Ubutukilo 7:7 - Mukanda Wa Zambi 1970

⁷ Chenacho Noa anjilile mu ulungu, ni pwo lienyi, ni ana jenyi a malunga ni mapwo jo, ha kuchina sanga lia meya.

MUKANDA USANDU WA ZAMBI 1975

⁷ Chocho Noe yanjila mu ulungu, ni anenyi, ni mukwo-pwo, ni mapwo ja anenyi, mumu ha sanga lia meya.

Ubutukilo 7:7 Iomraidhean Croise

Ubutukilo 6:18

alioze mungukolesa Usendo wami ni yena. Yena ni mukwenu pwo, ni ana je a malunga ni mapwo jo, munukanjila mu ulungu.

Ubutukilo 7:1

Mwene Zambi yambila Noa ngwenyi: “Yena ni akwa zuwo lie, yenu eswe nunjile mu ulungu, mumu hinamona ngwami, hashi heswe shina yena lume mwe mukwa ululi.

Yishima 22:3

Akwa kukanyama, muze maamona Vunda kujineza, keechi kuya ko, alioze yoze keshi manyonga manjila mo, mba ku songo himalinyenga.

Mateu 24:38

Mumu ha matangwa waze shimbu te sanga lia meya kanda lichiza, atu yaahaha, yaanwanwa, yaalimbatambata, yaalihangisahangisa ku malu, ndoo ku tangwa lize Noa anjilile mu ulungu,

Luka 17:27

Atu yaahaha, yaanwanwa, yaalimbatambata, yaalihangisahangisa ku malo, ndoo tangwa lize Noa anjilile mu ulungu. Mba sanga ha meya yiliza, yilionona eswe.

Hebreu 11:7

Ku ufulielo Noa yevwa kutoweza cha Zambi hakutwala ku yuma yize muyikeza ho, yize kanda ayimona. Yononokena Zambi ni kutunga ulungu. Iye ni akwa zuwo lienyi yaanjila mo, ni Zambi yaalamwina. Chenacho yahisa akwa hashi eswe. Ku ufulielo nawa Zambi yamwalula mukwa ululi.

Hebreu 6:18

Kukuli yuma yaali yize kuyahashile kwalumuka, ni hakutwala ku yize Zambi kahashile kuhanjika mahuza. Kashika yetu hitunachinyina kuli iye; tuli ni hamu lia kukakaminya ha kusa mbunge ku chize hanatulakenya.

1 Petulu 3:20

Atu waze hatangu koononokenene ko Zambi, muze alihumikijine no ni uhomboloji ha matangwa eswe waze Noa te akutunga ulungu. Atu nake wika anjilile mu ulungu, Zambi neye yaalamwina ku meya.

2 Petulu 2:5

Zambi kevwilile ko tushakulu keke, alioze yashiha atu waze abi ni sanga lia meya. Yalamwina lume Noa, yoze te wakulongesa ululi, ni atu akwo shimbiali.