Ubutukilo 9:15 - Mukanda Wa Zambi 1970

^15-16 mungwiwuluka Usendo uze hinakolesa ni yenu ni tushitu eswe ku miaka yeswe ngwami, sanga lia meya kulichi kwonona nawa eswe waze atwama hashi.

MUKANDA USANDU WA ZAMBI 1975

¹⁵ Chocho mungwiwuluka usendo wami uze uli hakachi ka yami ni yena ni akwa mwono eswe a musunya weswe, mba meya kechi kapwa nawa sanga akanongese musunya weswe.

Ubutukilo 9:15 Iomraidhean Croise

Ubutukilo 8:21

Muze Mwene Zambi hevwa lupembo mubema wa mulambu uze, yamba ngwenyi: “Hikwahwa, chichi kushinga nawa hashi hakutwala ku yize akulinga atu. Ngunanyingika ngwami, kuma atu chize ku wanuke wo, manyonga jo kaali lume abi. Eswe waze natangile, akwete mwono, chichi kwonona nawa ngwe chize hinalinga.

Ubutukilo 9:10

Ngunakolesa Usendo ni eswe waze ali hamwe ni yenu: ni tujila, ni yimuna, ni tushitu a mu yambu, kulumbunuka eswe waze atuhukile mu ulungu.

Ubutukilo 9:11

Ngunakolesa Usendo ni yenu ni maliji wano ngwami: Eswe waze akwete mwono keechi kafwa nawa ni sanga lia meya. Ndoo ku miaka yeswe sanga lia meya kulichi kwonona nawa akwa hashi.

Ubutukilo 9:14

Lieswe tangwa lize mungusolola malelwa kwilu, nyi kongolo wamoneka,

1 Yitanga Ya Mianangana 8:23

yalemba ngwenyi: “Mwene Zambi, Zambi ya Aisraele, kukushi Zambi mukwo niumwe ngwe yena, chibwe mwilu chibwe hashi! Wakufunga Usendo ni atu je. Wakwalweza utu we muze akukwononokena ni mbunge jo jeswe.

Nehemia 9:32

“Aa Zambi, Zambi yetu, yena uli munene! Uli kola woma, mukwa ndundo! Wakufunga yilakenyo ya Usendo we. Chize ku matangwa waze te akutuhungumiona kuli mianangana ja Asuria ndoo ni musono uno, twakumona lamba linji, mianangana jetu, ni miata jetu, ni mahako jetu, ni akwa munanyi jetu, ni tushakulu twetu, ni atu jetu eswe. Iwuluka kama lamba lize hitwamona!

Miaso (Masamu) 106:45

Yanyonga Usendo uze akolesele no, yalumuna mbunge yenyi mumu ha zango lienyi liahiana.

Kutuhuka 28:12

Ukaabalakenya ha miya ya ha yipaya ya chikuto chihi, ha kwiwuluka mavungu kumi ni aali ja Aisraele. Chenacho Arane mabwa ni kumbata majina jo ha yipaya yenyi ku meso ja yami Mwene Zambi. Ha chino mungukeewuluka matangwa eswe.

Jeremia 14:21

Iwuluka kama yilakenyo ye, kanda utulelesa; kanda ulelesa kama Yerusaleme, homa ha chitwamo che cha uhenya. Kanda ushiha Usendo uze hiunakolesa ni yetu.

Ezekiel 16:60

Alioze mungukalemesa Usendo uze nakolesele ni yena muze te uchili mwana pwo. Mungukakolesa Usendo ni yena uze muukalinduluka ndoo ku miaka yeswe.

Luka 1:72

Nawa ngwenyi, makasolwela tushakulu twenu keke yenyi ni kwiwuluka Usendo wenyi wa linanga.

Shimbi 7:9

Kashika iwulukenu ngwenu, Mwene Zambi, Zambi yenu, kali Zambi wika, kali mukwa kushishika. Kumakafunga Usendo wenyi uze akolesele ni Aisraele ni kulweza zango lienyi kuli tununu twa yisemuko a kuli waze akumuzanga ni akufunga Shimbi jenyi.