Ubutukilo 7:21 - Mukanda Wa Zambi 1970

^21-22 Eswe waze te akwete mwono hano hashi: tujila, ni yimuna, ni tushitu a mu yambu, ni atu, ayo eswe yaafwa.

MUKANDA USANDU WA ZAMBI 1975

²¹ Musunya weswe wafwile, uze wakwenda hashi, ni tujila, ni yimuna, ni tushitu, ni akwa kukalala eswe aze akukalala hashi, ni atu eswe.

Ubutukilo 7:21 Iomraidhean Croise

Ubutukilo 1:25

Chenacho atangile tushitu eswe. Yamona ngwenyi, eswe kaanabeme.

Ubutukilo 6:13

Zambi yambila Noa ngwenyi: “Hinabatula ngwami, mungwonona atu eswe. Mungwonona eswe upu mumu hashi yibi yaho hiyoka kuhiana.

Ubutukilo 6:17

Yami mungutuma sanga lia meya hashi mu kunongesa eswe waze atwama ho ni mwono. Yuma yeswe hashi kumuyikafwa,

Ubutukilo 7:4

Kwasala matangwa shimbiali, mba mungunokesa vula hashi. Muyikanoka matangwa makumi awana ha kwonona eswe waze akwete mwono, waze natangile.”

Jobe 34:15

kachi atu eswe maafwa kwo, nikwalumuka nawa fufuta ya hashi.

Izaya 24:19

Hashi muhabulika ni kubuzuka, muhanekuka.

Izaya 24:6

Kashika Mwene Zambi hashinga hashi. Atu jaho kaanamono lamba mumu ha yize haanalingi. Akepe wika maasala ho.

Hosea 4:3

Kashika chifuchi muchikoma chau, ni waze eswe atwama mo kumaakafwa. Tushitu eswe a mu yambu, ni tujila, ni yishi kumaakafwa.”

Joele 2:3

Makumbi kaanali yibuta ngwe chize kahia kakwocha mwambu. Kulutwe lio minda yili ngwe minda ya Edene, alioze kunyima lio hiyabwa ngwe puya. Chuma nichimwe chinaachinyi.

Zefania 1:3

atu, ni tushitu, ni tujila, ni yishi. Mungulimbula yingulungulu. Mungwonona akwa hashi eswe, kuhechi kusala mukwa mwono niumwe. Yami Mwene Zambi nachamba.

Mateu 24:39

te kaanyingikine nichimwe ndoo sanga ha meya liejile ni kwonona eswe. Chenacho muchikabwa nawa ha kwiza cha Mwana Mutu.

Luka 17:27

Atu yaahaha, yaanwanwa, yaalimbatambata, yaalihangisahangisa ku malo, ndoo tangwa lize Noa anjilile mu ulungu. Mba sanga ha meya yiliza, yilionona eswe.

A-ROMA 8:20

Yuma yeswe yize Zambi atangile hanayipwisa yamokomoko, hi ku Zanga chayo yene ko, alioze ku kuzanga cha Zambi. Hindu kushimbula kuchili ngwo,

A-ROMA 8:22

Mumu tunanyingika ngwetu, ndoo haliabwila yuma yeswe yize Zambi atangile kuyakutwa mikuma nikumona lamba ngwe pwo yoze unaseme.

2 Petulu 2:5

Zambi kevwilile ko tushakulu keke, alioze yashiha atu waze abi ni sanga lia meya. Yalamwina lume Noa, yoze te wakulongesa ululi, ni atu akwo shimbiali.