Ubutukilo 7:23 - Mukanda Wa Zambi 1970

²³ Mwene Zambi yashiha eswe waze te akwete mwono hashi: atu ni tushitu, ni tujila; yikusala shina Noa ni ana jenyi ni tushitu waze abwile no mu ulungu.

MUKANDA USANDU WA ZAMBI 1975

²³ Anongesene eswe a mwono ha kuzazuluka cha mavu, ni atu, ni yimuna, ni akwa kukalala, ni tujila a mwilu, waanongesene hashi, Noe wika wasalile ni waze apwile nenyi mu ulungu.

Ubutukilo 7:23 Iomraidhean Croise

Ubutukilo 6:17

Yami mungutuma sanga lia meya hashi mu kunongesa eswe waze atwama ho ni mwono. Yuma yeswe hashi kumuyikafwa,

Ubutukilo 8:18

Mba Noa ni pwo lienyi, ni ana jenyi ni mapwo jo, yaatuhuka mu ulungu,

Jobe 5:19

Makakulamwina ku lamba yisuho yisambano, chisuho cha muchishimbiali, chibi kuchichi kakuwana.

Miaso (Masamu) 91:1

Mweswawo wakuya kuli Mwene Zambi, Mukwa Ndundo Jeswe, hanga amufunge,

Miaso (Masamu) 91:7

Atu maahasa kufwa ku sali lie, hano kanunu, haze tununu kumi, alioze yena muubwa kanawa.

Yishima 11:4

Ubite kuwahashile kukukwasa nichimwe ha tangwa lia kufwa, alioze kutuwika cha mbunge muchihasa kulamwina mwono we.

Mateu 25:46

Wano maakaya ku lamba lia miaka yeswe, alioze akwa ululi ku mwono wa miaka yeswe.”

Hebreu 11:7

Ku ufulielo Noa yevwa kutoweza cha Zambi hakutwala ku yuma yize muyikeza ho, yize kanda ayimona. Yononokena Zambi ni kutunga ulungu. Iye ni akwa zuwo lienyi yaanjila mo, ni Zambi yaalamwina. Chenacho yahisa akwa hashi eswe. Ku ufulielo nawa Zambi yamwalula mukwa ululi.

1 Petulu 3:20

Atu waze hatangu koononokenene ko Zambi, muze alihumikijine no ni uhomboloji ha matangwa eswe waze Noa te akutunga ulungu. Atu nake wika anjilile mu ulungu, Zambi neye yaalamwina ku meya.

2 Petulu 2:5

Zambi kevwilile ko tushakulu keke, alioze yashiha atu waze abi ni sanga lia meya. Yalamwina lume Noa, yoze te wakulongesa ululi, ni atu akwo shimbiali.

2 Petulu 2:9

Chenacho Mwene Zambi kananyingika chize mapulula atu jenyi ku yeseko, ni chize makafunga yivulumunyi mu lamba ndoo ku Tanga lia Ubatwilo.

2 Petulu 3:6

Chizechene nawa, Zambi yanongesa tushakulu ni sanga linene lia meya.