Ubutukilo 6:6 - Mukanda Wa Zambi 1970

⁶ yevwa chinyengo ha chize atangile mutu ni kumusa hashi.

MUKANDA USANDU WA ZAMBI 1975

⁶ Yehova yalikonyeka chize atangile atu hano hashi. Chamunehenene chinyengo mu mbunge yenyi.

Ubutukilo 6:6 Iomraidhean Croise

Ubutukilo 6:7

Mba yamba ngwenyi: “Mungwonona atu eswe waze natangile, chibwe kweswako ali. Mungwonona atu ni tushitu ni tututu ni tujila eswe, mumu ngunevu chinyengo ha chize natangile yuma yeswe.”

2 Samuel 24:16

Muze kanganda ka Mwene Zambi hanyonga kwonona akwa Yerusaleme, Mwene Zambi yalumuna mbunge yenyi, yambila kanganda yoze te unashihi atu ngwenyi: “Litwamine! Hikwahwa!” Mwe kanganda te uchili ku chizungwilo cha Arauna, mukwa Jebuse.

1 Sango Ja Mianangana 21:15

Hohene yatuma kanganda ka mwilu ashihe akwa Yerusaleme, alioze yalumuna mbunge yenyi, yambila mwe kanganda ngwenyi: “Litwamine! Hikwahwa!” Mwe kanganda te kanamana ku chizungwilo cha Arauna, mukwa Jebuse.

Miaso (Masamu) 106:45

Yanyonga Usendo uze akolesele no, yalumuna mbunge yenyi mumu ha zango lienyi liahiana.

Miaso (Masamu) 110:4

Mwene Zambi hanalishingi, kechi kalumuna. Yamba ngwenyi: “Yena muukabwa hako wa miaka yeswe, mu ngango yimuwika ni yize ya Melkizedeke.”

Miaso (Masamu) 119:158

Kuze nakutala akwa uhulia waze, mumu keeshi kufunga Shimbi je.

Miaso (Masamu) 78:40

Yaalimika ni Zambi yisuho yinji mu puya, ni kumuvwisa chinyengo.

Miaso (Masamu) 81:13

Nyi te atu jami kaakungwivwa, ni kungwononokena kama,

Miaso (Masamu) 95:10

Yingwevwila kubiha miaka makumi awana, yingwamba ngwami: ‘Haa! Atu wano kaali yihulia! Kaasolo kufunga Shimbi jami.’

Kutuhuka 32:14

Kashika Mwene Zambi yalumuna mbunge yenyi, kashihile atu jenyi ngwe chize ambile.

Izaya 48:18

“Mala! Nyi nwabanjikile kama Shimbi jami! Kachi nanuwahishile kuhiana ngwe lwiji yoze keshi kuma. Kachi nwakumbile kuhiana, ngwe chize miavu ya tachi yakulamba ku mbumbulu ya kalunga lwiji.

Izaya 63:10

alioze yaamukatukila, yeevwisa Mwiku wenyi chinyengo. Kashika Mwene Zambi yalumuka mukwa kole yo, yalimika no.

Jeremia 18:7

Lieswe tangwa mungwambila limwe vungu ngwami, mungunwonona ni kuchina chifuchi chenu.

Jeremia 26:19

Mwanangana Hezekia ni Ayuda kaashihile ko mukwa munanyi Mika. Alioze Hezekia yevwila Mwene Zambi woma, yamuwahisa. Mba Mwene Zambi yalumuna mbunge yenyi hakutwala ku lamba lize ambile kuneha hali ayo. Musono tunambe kulikokela lamba linji.”

Ezekiel 33:11

Alweze ngwe, mwe yami Mwene Zambi, Chishi kuwahilila nyi Chivulumunyi wafwa. Ngunazange kachi alitwamine yibi yenyi, abwe ni mwono. Alumukenu ku mbunge! Alumukenu ku mbunge vungu lia Israele, mumu yika nunazange kufwa?”

