Ubutukilo 8:21 - Mukanda Wa Zambi 1970

²¹ Muze Mwene Zambi hevwa lupembo mubema wa mulambu uze, yamba ngwenyi: “Hikwahwa, chichi kushinga nawa hashi hakutwala ku yize akulinga atu. Ngunanyingika ngwami, kuma atu chize ku wanuke wo, manyonga jo kaali lume abi. Eswe waze natangile, akwete mwono, chichi kwonona nawa ngwe chize hinalinga.

MUKANDA USANDU WA ZAMBI 1975

²¹ Yehova yevwa lupembo mupema; Yehova yamba mu mbunge yenyi ngwenyi, Chichi kashinga nawa mavu mumu hali atu, mumu kunyonga cha mbunge jo chapiha chize ku wanuke wo. Chichi kulamba nawa akwa mwono eswe ngwe hinalinga.

Ubutukilo 8:21 Iomraidhean Croise

Ubutukilo 3:17

Yambila nawa Samutu ngwenyi: “Wabanjikanga mukwenu pwo ha kulia mihuko ya mutondo uze nakukanjishile ngwami, mavu kaashingiwa. Ha matangwa eswe a mwono we muukahondangana ni kulima, mba ukabwe ni yakulia.

Ubutukilo 4:12

Muze muulima hashi, yakulia kuyichi kwiza ho. Muubwa mukwa kuchinachina kanda chendanganyi hashi heswe.”

Ubutukilo 5:29

Yamba ngwenyi: “Mwana yono makatuchiza lamba ku milimo yize twakuhondangana hano hashi haze ashingile Mwene Zambi.” Kashika yamuluka jina ngwenyi, Noa.

Ubutukilo 6:13

Zambi yambila Noa ngwenyi: “Hinabatula ngwami, mungwonona atu eswe. Mungwonona eswe upu mumu hashi yibi yaho hiyoka kuhiana.

Ubutukilo 6:17

Yami mungutuma sanga lia meya hashi mu kunongesa eswe waze atwama ho ni mwono. Yuma yeswe hashi kumuyikafwa,

Ubutukilo 6:5

Muze Mwene Zambi hamona ngwenyi, hashi heswe atu kaakulinga yibi kuhiana, kaakunyonga shina kulinga yibi matangwa eswe,

Ubutukilo 6:7

Mba yamba ngwenyi: “Mungwonona atu eswe waze natangile, chibwe kweswako ali. Mungwonona atu ni tushitu ni tututu ni tujila eswe, mumu ngunevu chinyengo ha chize natangile yuma yeswe.”

Jobe 14:4

Iya mahasa kuchiza chuma chibema mu chuma chibi ngwe mutu? Nimwe.

Miaso (Masamu) 51:5

Nguli kwami mutu mubi chize ku kusemuka chami; chize ku kuseseka chami mu jimo lia mama nguli lume mukwa shili.

Miaso (Masamu) 58:3

Yingulungulu kaakuhungumioka mu mwono wo weswe, milimo yo shina mafwefwe chize ku kusemuka cho.

Miaso (Masamu) 58:4

Haanazala ni ulembe ngwe manoka, kaakujika matwi jo, ngwe lunoka, fwijameya, yoze hafwa matwi.

Kutuhuka 29:18

Ukocha kuji a panga mweswe ha chilumbilo, akaweme. Kuuli mulambu wa kwocha, lupembo wawo kakunguwahila.

Kutuhuka 29:25

Mba ukayichiza mu moko jo ni kuyocha ha chilumbilo, helu lia mulambu wa kwocha, yikaweme. Kuuli mulambu wa yakulia, lupembo wawo kakunguwahila.

Yishima 20:9

Kuli umwe mutu mahasa kwamba ngwenyi: “Mbunge yami yinabeme, hinabema ku shili yami yeswe,” nyi?

Longeshi 7:20

Hano hashi kuheshi mutu niumwe yoze wakulinga yibema matangwa eswe, yoze keshi kulinga chibi nichimwe.

Izaya 47:12

Jikijila ha kando ni mbinga ye, yize wakulinga nayo chize kuwanuke we, hanji muyikukwasa; hanji muuhasa kuvwisa akwa kole je mwongo.

Izaya 47:15

Tahi waze te wakwita mana mu mwono we weswe, keechi kakukwasa nichimwe. Ayo eswe maakakuhichika ni kuya jila yo ene, kukushi niumwe yoze makasala ni kukulamwina.”

Izaya 48:8

Te ngunanyingika ngwami, hi nuli atu aumwenemwene ko mumu matangwa eswe nwakungukatukila. Kashika kunwevwile nichimwe cha yino yeswe, kashika kunwevwile liji nilimwe.

Izaya 53:6

Yetu eswe twabwile ngwe mapanga waze haanatoko, mutu mweswe yaya mu jila yenyi mwene. Alioze Mwene Zambi yamumwesa lamba, lamba lize te chatutamba kumona yetu.

Izaya 65:6

“Hingunaabatwila kulu chize mungwamwesa lamba, hinausoneka kulu. Chichi kulelesa nichimwe chize haanalingi, alioze mungukaafwetesa

Jeremia 17:9

“Iya mahasa kunyingika mbunge ya mutu? Kuyakwonga kuhiana yuma yeswe yikwo. Yili yibi kuhiana, kaahashile kuyiwuka.

