Ubutukilo 6:9 - Mukanda Wa Zambi 1970

^9-11 Jino je sango ja Noa. Noa yasema ana atatu a malunga: Sheme, ni Hame, ni Jafete. Noa te keshi kapalia, yalivwa ni Zambi. Shina iye wabwile mukwa ululi ha miaka yenyi, atu akwo eswe abwile abi ku meso ja Zambi. Vunda ni kwonona yiimwangana mwamwaa hashi heswe.

MUKANDA USANDU WA ZAMBI 1975

⁹ Yino ye yisemuko ya Noe. Noe wapwile mukwa ululi, keshi kapalia mu chisemuko chenyi. Noe waliendelele ni Zambi.

Ubutukilo 6:9 Iomraidhean Croise

Ubutukilo 10:1

Wano e mavungu ja ana ja Noa a malunga, Sheme ni Hame ni Jafete. Muze sanga lia meya hiliahwa yaasemasema ana a malunga.

Ubutukilo 17:1

Muze Abrama habwa ni miaka 99, Mwene Zambi yasoloka kuli iye ni kumwamba ngwenyi: “Yami nguli Zambi Mukwa Ndundo Jeswe. Chakutamba kungwononokena ni kuliendela ni yami matangwa eswe.

Ubutukilo 2:4

Chenacho Mukulu Zambi atangile yuma yeswe. Muze Mwene Zambi atangile lilu ni hashi,

Ubutukilo 48:15

Mwabwamuze Israele yawahisa Josefe ngwenyi: “Zambi yoze atata jami Abrahama ni Isake alingile, awahise ana malunga wano! Zambi yoze wangufungile ndoo ni musono, aawahise!

Ubutukilo 5:1

Wano e majina ja vungu lia Samutu. (Muze Zambi atangile atu, yaatanga ni kulifwa nenyi.

Ubutukilo 5:22

Enoke te kakuliendela ni Zambi. Yatwama ni mwono miaka yikwo 300, yasema nawa ana a malunga ni a mapwo,

Ubutukilo 5:24

Enoke, ha matangwa eswe a mwono wenyi te kakulivwa ni Zambi. Mba limwe tangwa Zambi yamuchiza hashi, atu hikaamumwene ko nawa.

Ubutukilo 7:1

Mwene Zambi yambila Noa ngwenyi: “Yena ni akwa zuwo lie, yenu eswe nunjile mu ulungu, mumu hinamona ngwami, hashi heswe shina yena lume mwe mukwa ululi.

2 Samuel 22:24

Kananyingika ngwenyi, Chishi kwami chitela, nakulifunga ku yibi.

1 Yitanga Ya Mianangana 3:6

Mwanangana ngwenyi: “Matangwa eswe walwezele zango linji kuli kavumbi ke tata David, te kali mukwa ululi ni umwenemwene, ni mukwa mbunge ya kutuwika. Yiunyongonona ni kumulweza zango lia kumwaha mwana wa lunga yoze unamuhingi musono uno.

2 Sango Ja Mianangana 15:17

Chibwe kabuzwile ko yilumbilo yeswe ya kuwayila mazambi eka hindu te kakwononokena Mwene Zambi matangwa eswe a mwono wenyi.

2 Sango Ja Mianangana 25:2

Yalinga chize akuzanga Mwene Zambi, hindu hi ni mbunge yeswe ko.

Jobe 1:1

Yikubwa umwe lunga wa ku chifuchi cha Uze, jina lienyi Jobe. Te mutu mubema, mukwa ululi, yoze walemesene Zambi, walifungile ku yibi.

Jobe 1:8

Mwene Zambi ngwenyi: “Kuchi, hiunashishika kavumbi kami Jobe, nyi? Hashi kuheshi mukwo yoze alifwa nenyi. Kali mutu mubema, mukwa ululi, yoze wakungulemesa, kakulifunga ku yibi.”

Jobe 12:4

Chibwe masepa jami kaanangusehe haliabwila; alioze chalingile kwami chibi nichimwe, nguli mukwa ululi. Te nakutambika Zambi, neye mangukumbulula.

Miaso (Masamu) 37:37

Tala kanawa mutu mubema, nyonga hali mukwa ululi; mukwa uhwimino kali ni vungu lienyi,

Miaso (Masamu) 37:39

Mwene Zambi kakulamwina akwa ululi, kakwafunga ha matangwa ja lamba.

