Ubutukilo 9:23 - Mukanda Wa Zambi 1970

²³ Mba Sheme ni Jafete yaanda hina, yaalikika lio ha yipaya. Yaaya unyimenyime ndoo mu zuwo, mba yaafuka tato hina lize. Yaatalikisa meso jo ku tenga, kaamwene ko uselesele wa tato.

MUKANDA USANDU WA ZAMBI 1975

²³ Mba Sheme ni Yafwe yanda hina alise ha yipaya yo, yenda unyimenyime akafuke uselesele wa tato. Meso jo anatale kunyima kamwene uselesele wa tato.

Ubutukilo 9:23 Iomraidhean Croise

Ubutukilo 9:22

Muze Hame, tato ya Kanana, hamona uselesele wa tato, yaya ni kulweza ayayo.

Ubutukilo 9:24

Noa, muze vinyu hiyamubatwoka, yahinduka, yevwa chize mwanenyi wa kanuke hamulinga,

Kutuhuka 20:12

“Lemesa tatenu ni noko, hanga Ukatwame matangwa anji mu chifuchi chize yami Mwene Zambi ngunakwehe.

Alevi 19:32

“Senu vumbi tushinakaji, alemesenu. Nguvwilenu woma, nguli Mwene Zambi.

A-ROMA 13:7

Hanenu kuli eswe yize yinaatela. Lambulenu lijimu kuli waze anatela lijimu, Senu vumbi waze anatela vumbi, lemesenu waze anatela ulemu.

Galashia 6:1

Akwetu, nyi umwe hatalinga mu chimwe chitela, yenu waze nuli ni tachi mu ufulielo muhilwisenu mu jila ya ululi. Alioze Chilinge ni mbunge ya kushimbika. Kanyama yena mwene, kuchina ni yena nawa Sakwonga makweseka.

1 Timoteu 5:1

Kanda ukanjisa mukulwana ni maliji akalu, alioze liumbe kuli iye ngwe chize wakuliumba kuli tatenu. Liendele ni ana malunga ngwe anakwenu.

1 Timoteu 5:17

Makulwana waze akuyula Chikungulwila kanawa, chibichibi waze akuhondangana mu kwambujola ni kulongesa, chaatamba kwafweta kaali.

1 Timoteu 5:19

Kanda ubanjika kusuma chimwe hali mukulwana wa Chikungulwila shina ku kanwa lia yela aali hanji atatu.

1 Petulu 2:17

Senu atu eswe vumbi, zangenu akwenu akwa Kristu, vwilenu Zambi woma, Senu mwanangana wa chifuchi vumbi.

1 Petulu 4:8

Chuma chitangu, lizangenu kuhiana ni akwenu, mumu zango kuliakuchiza chizavu cha milonga.