Ubutukilo 9:5 - Mukanda Wa Zambi 1970

⁵ Nyi mutu mashiha mukwo, yami mungukala yoze hafwa. Mungukala mutu mweswe yoze maashiha kuli kashitu.

MUKANDA USANDU WA ZAMBI 1975

⁵ Chikwo nawa manyinga jenu a mwono wenu mungwakala, ni kuli kashitu mweswe ni ku kwoko lia mutu, pundu we mwono wa mutu mungukala hali mutu ni mukwo mweswe.

Ubutukilo 9:5 Iomraidhean Croise

Ubutukilo 42:22

Rubene ngwenyi: “Nanulwezele ngwami, kanda nulinga kanuke chibi. Haliabwila tunamono lamba mumu ha kufwa chenyi.”

1 Yitanga Ya Mianangana 2:6

Kashika, Ukalinga ni mana akafwe washi, kanda akatwama ndoo kutoma cha kambu jenyi.

1 MIANANGANA 11:1

Muze Atalia, naye ya mwanangana Ahazia, hevwa ngwo, hashiha mwanenyi, yahana Shimbi akashihe akwa jiko eswe a mwanangana.

2 Sango Ja Mianangana 24:22

Mwanangana Joashe yavulama kwenyi milimo yize tato ya Zakaria amulingilile, mba yashihisa Zakaria. Muze te Zakaria himafwa, yakololoka ngwenyi: “Mwene Zambi atale chize hinwalinga, anumwese kama lamba!”

2 Sango Ja Mianangana 33:24

Akwa kuyula ja Amone yaamutwama punga, yaamushihila mu zuwo lienyi.

2 Sango Ja Mianangana 33:25

Ayuda yaashiha waze ashihile Amone, mba yaapwisa mwanenyi Josia mwanangana.

Miaso (Masamu) 9:12

Zambi kakwiwuluka akwa lamba; keshi kuvulama kulila cho, kakumwesa lamba waze akwalinga yibi.

Kutuhuka 20:13

“Kanda ushiha mutu.

Kutuhuka 21:12

“Mweswawo malamba mukwo ni kumushiha, neye akamushihe.

Alevi 19:16

Kanda ulamikiza mutu niumwe. Kanda ushindakenya mahuza hali mutu niumwe kumushiha. Yami nguli Mwene Zambi.

Alevi 24:17

“Mweswawo mashiha mutu, neye akamushiha.

Alevi 24:21

Alioze mweswawo mashiha mutu, neye akamushiha.

Kwalula 35:16

“Alioze nyi umwe mutu mashiha mukwo ni utale, hanji ni liwe, hanji ni mutondo, kali chingalwe; chatamba kumushiha.

Kwalula 35:21

hanji kumushiha ni kome, kali chingalwe. Chatamba kumushiha. Usoko wa yoze hafwa mwe makamushiha. Akachilinga muze mamuwana.

Mateu 23:35

Chenacho lamba munukabwa nalio mumu ha manyinga ja akwa ululi waze amwanganyine hashi keeshi chitela, chize ku manyinga ja mukwa ululi Abele ndoo ku manyinga ja Zakaria, mwana wa Barakia, yoze nwashihile hakachi ka zuwo lia Zambi ni chilumbilo cha mulambu.

Yilinga 17:26

Mwenawo watangile mavungu eswe a hashi kuli mutu umuwika. Neye yaamwanga hashi heswe, yaalulikila shimbu kanda, miaka ya kutwama cho ni ngiza ja yifuchi muze maakatwama.

Shimbi 19:11

“Nyi ngwe umwe mutu mashiha mukwa kole yenyi ni ufwatulo, mba machinyina ku limwe lia membo waze ha kulilamwina,

Shimbi 19:12

miata a limbo lienyi amutwale kuli usoko wa mukwa kukala yoze hashiha, hanga neye amushihe.

Akwa Kuyula 9:56

Chenacho Zambi afwetesele Abimeleke ha chitela chize alingile kuli tato muze ashihile ana ja tato a malunga makumi shimbiali.