Ubutukilo 9:25 - Mukanda Wa Zambi 1970

²⁵ yamba ngwenyi: “Kanana namushinga, kumakabwa ndungo ya ayayo.

MUKANDA USANDU WA ZAMBI 1975

²⁵ Yamba ngwenyi, Kanana akashingiwe; akapwe ndungo ya ndungo kuli ayayo.

Ubutukilo 9:25 Iomraidhean Croise

Ubutukilo 3:14

Mba Mwene Zambi yambila kapela ngwenyi: “Ha chize hiwalinga, kuwashingiwa kuhiana yimuna yeswe ni tushitu eswe a mu yambu. Shingo lie lino, chize musono ndoo ku miaka yeswe muwendela ha jimo lie, muubwa ni kulia mavu.

Ubutukilo 4:11

Kuwashingiwa ku mavu waze haanwa manyinga ja mwanakwenu muze wamushiha.

Ubutukilo 49:7

Zambi ashinge utenu wo, mumu woka naye, ni ufwatulo wo, mumu uli wa uswiyi. Mungukaamwangina mu chifuchi cha Yakoba, mungukaamwangina hakachi ka Aisraele.

Ubutukilo 9:18

Wano e ana ja Noa a malunga waze atuhukile mu ulungu: Sheme, ni Hame, ni Jafete. Hame mwe tato ya Kanana.

Ubutukilo 9:22

Muze Hame, tato ya Kanana, hamona uselesele wa tato, yaya ni kulweza ayayo.

Ubutukilo 9:24

Noa, muze vinyu hiyamubatwoka, yahinduka, yevwa chize mwanenyi wa kanuke hamulinga,

Mateu 25:41

“Hohene Mwanangana makambila waze ku chimeso ngwenyi: ‘Ngukatukenu, yenu hinunashingiwa! Yeenu ku kahia ka miaka yeswe, kaze alulikilile Sakwonga ni tunganda twenyi!

Yoano 8:34

Yesu ngwenyi: “Chamwenemwene ngunanwambulwila ngwami, mutu mweswe wakuvulumiona kali ndungo ya shili.

Shimbi 27:16

“ ‘Mwene Zambi akashinge yoze malelesa tato ni naye.’ “Atu eswe maakatayiza ngwo: ‘Chibwe kama Chenacho!’

Shimbi 28:18

“Mwene Zambi makanushinga ha kunwaha ana akepe hi anji ko ni mbuto yikepe, ni ngombe ni mapanga akepe wika.

Yoshua 9:23

Ha Chuma chino hinwalinga, Zambi hanushinga. Atu jenu matangwa eswe maabwa ndungo, akwa kuchaya kunyi ni kutaha meya a mu zuwo lia Zambi yami.”

Yoshua 9:27

Alioze chize ku matangwa waze aapwishile ndungo a kuchaya kunyi ni kutaha meya ja Aisraele ni a ku chilumbilo cha Mwene Zambi. Ndoo ni musono uno kaakulinga milimo yize homa haze atongwele Mwene Zambi mu kuwayila.