Ubutukilo 7:9 - Mukanda Wa Zambi 1970

⁹ ayo eswe yaanjila mu ulungu hamwe ni Noa, ngwe chize amulwezele kuli Zambi.

MUKANDA USANDU WA ZAMBI 1975

⁹ yanjila aali ni aali kuli Noe mu ulungu, a kuji ni chihwo ngwe Zambi yamba Noe.

Ubutukilo 7:9 Iomraidhean Croise

Ubutukilo 2:19

Chenacho awumbile tushitu eswe ni tujila eswe ni mavu. Yaaneha kuli mutu hanga amone chize maaluka. Kashitu ni kashitu, kajila ni kajila, yabwa ni jina lize amulukile kuli mutu.

Ubutukilo 6:22

Mba Noa yalinga yize yeswe amwambile Zambi.

Ubutukilo 7:10

Ha kuhwa cha matangwa shimbiali sanga lia meya yiliza hashi.

Ubutukilo 7:15

kuji ni chihwo, yaanjila mu ulungu hamwe ni Noa,

Ubutukilo 7:16

ngwe chize amulwezele kuli Zambi. Mba Mwene Zambi yajila ulungu.

Ubutukilo 7:8

Tushitu ni tujila a milali yeswe anatela kulambula kuli Zambi ni kulia, ni waze hi abema ko ni kulia, anene anene ni akepe akepe, kuji ni chihwo,

Izaya 65:25

Tungunga ni mapanga maakalia hamuwika; tambwe maakalia yambu, ngwe chize akulia ngombe, ni chihili makalia fufuta. Ha mulundu wa chijila Zione, kuhechi kabwa nawa chimwe Chuma chibi.”

Jeremia 8:7

Chibwe yitwanjimbu kaakunyingika kangonde ko; ni membe, ni tupiasa, ni yitokola kaakunyingika kakweji ko wa kuhiluka. Alioze yenu atu jami, kunwanyingikine Shimbi jize nakunuyula najo.

Galashia 3:28

Kulisa chakuhi mukachi ka Ayuda ni waze hi Ayuda ko, mukachi ka ndungo ni enyaho, mukachi ka malunga ni mapwo. Yenu eswe nuli umuwika mu kulinunga ni Kristu.

Kolosu 3:11

Ha chino, kunushi nawa yilambala ni Ayuda, chibwe ngalami ni yilima, chibwe waze kaalilongesele hanji waze keeshi mana, chibwe ndungo hanji enyaho, alioze hasala lume Kristu; mwe unakwata eswe.