Ubutukilo 8:20 - Mukanda Wa Zambi 1970

²⁰ Hohene Noa yatunga chilumbilo cha Mwene Zambi. Tushitu ni tujila waze atela kulambula, yanda umuwika umuwika, yoocha ha chilumbilo, yaawema bwililii.

MUKANDA USANDU WA ZAMBI 1975

²⁰ Mba Noe yatunga chilumbilo kuli Yehova. Yanda a kuli tushitu eswe akulinanga, ni a kuli tujila eswe akulinanga, yalambula milambu ya kulumba ha chilumbilo.

Ubutukilo 8:20 Iomraidhean Croise

Ubutukilo 13:18

Kashika Abrama yatutulula zuwo lienyi lia makubu, yaya ni kutunga hehi ni mitondo ya Mamre ku limbo lia Hebrone, kuze te atu akuwayila. Yatunga ko chilumbilo cha kuwayila Mwene Zambi.

Ubutukilo 13:4

haze atungile chilumbilo. Mba yawayila Mwene Zambi.

Ubutukilo 22:2

Zambi ngwenyi: “Anda mwana yono Isake, yoze wakuzanga kuhiana, yako nenyi ku chifuchi cha Moria, ukangula mbule ye ha mulundu uze mungukakulweza.”

Ubutukilo 22:9

Muze haaheta homa haze Zambi amulwezele, Abrahama yatunga ko chilumbilo, yatengeka ho kunyi, yakasa mwanenyi Isake, yamusa ho.

Ubutukilo 26:25

Isake yatunga ko chilumbilo, mba yawayila Mwene Zambi. Homa haze yajika ho zuwo lienyi lia makubu, ni ngamba jenyi yaafula shima likwo lia meya.

Ubutukilo 33:20

Yatunga ho chilumbilo, yachiluka jina ngwenyi, Zambi kali Zambi ya Israele.

Ubutukilo 35:1

Zambi yambila Yakoba ngwenyi: “Katuka uye ku limbo lia Betele, Ukatwame ko. Ukatunge chilumbilo homa haze akusolokelele Zambi muze wachinyine yayenu Esau.”

Ubutukilo 35:7

Yatunga ko chilumbilo, yaluka ko jina ngwenyi, Betele, mumu kwenako alimwene ni Zambi, muze te anachinyi yayo Esau.

Ubutukilo 4:4

Abele neye yanda mwana mutangu wa umwe panga wa ku chendo chenyi, yamushiha, yanda yifwo yibema yahiana ni e maji jayo, yayilambula. Mwene Zambi yatayiza Abele ni mulambu wenyi,

Ubutukilo 7:2

Tushitu waze atela kulia ni kungulambula yami Mwene Zambi, wanda aali aali yisuho shimbiali, kuji ni chihwo. Alioze waze hi abema ko ni kulia wanda shina aali aali, kuji ni chihwo.

Ubutukilo 7:3

Wanda nawa tujila a milali yeswe aali aali, yisuho shimbiali, kuji ni chihwo. Ulinga kanawa ha kufunga mwono wa tushitu ni tujila a milali yeswe hanga akoke hashi heswe.

Ubutukilo 8:19

ni tushitu eswe ni tujila eswe yaatuhuka mu ulungu mu mikana yo.

Jobe 1:5

Muze matangwa a yiteleka haamanunuka, Jobe malimeneka ni kulambula milambu yakwocha hali mwana mweswe ni kwaabemesa, mumu Jobe yanyonga ngwenyi: “Hanji ana jami haavulumuna, hanji haatuka Zambi, te kaachizangile.” Chino te kakuchilinga matangwa eswe.

Kutuhuka 10:25

Mose ngwenyi: “Nyi Chenacho, kota yenu munutwaha yimuna ya kulambula ni kwochela Mwene Zambi, Zambi yetu.

Kutuhuka 29:18

Ukocha kuji a panga mweswe ha chilumbilo, akaweme. Kuuli mulambu wa kwocha, lupembo wawo kakunguwahila.

Kutuhuka 29:25

Mba ukayichiza mu moko jo ni kuyocha ha chilumbilo, helu lia mulambu wa kwocha, yikaweme. Kuuli mulambu wa yakulia, lupembo wawo kakunguwahila.

A-ROMA 12:1

Kashika, akwetu, mumu Zambi hanasolola keke yenyi kuli yetu, ngunaliumbu kuli yenu ngwami, nulihane yenwene ngwe mulambu wa mwono kuli Zambi, mulambu wa kulinanga, uze wakumubemena. Wenawo, we uwayilo wamwenemwene uze unamutela.

Hebreu 13:10

Mahako a Zambi, waze akuvumbika mu zuwo lia kuwayila lia Ayuda, keeshi ni chiyulo cha kutambula chimwe Chihanda cha yakulia ya mulambu wa ha chilumbilo chetu.

1 Petulu 2:5

Kundamenu, hanga ni yenu nubwe ngwe mawe a mwono, waze Zambi matunga no zuwo lia Mwiku wa Linanga. Mu zuwo lize munubwa mahako a Zambi waze ali ni milimo ya kulambula Zambi milambu ya uzambi, yize muyikamubemena, nyi nwakuyilambula ku tachi ja Yesu Kristu.

1 Petulu 2:9

Alioze yenu nuli atu waze Zambi atongwele, nuli mahako a Mwene, nuli lume atu ja Zambi. Hananutongola hanga nwambujole yitanga yibema ya Zambi, yoze wanutambikile ha kukatuka ku milima hanga nunjile mu pangu lienyi liahiana.