Ubutukilo 9:11 - Mukanda Wa Zambi 1970

¹¹ Ngunakolesa Usendo ni yenu ni maliji wano ngwami: Eswe waze akwete mwono keechi kafwa nawa ni sanga lia meya. Ndoo ku miaka yeswe sanga lia meya kulichi kwonona nawa akwa hashi.

MUKANDA USANDU WA ZAMBI 1975

¹¹ Kumungukolesa usendo wami ni yena, mba chichi kujimuna nawa musunya weswe ni sanga lia meya; ndo ku miaka ya mutolo kukuchi kupwa sanga lia kunongesa hashi.

Ubutukilo 9:11 Iomraidhean Croise

Ubutukilo 9:10

Ngunakolesa Usendo ni eswe waze ali hamwe ni yenu: ni tujila, ni yimuna, ni tushitu a mu yambu, kulumbunuka eswe waze atuhukile mu ulungu.

Ubutukilo 9:15

mungwiwuluka Usendo uze hinakolesa ni yenu ni tushitu eswe ku miaka yeswe ngwami, sanga lia meya kulichi kwonona nawa eswe waze atwama hashi.

Jobe 11:16

Mba kuuchi kewuluka nawa lamba lie, mulibwa ngwe meya waze haanabalika.

Izaya 54:9

“Ha matangwa ja Noa nalakenyene ngwami, chichi kutuma nawa sanga lia meya hashi. Haliabwila ngunalakenya ngwami, chichi kunutenukina nawa; chichi kunumwesa nawa lamba.

2 Petulu 3:11

Nyi yuma yino yeswe muyikahwa ngwe chino, ndako yika chanutamba kubwa nayo? Muze munushimbwila Tangwa lia Zambi, chanutamba kulikoleleza, hanga Tangwa lize mulikeza nikawashi. Ha Tangwa lize lilu mulikawema ni kahia ni yuma ya lilu muyikasangunuka.

2 Petulu 3:7

Alioze lilu ni hashi ya haliabwila kanayitulika ku liji lizeliene lia Zambi ha kuyonona ni kahia. Kanayifungu ndoo ku tangwa lize makabatwila yitanganyanyi ni kwoonona.