Ubutukilo 7:11 - Mukanda Wa Zambi 1970

¹¹ Muze te Noa habwa ni miaka 600, ha tangwa kumi ni lia muchishimbiali lia kakweji wa muchaali, ha tangwa lizeliene mafuji eswe a njondo yabakuka, ni mwilu yimwazuluka, yikunoka vula munji.

MUKANDA USANDU WA ZAMBI 1975

¹¹ Ha makulakaji asambano a miaka ya mwono wa Noe, ha kakweji wamuchiali, ha tangwa kumi ni liamuchishimbiali, ha tangwa lioliene mafuji eswe a jondo aapukwile ni manjanela a mwilu azulukile.

Ubutukilo 7:11 Iomraidhean Croise

Ubutukilo 6:17

Yami mungutuma sanga lia meya hashi mu kunongesa eswe waze atwama ho ni mwono. Yuma yeswe hashi kumuyikafwa,

Ubutukilo 7:6

Noa te habwa ni miaka 600 muze sanga lia meya liejile hashi.

Ubutukilo 8:14

Ha tangwa makumi aali ni lia muchishimbiali lia kakweji wa muchaali hashi heswe yihoma chau.

Ubutukilo 8:2

Zambi yajika mafuji a jondo, yakanjisa vula mwilu, mba vula yabatuka.

1 MIANANGANA 7:19

Mwata wa tujita neye te hamba ngwenyi: “Chibwe Mwene Zambi anokese vulu mwilu haliabwila kuyichi kubwa!” Ni Elisha te hamukumbulula ngwenyi: “Muukachimona, alioze kuuchi kayilia.”

1 MIANANGANA 7:2

Elisha yamukumbulula ngwenyi: “Muukachimona, alioze kuuchi kayilia.”

Jobe 12:15

Nyi Zambi wajika meya, mavu mooma; nyi waajikula, monona hashi heswe.

Jobe 28:4

Kaakufulila mena kusuku ni chihunda, kuze kukushi kubalikila atu. Kaakwazeza ni ngoji hanga alinge milimo yo; kaakubwa lume ukawo.

Jobe 38:16

Jobe, kuma hiunapalumuka kama mu majinga a kalunga lwiji? Hiunendangana mo, nyi?

Jobe 38:37

Iya mahasa kwalula malelwa? Iya mahasa kwalweza apukumune meya,

Miaso (Masamu) 33:7

Iye yakunga meya eswe a kalunga lwiji muma mumuwika. Yatulika meya a mu njondo homa lio.

Miaso (Masamu) 74:15

Yena wabulile mashima ja meya, yena womishine njiji jinene.

Yishima 3:20

Ku mana jenyi hanazalisa njiji ni meya, kakunokesa vula hashi.

Izaya 24:18

Mutu yoze makeseka kuchina mwongo, makaholokela mu wumbu, yoze makachina wumbu, makafwa mu muheto. Vula munji makanoka, fundamentu ya hashi muyikanyikumuka.

Izaya 24:19

Hashi muhabulika ni kubuzuka, muhanekuka.

Jeremia 5:22

Yami nguli Mwene Zambi, mba kuchi kunushi kunguvwila woma? Mumu yika kunushi kuchikima ku meso jami? Hingunase masekeseke ngwe njiza ya kalunga lwiji, njiza yize kalunga lwiji kahashile kubalika. Kalunga lwiji mahasa kubinda, alioze meya keechi kahiana. Miavu muyihasa kulifwita, alioze kuyichi kubalika.

Jeremia 51:16

Ku liji lienyi meya kaakulundumuka kwilu; kakukakumwisa malelwa ku masongo a hashi. Kakutuma njaji mu vula, kakutuma fuji kuma liayo.

Ezekiel 26:19

Mwene Zambi kanambe ngwenyi: “Mungukakupwisa homa hahululu ngwe yikulu haze atu keeshi kutwama ho. Mungukakufuka ni meya a mu kalunga lwiji, mwajotoka.

Malaki 3:10

Nehenu yihanda yenu yeswe ya cha kumi ku zuwo liami hanga likazale ni yakulia yinji. Achingwesekenu, mba munumona chize mungunwazulwila tupenda twa mwilu ni kunuzukwila yuma yibema yeka ni yeka.

Mateu 24:38

Mumu ha matangwa waze shimbu te sanga lia meya kanda lichiza, atu yaahaha, yaanwanwa, yaalimbatambata, yaalihangisahangisa ku malu, ndoo ku tangwa lize Noa anjilile mu ulungu,

1 Tesalonika 5:3

Muze atu maakamba ngwo: “Tuli ni uhwimino, yuma yeswe yinawaha,” mba susumuku kwonona muchiza. Keechi kuhichika nichimwe. Muchibwa ngwe yikola ya kusema yize hiyakwata kafumbakaji.

2 Petulu 3:6

Chizechene nawa, Zambi yanongesa tushakulu ni sanga linene lia meya.