eswe a hashi maakalila mbimbi mumu hali iye. Ewa, Chenacho muchikabwa!