Jeremia 18:12

Ayo kumaakumbulula ngwo: ‘Ka, mumu yika chatutamba kwecha kulinga yibi? Mutubwa lume akwa pami, mutulinga yibi yeswe yize tunazange.’ ”

Jeremia 8:6

Nabanjikile, alioze kunwahanjikile ko umwenemwene. Niumwe wa kuli yenu wevwile chinyengo mumu ha shili yenyi; niumwe wahulile kama ngwenyi; ‘Chibi chika ngunakalinga kama?’ Alioze mutu ni mutu kakuya mu jila yenyi mwene, ngwe chize kavwalu akunjila mu jita.

Ezekiel 20:41

Muze hinanutuhwisa mu yifuchi kuze nwamwanganyinyine ni kunukungulula, mungukatayiza milambu yenu ya kwocha. Mavungu maakamona ngwo, yami nguli munangi.

Alevi 1:13

Mwe mutu akakosa yifwo ya mu jimo ni molu, mba hako makakunjika we mulambu kuli Mwene Zambi ni kuwocha weswe ha chilumbilo ukaweme. Lupembo wa mulambu uno wa yakulia, kakuwahila kuli Mwene Zambi.

Alevi 1:17

Akamubula ni kumusanganyika, mba mamwocha mweswe ha chilumbilo, akaweme. Lupembo wa mulambu uno wa ya kulia kakuwahila kuli Mwene Zambi.

Alevi 1:9

Mutu yoze maneha mulambu akakosa yifwo ya mu jimo ni molu ni meya, mwe hako akocha mulambu weswe ha chilumbilo akaweme. Lupembo wa mulambu uno wa yakulia kakuwahila kuli Mwene Zambi.

Alevi 26:31

mungukapwisa membo jenu ahululu, ni kwonona yilumbilo yenu. Mungukalituna milambu yenu.

Alevi 4:31

Mba akachize maji eswe, ngwe chize machiza maji a yimuna ya milambu ya kulivwa ni Zambi, ni kwoocha ha chilumbilo, akaweme. Mba lupembo makawahila kuli Mwene Zambi. Chenacho hako chatamba kulambula mulambu wa mulonga wa mutu yoze, mba Zambi makamukonekena.

Alevi 8:28

Mba Mose yatambula yakulia yize, yayocha ha chilumbilo, helu lia mulambu wa kwocha, yiiwema. Kuuli mulambu wa kukunjika mahako ku milimo yo, yiubwa mulambu wa yakulia; lupembo wawo yawahila kuli Mwene Zambi.

Kwalula 15:3

Munukahasa kulambula kuli Mwene Zambi ngombe, hanji panga, chibwe pembe, mulambu wa kwocha, hanji mulambu wa chilakenyo, chibwe mulambu wa kuzanga chenu, mu yiwanyino yenu. Lupembo mubema wa ku milambu yino ya yakulia kakuwahila kuli Mwene Zambi.

Mateu 15:19

Mumu mu mbunge mwakutuhuka manyonga abi. E akumuzondwola ni kushiha atu, ni kulinga utanji ni waze ali ku malo, ni kulinga utanji ni twamishi, ni kwiya, ni kuhanjika mahuza, ni kushililika.

Yoano 3:6

Chize chakusemuka kuli mutu, chili cha uutu; chize chakusemuka kuli mwiku, chili cha mwiku.

A-ROMA 1:21

Kaananyingika Zambi, alioze keeshi kumulemesa, keeshi kumuchichimieka ngwe chinalite ni Zambi. Alioze mu manyonga jo haanalumuka yihepuke, mbunge jo kujishi mana, jinalaa bwii.

A-ROMA 3:23

eswe haanavulumuna, eswe kaanahono uhenya wa Zambi.

2 Korintu 2:15

Mumu tuli ngwe maji a vumba libema waze Kristu akulambula kuli Zambi. Vumba lize kuliakuya kuli waze Zambi analamwina ni kuli waze anatoko.

Efesu 5:2

Bwenu akwa zango, ngwe chize Kristu atuzangile ni yakunjika mwono wenyi hali yetu, ngwe chitapo ni milambu ya vumba libema yize yinawahila Zambi.

Filipu 4:18

Hingunatambula jeswe jize nwangutuminyine—jinazuku. Haliabwila, nguli ni yuma yinazuku, mumu Epafroditu hanangunehena yawana yenu. Yawana yino yili ngwe mulambu wa vumba libema, chitapo chize chinabemena ku meso ja Zambi ni chize chinamuwahila.

1 Yoano 5:19

Tunanyingika ngwetu, tuli a Zambi, ni mwe Chingulungulu kakuyula akwa hashi eswe.

1 Samuel 26:19

Vulie mwanangana! Banjikenu kama ku maliji jami. Nyi ngwe Mwene Zambi hananuvundula kulimika ni yami, atambule mulambu alumune mbunge yenyi. Alioze nyi atu haachilinga, Mwene Zambi aashinge, mumu hanguhuma mu chifuchi cha Mwene Zambi, ni kutwama kuze Changutamba kuwayila mazambi eka.