Hosea 11:8

“Aisraele, ngwe kuchi ngunahase kunwehuka? Ngwe kuchi ngunahase kunwecha? Munguhasa kunwonona ngwe chize nonwene Adma, nyi? Chibwe kunulinga ngwe chize nalingile Zeboime, nyi? Mbunge yami kuyangutayijile ko kuchilinga! Nakunuzanga kuhiana.

Joele 2:13

Kanda nutanuna mahina jenu; alioze Sololenu yinyengo ya mu mbunge.” Hilukenu kuli Mwene Zambi, Zambi yenu, mukwa utu ni mukwa keke. Kali chihumikiji, kakumanununa yilakenyo yenyi; matangwa eswe kakululika kukonekena, hi kumwesa ko lamba.

Yona 3:10

Zambi yamona chize atu haalinga; yamona ngwenyi, heecha yibi yo. Mba yalumuna manyonga jenyi, hikaamwesene ko lamba ngwe chize ahalile.

Malaki 3:6

“Yami nguli Mwene Zambi, Chishi kwalumuka. Kashika yenu vungu lia Yakoba, chanunongesene ko liakulu.

Kwalula 23:19

Zambi keshi ngwe atu waze akuhanjika mahuza; keshi ngwe mwana mutu yoze wakwalumiona mbunge yenyi. Cheswacho halakenya kumachilinga, chize mahanjika muchilingiwa.

A-ROMA 11:29

Mumu Zambi keshi kutambula nawa yize hanahane. Keshi kwalumuna manyonga jenyi hali waze atongwele.

Efesu 4:30

Kanda nwivwisa chinyengo Mwiku wa Linanga wa Zambi, mumu Mwiku uze uli chinyingi chize chinalweza ngwo, nuli ana ja Zambi. Mwiku uze uli chilakenyo ngwo, Tangwa mulikeza lize Zambi makanutusula liakulu.

Shimbi 32:29

Nyi te kaali akwa mana kachi maanyingika, mumu yika haanonga, kachi maamona kama songo lio.

Shimbi 32:36

Mwene Zambi makalamwina atu jenyi muze makamona ngwenyi, tachi jo hijahwa. Makevwila keke waze akumulingila, muze makamona ngwenyi, keeshi tachi.

Shimbi 5:29

Nyi matangwa eswe maalinga kama ngwe chino nikufunga Shimbi jami jeswe, kachi ayo ni vungu lio, kumaakawaha ku miaka yeswe.

Hebreu 3:10

Kashika naavutwokelele. Yingwamba ngwami: ‘Matangwa eswe kaakupianguka mu kunyonga cho. Kaanyingikine majila jami.’

Hebreu 3:17

Atu waze Zambi evwilile ufwatulo miaka makumi awana, aya? Waze ene avulumwine, waze afwilefwile mu puya.

Tiangu (Jake) 1:17

Yawana yeswe yibema ni yingunu yaakuhulumuka mwilu, yaakwiza kuli Zambi, Tangi wa mapangu a mwilu. Zambi keshi kwalumuka, chibwe keshi kuneha chizulie cha kwalumuka.

1 Samuel 15:11

“Ngunevu chinyengo chize napwishile Saulu mwanangana, mumu hangumba nyima ni hakolema Shimbi jami.” Samuel yatenuka, yalila ku meso ja Mwene Zambi ufuku weswe.

1 Samuel 15:29

Chikwo nawa, Zambi Mulemu wa Aisraele keshi kuhanjika mahuza, chibwe keshi kwalumuna mbunge, mumu keshi ngwe mutu, mba malumuna mbunge.”

1 Samuel 15:35

Samuel yatwama ku Rama, hi kejile ko nawa ni kutala mwanangana ndoo ni ku kufwa chenyi. Alioze yalinyenga hali Saulu. Mwene Zambi yevwa chinyengo mumu wapwishile Saulu kubwa mwanangana wa Aisraele.