Yilinga 1:10 - Mukanda Wa Zambi 1970

¹⁰ Shimbu maachihulikila meso kwilu nee, muze te Yesu anazezuka, susumuku malunga aali yaamana hehi no, te kaanazala mahina atoma.

MUKANDA USANDU WA ZAMBI 1975

¹⁰ Shimbu machihulikila meso mwilu, shimbu Mwene machiya, kumanyi, malunga aali amanyine hakamwihi no, ni mahina atoma ja mukambo;

Yilinga 1:10 Iomraidhean Croise

1 MIANANGANA 2:10

Eliya yakumbulula ngwenyi: “Chuma chikalu weta. Alioze muuchitambula nyi muungumona haze Zambi manguzezwila. Alioze nyi kuwangumwene, kuuchi kuchitambula.”

Daniel 7:9

Muze te ngunatale, yaasa yitwamo ya wanangana mu mihela yayo. Mba umwe, yoze wabwile ni mwono chize ku miaka yeswe, yatwama ha chimwe chitwamo. Mahina jenyi yaabwa atoma ngwe chiwe, kambu jenyi yiijibwa ngwe Wanda utoma. Chitwamo chenyi yichisoloka ngwe milengi ya kahia, yichibwa ha yijingo ya kahia kaze kanalengenya,

Mateu 17:2

Mba kusoloka chenyi yichalumuka ku meso jo; meso jenyi yaahenya ngwe tangwa; mahina jenyi yaabwa atoma ngwe Pangu.

Mateu 28:3

Yahenya ngwe muhenyo, mahina jenyi yaabwa atoma ngwe chiwe.

Marku 16:5

Muze haanjila mu fuka, yaamona mukweze kanatwama ku chindume, te kanazala hina litoma. No yeevwa woma unji.

Luka 24:4

Muze te anayambashana, malunga aali yaasolokela ni mahina akubeyima.

Yoano 20:12

yamona tunganda a mwilu aali, te kaanazala mahina atoma, nikutwama kuze asele Yesu, umuwika ku mutwe, mukwo ku molu.

Yilinga 10:3

Limwe tangwa chingoloshi, ngwe ha ola ya muchitatu, yamona zwalala mu Usolwelo kanganda ka mwilu kananjila ku mahienyi nikwamba ngwenyi: “Korneliu!”

Yilinga 10:30

Korneliu yakumbulula ngwenyi: “Ha ola ngwe yinoyene, matangwa atatu haabalika, te ngunalembe mu zuwo liami ha ola ya muchitatu ya chingoloshi. Susumuku mutu kanamana ku meso jami, te kanazala mahina abeyima.

Usolwelo 3:4

Alioze muze mu Chikungulwila chenu cha mu Sardu atu akwo alimo waze kaabihishile mahina jo. Enoo maakenda hamwe ni yami, maakazala mahina atoma, mumu kaanatela.

Usolwelo 7:14

Yingukumbulula ngwami: “Mwene, yena Unanyingika, hi yami ko.” Mba yangwambulwila ngwenyi: “Kaali atu waze haanatuhuka ku yihungumiona yinji. Haanakoso mahina jo, hanaatomesa ni manyinga ja Mwana Panga.