Ubutukilo 9:4 - Mukanda Wa Zambi 1970

⁴ Shina Chuma chimuwika kunwahashile kulia, kashitu ni manyinga jenyi, mumu mwono uli mu manyinga.

MUKANDA USANDU WA ZAMBI 1975

⁴ Alioze kuchi kulia yifwo yize yikwete manyinga jayo, acho chinalumbunuka we mwono.

Ubutukilo 9:4 Iomraidhean Croise

Ezekiel 33:25

“Alweze chize yami Mwene Zambi ngunambe. Ngwami, nwakulia yifwo ni e manyinga jayo. Nwakuwayila mahamba. Nwakushiha atu. Mba chika chakununyongesa ngwo, chifuchi chili nichenu?

Alevi 19:26

“Kanda nulia yifwo ya manyinga. Kanda nutaha ngombo chibwe kupanda wanga.

Alevi 3:17

Kaisraele niumwe kuchatambile kulia maji hanji manyinga. Shimbi yino Aisraele chaatamba kufunga matangwa eswe, kweswako anatwama.

Alevi 7:26

Aisraele, kweswako maakatwama, kanda akalia manyinga a tujila hanji a tushitu.

Yilinga 15:20

Alioze twasonekenenu ngwetu: ‘Kanda nulia yifwo yize akukombelela ku mahamba, ni tushitu a kuhonda, ni manyinga: kanda nulinga utanji.

Yilinga 15:25

Kashika tunakalikungulula ni nyonga limuwika ha kutongola malunga amwe akunutumina hamwe ni akwetu Barnaba ni Paulu

Yilinga 15:29

Ngwetu, kanda nulia yifwo yize akukombelela ku mahamba, chibwe manyinga, hanji yifwo ya tushitu a kuhonda, ni kanda nulinga utanji. Nyi nwalifunga ku yuma yino, mba munulinga kanawa. Mwoyo wenu.”

Shimbi 12:16

Alioze kuchatambile kulia manyinga jo, chatamba kwamwangina hashi ngwe meya.

Shimbi 12:23

Kanda nulia yifwo ya manyinga, mumu mwono uli mu manyinga, kuchatambile kulia mwono hamwe ni yifwo.

Shimbi 14:21

“Kanda nulia kashitu walifwila. Yilambala waze atwama mukachi kenu maahasa kwaha hanji kwalanjisa kuli yilambala ni akwo. Alioze yenu nuli a mbala a Mwene Zambi; nuli atu jenyi. “Kanda nuteleka mwana panga hanji mwana pembe mu yamwa ya naye.”

Shimbi 15:23

Alioze manyinga jo kanda nwalia, shina kwamwangina hashi ngwe meya.”

1 Timoteu 4:4

Yeswe yize atangile Zambi yinabeme, kuchatambile kulituna nichimwe, alioze kuchitambula ni kusakwila.

1 Samuel 14:32

Kashika yaalundumukina ha yuma yize te haabuba ha musumba wa akwo kole jo: mapanga, ni ngombe, ni ana ngombe. Yaashihila ha mavu lume ni kwaha hamwe ni e manyinga jo.