Yishima 4:18

Jila ya akwa ululi yili ngwe kuvumbuka cha tangwa, kuliakutemuka hakepe hakepe ndoo tangwa mulisoloka liakulu.

Longeshi 7:20

Hano hashi kuheshi mutu niumwe yoze wakulinga yibema matangwa eswe, yoze keshi kulinga chibi nichimwe.

Ezekiel 14:14

Chibwe nyi atu wano atatu, Noa, ni Daniel, ni Jobe, te atwama ko, ululi wo muulamwina lume mwono wo ene.” Mwene Zambi hanachambe.

Ezekiel 14:20

chibwe Noa, ni Daniel, ni Jobe abwile ko, ni mwe yami Mwene Zambi, te keechi kuhasa kulamwina chibwe ana jo. Ululi wo muulamwina lume mwono wo ene.”

Habakuke 2:4

Lweza atu maliji wano ngwe: ‘Yingulungulu keechi kalinduluka, ni mwono, alioze akwa ululi kumaabwa ni mwono mumu kaakushachila hali Zambi.’ ”

Luka 1:6

No eswe aali yaabwa akwa ululi ku meso ja Zambi, yaafunga Shimbi jeswe ni ndako jeswe ja Zambi, te keeshi kapalia.

Luka 2:25

Mu Yerusaleme yimubwa umwe lunga, jina lienyi te Simone, mukwa ululi, mukwa kuwayila Zambi. Te kakushimbwila ulamwino wa Israele. Mwiku wa Linanga yiubwa muli iye.

Luka 23:50

Yikubwa umwe lunga, jina lienyi Josefe, wa ku Arimatea, limwe limbo lia Ayuda. Mutu mubema ni mukwa ululi, te kakutwaminyina kwiza cha wanangana wa Zambi. Neye wa ku Mbunga ya Ngaji ja Ayuda, alioze katayijile ko ubatwilo wo ni yize alingile.

Yilinga 10:22

No yaamukumbulula ngwo: “Mwata wa tujita Korneliu unakatutuma. Kali mukwa ululi, ni kakuwayila Zambi hamwe ni Ayuda. Ayo eswe kaakumushindakenya. Kanganda ka mwilu wamulwezele ha kwiza ni kukusaka, uye ku zuwo lienyi akevwe maliji kuli yena.”

A-ROMA 1:17

Mumu Sango Jibema jinasolola chize Zambi akupwisa atu akwa ululi. Kakuchilinga ku ufulielo wika, chize ku kabutu ndoo ku songo, ngwe chinasonewa mu Mukanda wa Zambi: “Yoze Zambi hapwisa mukwa ululi ku ufulielo, makabwa ni mwono.”

Galashia 3:11

Chinasoloka pundu ngwo, Zambi keshi kupwisa mutu niumwe mukwa ululi ku Shimbi. Mumu Mukanda wa Zambi unambe ngwo: “Mukwa ululi mabwa ni mwono ku ufulielo wenyi.”

Shimbi 18:13

Lingilenu Mwene Zambi ni mbunge jeswe.”

Hebreu 11:7

Ku ufulielo Noa yevwa kutoweza cha Zambi hakutwala ku yuma yize muyikeza ho, yize kanda ayimona. Yononokena Zambi ni kutunga ulungu. Iye ni akwa zuwo lienyi yaanjila mo, ni Zambi yaalamwina. Chenacho yahisa akwa hashi eswe. Ku ufulielo nawa Zambi yamwalula mukwa ululi.

1 Petulu 2:5

Kundamenu, hanga ni yenu nubwe ngwe mawe a mwono, waze Zambi matunga no zuwo lia Mwiku wa Linanga. Mu zuwo lize munubwa mahako a Zambi waze ali ni milimo ya kulambula Zambi milambu ya uzambi, yize muyikamubemena, nyi nwakuyilambula ku tachi ja Yesu Kristu.

2 Petulu 2:5

Zambi kevwilile ko tushakulu keke, alioze yashiha atu waze abi ni sanga lia meya. Yalamwina lume Noa, yoze te wakulongesa ululi, ni atu akwo shimbiali.